繼本周日（8日），幾千人喺尖沙嘴D&G門外「挑機」影相反霸權後，網民再次發起喺嚟緊嘅周日（15日）萬人圍影D&G，誓要令D&G為禁攝事件道歉。香港人，原來都可以咁齊心！《蘋果日報》圖片

近期睇報紙，媽咪姐有啲錯覺，以為自己正身處偉大嘅祖國！《天與地》只係觸及少少咁多「六四」話題，已經俾TVB極低調「處理」，監製編劇都要受靶。D&G事件，唔使多講啦！明明打開門口做生意，但我哋企喺條廣東道影佢兩張相都俾保安鬧no photo！「自由行」呢？就自由任影唔嬲囉。仲有仲有，媽咪姐差啲搞錯咗《勁歌》頒獎禮係「英皇歌星大賞」呀！睇到最後，林峯竟然係亞太區最受歡迎男歌星兼攞埋金曲金獎㖭！「四大天王」都未試過有呢個成績啦，終於證實……我哋都諗多咗嘞！呢個係「TVBubby」聯歡會至啱。


唉，原來自我審查、特權主義同弄虛作假已經唔再係國內嘅「專利」？個世界唔應該係咁㗎！好似D&G多年嚟得到唔少明星藝人追捧，但佢哋依家都話唔再撐！表明D&G歧視香港人就唔得，實行要發揮團結精神，着慣名牌嘅草蜢仲帶頭罷着。This city is dying，但我哋未死㗎嘛，係時候發聲嘞！

祖兒撐出面
雖然群星憤怒鳥，但樂壇天后容祖兒以行動力撐D&G， 喺早前嘅《新城勁爆頒獎禮2011》中，就以全身D&G示人。之後媽咪姐諗住响《勁歌》頒獎禮慶功搵天后回應幾句，佢仲即刻搵助手解圍，一句：「我哋唔答呢啲！」就走咗去。 ####


 


蔡一傑
我唔買呢個牌子㗎噃！唔係我style，唔會着呢啲啦！（真實對白)


蔡一智
有咁多其他衫揀，我唔着呢啲嘢！（真實對白)


關心妍
對香港人要公平！希望佢對所有人都公平啲，我好愛我嘅國家，希望得到公平對待。（真實對白)


陳偉霆
已經唔想着佢啲衫！我已經着少咗呢個牌子，又有其他贊助，所以好耐冇着佢。（真實對白)


我係天后！你理得我。（設計對白）

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄