劉堃為身穿七萬元的 Vera Wang婚紗的新娘著上「玻璃鞋」。
名人有喜
李麗娟兒子 龍尾新郎
兩個夠數
三十二歲的劉堃，本週六和拍拖六年多的律師女友蘇雯華（ Miranda）共諧連理。去年十一月他們已飛往韓國影了一輯婚紗相，更放上網予友人欣賞。致電劉堃，他大方說：「韓國 style自然得來靚啲，執得無咁明顯。」還有數天便結婚的他，坦言忙得很，「唔算緊張，但未同兄弟傾流程，我同老婆、媽咪同阿爸、外父外母打八百個電話。」
去年四月決定結婚，三個月後二人飛返相識地——紐約度假選購婚紗，他亦積極減肥。「我瘦咗十磅，劉德華話平時六點後唔食飯唔食麵包，就算你乜都唔改，都差好遠。」婚後會否火速生 B？「唔會等太耐，覺得係時候開始計劃家庭。」他心目中想生一仔一女，「等大佬照顧個妹；通常大女似老豆，我唔想個女似我。」
劉堃讚 Miranda：「佢個樣幾有福氣。」
難得劉堃影了一日結婚相，笑容依然 keep住燦爛。
李麗娟（前排右）的女兒劉盈（後排左）○六年已婚，如今兒子也成家立室，劉捬母親李麗娟及父親劉石佑老懷安慰。（《蘋果日報》圖片）
請柬內附他和未婚妻及家人的近照，「有啲親戚、好耐嘅朋友或對方親戚未必見過我哋，點都應該有近照，等人至少知道乜嘢樣。」
賣車仔麵
哈佛法學博士畢業的 Miranda是經朋友介紹認識，劉堃笑言：「我要求都幾高，最緊要性格夾，佢份人好好，幾叻女，大家互相信任，就算一齊過啲好簡單生活都開心。」
現正搞生意、做投資的他，二月會在灣仔開車仔麵檔，「屋企物流生意幾穩定，所以俾個機會我出來攞吓經驗。」會否叫未婚妻婚後全職做家庭主婦？「佢做律師做得幾開心，唔做嘢會好悶。」
過大禮又點少得鮑魚？劉堃說：「海味自己揀，先發覺啲乾鮑咁貴。」
婚宴當晚， Miranda也會穿上這件英國 Annasul Y.品牌的紅色晚裝裙。
全站熱搜
留言列表
{{ article.title }}
