講起香江名媛阿太，老實講，媽咪姐真係好羨慕「富貴新抱」㗎。後生又靚女，唔單止老公錫，連老爺「數字阿叔」都當佢係寶呢吓掂嘛。


不過，媽咪姐聽佢嘅閨中密友講，「佢都有佢嘅壓力㗎。話晒男家係生意人，梗係希望你一入門即刻bit隻蛋出嚟啦，所以『富貴新抱』都好想頭胎搞掂，點知連生兩個女後，有啲失望。「佢阿媽就帶佢去搵喺香江名太圈好出名嘅中醫，睇吓有冇計。中醫當然拍到心口爛話有辦法啦。『富貴新抱』雖然好恨生番個慈姑椗，不過佢聽完之後，考慮咗一大輪，最後都冇聽中醫支笛，一來諗住自己仲後生，二來怕靠藥物或者科學生仔法，驚有後遺症，決定順其自然算數。哈，估唔到又真係俾佢博到個仔喎。」唉，媽咪姐出嚟行咗都有段日子囉，好命嘅人見唔少，但只有羨慕之心。不過對「富貴新抱」呢，羨慕之餘仲要加上妒忌。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄