五個大獎，英皇攞走三個，無綫最後將「金曲金獎」分了給東亞的王菀之。
探熱針
爛尾 冇大牌冇慶功 《勁歌》慘情落幕
英皇星煥玩晒
未實牙實齒向外公布，但無綫已有方案，決定明年停辦《勁歌》頒獎禮，全力爭取明年舉行「四台聯頒」，但商台、港台、新城的反應並不熱衷，「四台聯頒」成事與否，仍是未知之數。
「無綫係最大力贊成搞『四台聯頒』，若然成事，大牌歌手都會撐場，唔會好似依家《勁歌》咁冷清清，仲可以撇開四大唱片嘅問題，加上得無綫一個係電視台，頒獎禮節目直播，一定無蝕底！」知情者說。
同四大唱片反面多年，《勁歌》頒獎禮早已變得星光暗淡，去年余詠珊加入無綫後，老公何哲圖旗下的星煥唱片，亦理所當然成為今年《勁歌》第二大贏家，頭號「友好」英皇獲十三個獎，星煥亦擸走七個。
英皇唱片未有為得獎歌手搞慶功宴，首次開齋做最受歡迎男歌星的林峯，自己俾錢請工作人員食火鍋慶功。
未宣布「最受歡迎男歌星」，林峯已經換了另一套衫，兼有工作人員幫他戴上咪 set，明顯一早知道賽果。
冇人撐樂大媽
「最受歡迎男歌星」，加上今年古巨基缺席唔玩，左手同右手玩的林峯，攞獎坐定粒六。
據了解，在《勁歌》總選高層評審大會上，一直力撐林峯的樂易玲，曾爭取將兩個《勁歌》男歌手獎一併頒給林峯，但六人高層會議中，只有樂大媽一人投選林峯同時攞兩個男歌手獎，當中以余詠珊與樂易玲爭持得最激烈。
「以往係有人同時攞兩個男歌手獎，好似○四年劉德華同○七年嘅陳奕迅都試過，將林峯同華仔 Eason列為同一級數，肯定會變成世紀笑話，無綫唔想再俾人鬧爆，所以好避忌，但因為揀無可揀，『亞太最受歡迎男歌星』於是俾咗台灣組合 LOLLIPOP F！」一名《勁歌》幕後說。
分唔到女新人獎的陳法拉，只得「新人薦場颷星獎」，攞完獎，陳法拉嬲到離座即走。
小豬唔到，最終由 LOLLIPOP F奪「亞太最受歡迎男歌星」。
無綫原先想斟小豬出席頒獎禮攞「亞太最受歡迎男歌星」，可惜小豬聽完得獎名單即拒絕。
表演嘉賓同樣星光暗淡，最大粒算是關淑怡。
大會無慶功宴，成第二大贏家的星煥，公司老闆自掏腰包搞慶功。
自己友頒獎禮，欣宜當然有份，曾志偉更公開指欣宜為拍其執導的賀歲片，才努力增肥。
焗住唔搞
留言列表
{{ article.title }}
