每週一大廚

秘製蘿蔔糕

2013年01月17日 ~~ 第1193期香港《壹周刊》

就快過年，是時候四出搜購年糕送禮，馮美基 May姐早已收到朋友詢問，要她推介好味糕點︰「我年年都會自己做蘿蔔糕，街買的有啲質感太粉，或唔夠味，有啲又太多其他料遮蓋了蘿蔔味，真係好難推介。」朋友應該不滿意這個答案吧？「朋友來到我家拜年，我都會整蘿蔔糕招呼大家。」自己做蘿蔔糕頗花時間，要揀靚料、材料要浸過夜，做幾多都總不夠朋友分享。結果徇眾要求下， May姐決定和高檔餸菜包速遞店 Fresh to Go合作推出賀年糕點︰「他們的理念是不鮮不食，肯揼本錢用靚材料，成本高一點不緊要，最重要食得放心，我很欣賞這一點。」

第一次推出自家品牌糕點， May姐特別設計六款口味，牛肝菌原味蘿蔔糕、燒鴨蘿蔔糕、極級原隻鮑魚蘿蔔糕，甜糕有甘蔗馬蹄糕、天然桂花年糕及斑蘭椰汁年糕。「市面選擇多，單單用料靚不夠，始終要諗諗更多賣點。例如原隻青邊鮑的，送禮夠睇頭。斑蘭椰汁糕就取材自我餅店的斑蘭蛋糕，用新鮮斑蘭葉磨碎搾汁做，馬蹄糕要用鮮搾蔗汁，全部糕點不加防腐劑，夠天然。」至於基本款式， May姐教大家自製︰「我家的蘿蔔糕秘訣是加入大地魚粉，我媽媽以前更會自己烘大地魚，現在可以買現成，較方便。另外可以加雞汁去吊味，就似煲湯要加雞和豬骨一樣，加了大地魚粉和雞汁去做蘿蔔糕，味道香得多。」

材料

(1.5斤糕）
蘿蔔（刨絲）　 600克
粘米粉　 85克
粟粉　 20克
雞湯　 170毫升
澄麵　 20克
蝦米（浸過夜、搗碎）　 15克
臘腸（切粒）　 10克
膶腸（切粒）　 8克
臘肉　 15克
乾瑤柱（浸過夜、撕成幼絲）　 20克
日本冬菇（浸過夜、切絲）　 20克
大地魚粉　 1湯匙
油　 2湯匙
芫荽（切碎）　少許
葱（切粒）　少許
芝麻（烘香）　少許

調味料

雞湯　 50毫升
白胡椒　 1/5茶匙
糖　 1茶匙
調味雞汁　 2茶匙

步驟

❶燒油鑊，爆香蝦米及冬菇，加入膶腸、臘腸、臘肉及乾瑤柱炒香。加入部分上湯，下蘿蔔絲、拌入大地魚粉及調味料，拌勻後熄火。
❷粘米粉、澄麵及粟粉加進另一個煲內拌勻，慢慢倒進餘下的上湯，拌至呈滑溜的狀態。
❸把粉糊加進蘿蔔混合物拌勻。
➍蒸盤輕輕掃上油，倒進蘿蔔混合物，上面蓋上錫紙，大火蒸 90分鐘。
❺取出，面頭灑上葱、芫荽及芝麻。食前切成方塊及煎至兩邊微脆。

❶

❷

❸

❹

Fresh to Go x May姐賀年糕點可於 http://www.freshtogo.hk或 May's Cookies訂購，另 1月中及下旬起於 Apita、 Citysuper及 Piago有售。

馮美基

資深傳媒人，於本港電視界任職高層多年。 2011年主持 TVB飲食節目《 May姐有請》大受歡迎，退休後不斷鑽研廚藝，數年間出版了《最愛，宴客》、《 May’ s星級宴客》等五本食譜，將不少明星名人最愛的家宴食譜公諸同好，其中《美基宴客》更獲法國「 Gourmand World Cookbook Awards」選為香港優勝作品。
現於報章雜誌撰寫食譜及專欄，更於灣仔及九龍城開設 May's Cookies一口曲奇。最近與 Fresh to Go合作推出「 May姐系列餸包」及「 Fresh to Go x May姐賀年糕點」。

飲食特務 B
老店賀年盆菜

一品鮑魚盆菜$2,388（ 10-12人）/$1,788（ 6-8人）

新蒲崗的得龍大飯店， 63年開業，至今仍然主打懷舊粵菜，唔少人都專程去吃金錢雞。今個農曆年，夥拍大型餐飲供應商丹尼食品推出外賣盆菜，依從飯店配方，有齊鮑魚、花膠、海參、燒鵝、貴妃雞等材料，送貨當日鮮製，以瓦鍋盛載加保溫袋包裝送貨。打個電話就有老店傳統盆菜送上門，由年廿一供應到年初八，夠方便。

電話： 8208 8283
網址︰ http://www.taklung.com.hk
注︰訂購日期即日起至 2月 12日（ 5日前預訂）

靚景
任食 BBQ

佔據世貿中心平台靚位，望避風塘景的 Hooray，這兩個月推出燒烤放題，在平台架起燒烤爐，逢星期日至四晚，由大廚即燒廿多款食物，牛仔骨、豬肋骨、印度烤魚串、燒蠔、帆立貝等等，海鮮肉類蔬菜都有。以每位$298來說，論環境或食物選擇，點計都抵。

Hooray Bar& Restaurant
地址︰銅鑼灣告士打道 280號世貿中心 P502
電話︰ 2895 0885
供應時間︰星期日至四 6:30pm-9:30pm（至 2月底）
價錢︰成人$298、小童$208