依喜沙煲沙煲$38
五花腩片有六七片，雞件厚肉，雲吞由人手新鮮包，連沙爹醬和麻辣醬都是自製，誠意十足！

庶民飯堂

平到震　$38海鮮火鍋

2013年01月17日 ~~ 第1193期香港《壹周刊》

自各大快餐店推出平價火鍋，我年年幫襯，什麼肥牛黑豚肉東星斑翡翠螺，每出新款價錢又貴啲，但材料和分量卻不斷縮水，五六十蚊一個火鍋依然食唔飽。聞說旺角女人街有新店推出$38海鮮火鍋，價錢低到難以置信，我不敢抱期望，點知終於俾我食到一次飽肚的一人火鍋。

整個火鍋，我食咗足足一小時，五花腩片、雞件、冬菇、雲吞、三寶丸，仲有一條四安士重大眼雞。老闆每日三點去街市買貨，有時改買滑仔魚、大蝦、青口，視乎市場供應。「但保證火鍋料一定有齊海鮮、肥牛或五花腩片、雞、丸類及蔬菜幾個元素。」老闆 Gary，十幾歲起學廚，曾做過日本食店、西餐廳及中菜館，儲落大批相熟供應商，有優惠入貨價。今次開店，決心用質素和分量打響名堂，每日推出不同款$38餐，除了火鍋，還有雞煲、鐵板燒、韓式石頭飯等等，將熱門菜式平民化。開店未夠一個月，附近街坊職員已成熟客，仲不停勸老闆加價，怕他做不住。奇在 Gary企硬唔肯，「因為我覺得自己係廚師多過商人，做廚就唔應該成日掛住牟取暴利。」

御飯板上燒$38
即韓式石頭飯，吃時附上 gas爐以保溫。套餐還包括三文魚刺身、白飯、甜品（雪糕涼粉）及飲品一杯，凍飲不加錢。

雜扒飯$38（送冷或熱飲）
大熱飯餐，任選豬牛雞或魚柳各兩塊，拼炭燒明太子釀雞翼或司華力腸，厚身肉塊原件上，抵食！

料理男 Master Chef
地址：旺角通菜街 23號地下
電話： 2485 1101
營業時間： 11:30am-12mn