安雅挺巨肚狂試食 111,108 
【今日我至脹】就嚟生得嘅安雅個肚已經脹無可脹，隨時生得咁嘅樣，難得佢前日仲通街走買零食，鬼妹仔係唔同啲嘅。
【中環ifc】現年36歲嘅女星安雅自從02年喺台北因為食搖頭丸事件之後，轉戰內地拍戲，雖然作品唔多，但就識到孔子後人孔眾，上年仲大埋肚現身。同好多內地媽咪一樣，佢都係比較相信香港嘅醫療制度，所以近日又嚟咗待產。前日5點幾，冇化妝嘅安雅同一位中年女士現身中環ifc嘅city'super，安雅個肚已非常大，反而個樣就冇乜點變，上圍就變得好豐滿。
留港待產
安雅買咗好多牛扒、三文魚同零食之外，仲不停試食，非常好胃口，前前後後買足一個鐘，因為買咗太多嘢，最後要叫埋喺樓下等緊嘅司機上嚟幫手攞嘢。安雅畀錢嘅時候已經見到記者，佢依然好有禮貌同記者微笑揮手，出到門口佢先戴番副墨鏡，跟住就企定定同記者傾偈。安雅話預產期係今個月，所以專登嚟香港生仔，佢話：「都差唔多生得，預產期係今個月，位女士係我陪月嚟㗎。𠵱家暫時住喺金鐘等入院。」佢仲話梗係知道BB嘅性別，但就唔肯話畀記者知，要保持神秘喎。
採訪、攝影：彭琮然
■大肚婆特別易餓，安雅（中）掃超市時不停試食，個樣仲好滿足。 
■陪月阿姐（右）傍實安雅掃牛扒、三文魚同零食，盡量都唔使佢踎低攞嘢。 
■喺內地發展嘅安雅撻着孔子後人孔眾，舊年10月仲手拖手喺香港行街。
資料圖片
安雅挺巨肚掃貨 多人服侍
台灣女星安雅一直被傳與孔子後人孔眾相戀多年，早前被拍得懷有身孕的她，前晚挺着巨肚兼脹爆谷奶於中環行超巿掃貨，逗留一小時後由陪月員及司機陪同離開，她直言會留港等生B，至於肚中嬰兒性別，安雅堅持要保密。
下月36歲的台灣女星安雅，早年曾來港發展，至2002年涉嫌在台灣吸毒被判入看守所，其後轉戰到內地發展，多年來盛傳安雅與孔子第78代直系後人孔眾拍拖，更一度傳出婚訊，惟未得到當事人證實，今年7月安雅在內地被拍得疑似懷孕，前晚巨肚安雅現身中環掃貨，直言月底生得，會留港迎接小生命。
見記者遮殘樣
前晚6時，素顏安雅身穿橫間上衣襯黑色外套，挺着巨肚和谷脹的上圍出現在超級巿場，身邊有一名年長的女性陪同，親自推購物車的她，於芝士櫃前表情多多地選擇食物，一時抹鼻、一時皺眉，繼而再揀海味、蔬果、日用品及BB用品，未幾已掃了滿滿一車，此時安雅發現記者，友善地展開笑容，然後馬上掏出太陽眼鏡遮殘樣。
安雅在陪月員陪同下在超市掃貨。
巨肚谷奶的安雅掃貨期間也有試食。
安雅認真多人服侍，有司機幫手推着戰利品離開。
司機載返豪宅
安雅向記者介紹身邊的是陪月員，隨後更叫埋司機前來幫手拿戰利品，一行三人齊齊搭(車立)往停車場，至於被問到腹中BB是男或女，她說：「唔講啦！保持神秘感。（邊度生？）你哋自己check啦！」她只透露預產期為本月尾，之後的工作就等生B後再打算。安雅登上七人車，坐在司機位旁離開，該車登記車主地址為九龍塘豪宅，身家非富則貴。
文、攝：追蹤組
巨肚安雅月底生得
台灣女星安雅，前日6時挺着巨肚谷奶到超市掃貨，逗留一小時後由陪月員及司機陪同離開，多年來盛傳與孔子第78代直系後人孔眾拍拖的她，今年7月在內地被拍得疑似懷孕，前晚巨肚安雅透露預產期是月底，會留港分娩。即將做媽媽的她於超市狂掃芝士、海味、蔬果、日用品及BB用品，期間表情多多，及至發現記者，即友善地展現笑容，然後掏出太陽眼鏡遮殘樣。
問到胎兒性別，她說：「唔講啦！保持神秘感。（邊度生？）你哋自己Check啦！」其後登上七人車離開，而七人車車主的登記地址為九龍塘豪宅，家底應該不俗。
挺着巨肚的安雅在超市掃貨。
留言列表
{{ article.title }}
