娛樂八掛大放送★

郭秀雲囝囝狂媾模疑劈腿

錢小豪和郭秀雲的兒子錢景峰之前與模陳靜儀（ Mia）分手後，火速媾掂有 33C上圍兼有「諸葛紫岐、張馨予混合體」之稱的模蕭美卡（ Mika）。郭秀雲則指兒子有位在英國讀書的女友，踢爆他疑似一腳踏兩船。

其他娛樂名人影片

現年 21歲的錢景峰年多前跟已有一子一女的模陳靜儀拍拖，但有傳因郭秀雲不滿 Mia年紀輕輕已為人母，因此出手拆散。錢景峰和 Mia分手不到半個月，火速媾掂另一模蕭美卡，蜜運時兩人甜絲絲結伴出席首映，更穿情侶 tee頭貼頭合照，食飯時又打情罵俏， Mika更狂搣男友面珠，並孖住影貼紙相。

放大圖片

兩口子食飯時， Mika出手搣錢景峰面珠。

放大圖片

以前是包包面的 Mika（右圖），最近忽然連臉也變尖。資料圖片

Mika玩變臉

不過，錢景峰和 Mika拍拖年多，近日二人剛剛分手， Mika收拾心情，簽約成為許穎（ Phoebe）師妹進軍模界，並行性感博出位。 21歲的 Mika不但身材越來越弗，連樣貌亦跟之前有很大分別，由包包臉變到下巴尖尖，樣貌變成諸葛紫岐及張馨予混合體。

英國有女友 放大圖片

錢景峰曾與已為人母的模 Mia拍拖。資料圖片

對於跟錢景峰分手， Mika昨在電話中說：「係和平分手，可能佢喺外國，分隔兩地始終有問題，但唔係有第三者。」不過，問 Mika會否與景峰再做朋友，她就說：「做唔番朋友，唔想再提佢，大家有啲問題解決唔到。」問 Mika對舊愛有何評價？她不想多談，但說拍拖時景峰有帶她見錢小豪和郭秀雲。不過，郭秀雲昨卻指未見過 Mika：「我個仔有個喺英國讀書嘅女友，拍咗年幾，感情穩定。我個仔好乖，有女友都帶畀我過目，但 Mika呢個名冇印象。」莫非錢景峰一腳踏兩船？郭秀雲力撐說：「佢冇咁嘅本事。」另外，對於變臉成諸葛紫岐及張馨予混合體， Mika說：「似佢哋都開心，兩個都靚。」但她否認整容，只是減肥令臉變尖。採訪：丁寧、梁錦雯


錢景峰與 Mika拍拖時曾穿情侶 tee頭貼頭合照。