由徐淑敏（Suki）、糖妹（黃山怡）與丁丁（丁樂鍶）主持的甜品節目《甜姐兒》，以三位女主持的青春甜美做賣點，但自播映以來廣管局收到6宗投訴，3宗投訴Suki衣着太暴露，其餘3宗係話丁丁講嘢唔清楚有懶音。三個女人一個墟，是非亦走唔甩。糖妹同丁丁幾乎集集都出言狂寸Suki，唔係寸佢肥就係老。慘被夾攻的Suki鏡頭前惟有硬食。周日Suki出席活動終於不吐不快：「佢哋成日窒住晒，冇大冇細。」
《甜姐兒》拍了廿四集，由Suki、糖妹與丁丁介紹不同的甜品，不過觀眾對三位女主持的關注度比甜品更甚。
甜姐兒變寸姐兒
雖然個節目名叫《甜姐兒》，但幾乎集集都有火藥味。糖妹同丁丁一有機會就寸到Suki應一應。Suki除咗可以笑，仲可以點？
拍咗24集《甜姐兒》，三位女主持難免被評頭品足，Suki被指衣着暴露，糖妹衰寸，丁丁就被投訴口齒不清。《蘋果日報》圖片
監製黃中濠（左）認為女主持互寸係一種溝通方式，至於Suki被投訴衣着暴露，他說：「呢啲唔係暴露，係fashion。」
Suki兩年抱兩，去年9月誕下細女Renee，咁快就修身復出，其實都幾犀利。《蘋果日報》圖片
早前Suki與麥玲玲為無綫生活台的《女人有話兒》做嘉賓，兩人一拍即合。據知無綫有意搵兩人主持節目，不過形式未定。
眼見枱上有咁多甜品，Suki話食晒一定肥死，丁丁即寸：「係你要減肥咋！」Suki無奈笑說：「你好嘢！」
Suki話每次見到用青蘋果做的甜品，總覺得食極唔會肥，丁丁寸爆：「咁你食多啲喇！」
丁丁同Suki介紹英式蘋果批加雪糕，丁丁突然話加埋雪糕最啱佢呢啲少女食，Suki聽完先怒啤對方再傻笑。
呢集係介紹用薑做嘅甜品，講到老薑番薯糖水，糖妹指住Suki，並多次強調她是老薑，Suki終於忍唔住反擊話：「我想打你！」
食住由三種奶製成的蛋糕，糖妹話啲老婆食咗呢個蛋糕，可以趕絕老公身邊嘅二奶、三奶，仲話最啱Suki食。
全站熱搜
留言列表
{{ article.title }}
