雖被指借Viddy挑逗余文樂，不過Angelababy依然冇有怕，繼續上載佢同周柏豪玩啤玩到癲嘅短片。女神要獵男，絕對唔會受外間騷擾！

短片分享網站Viddy熱爆星界，一向與時代並進嘅媽咪姐梗有玩啦！不過，自從有雜誌登晒明星啲溝女冧仔喪玩短片後，佢哋好多人都刪除咗啲片。之不過，溝女同冧仔對某啲星嚟講，係終生事業同興趣嚟㗎！好似Angelababy咁，雖然啱啱先俾人喺Viddy發現佢同余文樂原來「好有交流」，但女神冇有怕，繼續upload佢同周柏豪嘅喪玩片上網站。咦，唔知海綿蛋糕（黃曉明）睇完，會唔會俾個like呢？


 


Baby，咁開心，做乜唔預我呀？（設計對白)《蘋果日報》圖片


官恩娜最多人跟
官恩娜以俏皮一面冧粉絲，佢同阮兆祥、伍姑娘去海洋公園開工，三個人就算食風，都不忘擺chok樣。


Edison扮慘
獲Edison關注報道一出，一夜間多咗過萬粉絲嘅栢芝，急急剷走兩個囝囝嘅短片，戴上粉紅Kitty眼鏡框，轉而喺鏡頭前扮cute，有機會吸引到唔知佢個底嘅男性埋身呀！


張栢芝轉cute
玩攝影玩到達神級嘅Edison，Viddy咁潮又點會逃過佢法眼，日日不停奉上新片之外，更自爆曾患有抑鬱症。說話咁赤裸，佢嘅溝女平台又多一個。


Viddy hit咗冇耐，估唔到經常將自彈自唱短片同人分享嘅官恩娜，有一萬八千幾個followers，係全港藝人之冠，比栢芝、陳冠希仲紅呀！

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄