羅彩玲 反咬 Avis 龜縮 陳偉成 頹爆 現身 Mia床照 贈興 羅彩玲 開記招 無厘頭 派寫真
馮仁昭四圍超：羅彩玲反咬Avis龜縮 141,960 
■Vivian化行妝同經理人開記者會，澄清自己唔係小三。
𡃁模羅彩玲（Vivian）噚日由經理人向展邦陪同喺觀塘開記者會，澄清唔係周秀娜同男友陳偉成（Avis）之間嘅小三，唔認搞散佢哋嘅6年情。Vivian唔單止唔厭煩咁解釋，仲見記者就派佢本上年出嘅寫真，一啲都冇嘥料。講番同Avis張床照，Vivan話真相唔係咁，只係大家飲醉酒瞓喺梳化，朋友影咗放上facebook，事後已經刪除晒啲相。Vivian話佢哋分手唔關佢事：「佢哋冇聯絡見面，感情好難維繫。」覺唔覺得Avis有心追求？Vivian話：「我唔識答，我哋真係冇一齊過。」點解合照流出街？Vivian解釋：「可能佢哋分手，傳媒四處搵料。」
唔答有冇性關係
大家都好關心嗰晚Vivian同Avis咁醉有冇發生性關係？Vivian扮聽唔到然後話：「我醉咗瞓咗，事後醉醒至知俾人影咗相。」咁醉點肯定冇？向展邦出口代答：「酒醉三分醒。男方應該光明正大出嚟同大家講番呢件事。」覺得有人龜縮？向展邦答：「係，唔係要將責任放喺邊，但唔好匿埋。」記者噚日再搵Avis，但佢直情熄埋電話潛水。另外，娜姐噚日接受商台電話訪問，佢再次強調同Avis分手唔涉及第三者：「我唔想拖其他人落水，呢樣嘢一直存在，但確實分手原因係因了解而分開。」
撰文：馮仁昭
Avis頹爆現身 Mia床照贈興
隨周秀娜高調宣布分手，頓成「前男友」的陳偉成（Avis）玩女罪證卻愈揭愈有！繼被流出與o靚模羅彩玲（Vivian）的情慾照，網上昨更流出Avis與失婚模媽陳靜儀（Mia）的疑似床照！照片中赤膊Mia躺在露點Avis胸肌上，雙眼半瞇半合，狀甚詭異！難怪潛水多日的Avis昨日復工時神情驚青，未知是否恐防唔見電話的Mia再洩更激床照？
Avis與Mia合作多次，不時有親密接觸，感情一日千里也不難理解。（資料圖片）
自周秀娜公告回復單身後，降呢為前度的Avis連日來潛水避世。雖然娜姐表面上聲稱沒第三者，但Avis情史愈挖愈多，小三小四逐一蒲頭！繼與o靚模Vivian情慾照流出後，曾與Avis傳緋聞的娜姐師妹Mia日前遺失手機，昨午網上竟瘋傳Avis與Mia的疑似床照！相中清楚可見男女主角雙雙赤膊躺在床上，女的雙眼半開半合，躺在疑似Avis的兩點上，難怪男方狀甚疏乎，二人均神情詭異。難怪Mia昨日更在電台發重酬告示，誓要尋回「有料」電話。
終蒲頭驚青開工
另一邊廂的Avis，閉關3天後終蒲頭開工，但未知是否惟恐有另一波更激床照爆出，他全程頭耷耷，受訪時更表現驚青。昨午5時，樣子殘爆的Avis現身佐敦髮型屋開工，當知道記者準備上前拍照時，即拉記者入後巷受訪。問他為何潛水？Avis解釋：「因為冇乜心情，始終6年情，真係好唔開心！」對於是否出現小三導致分手？他說：「其他嘢唔想講喇，總之呢件事唔關第三者事，完全係因為兩人之間感情轉變，分開就分開啦！」可是談到Mia遺失電話一事時，原本說話流暢的Avis突變得口窒窒，堅稱不擔心會有不見得光的照片曝光，他說：「唔擔心，我……我同佢只有工作上接觸，私底下冇乜點聯絡，總之一張相都冇（指床照），唔關我事！」問他一年攬多少女？他愕然地說：「唔想講太多！」對於流出與Vivian的照片，Avis似意有所指說：「人哋點宣傳我冇辦法，我哋根本冇聯絡，只可以講係我唔小心！」他續說：「總之我依家係單身，如果有拖拍會同大家講！」說罷便向記者表示有客人在等他，便衝入髮型屋開工。
疑似Mia赤膊躺在疑似Avis的胸肌上，兩人表情詭異。
Avis昨午終復工，但似乎受近日負面新聞所累，樣子殘爆。
Avis到髮型屋復工，即使心情再壞也要搵食。
尋手機重酬五萬
不過，唔見電話的Mia似乎比Avis更驚青，昨午她接受電台訪問時講述遺失手機經過：「有次飲嘢，第二日就發現唔見咗部黑色iPhone 5，應該漏咗喺的士度，呢部電話有珍貴嘅相，包括私生活同工作相，真係好擔心，希望個的士司機可以還畀我，如果有好心人執到，我會重酬5萬元！」對於網上流出與Avis的疑似床照，Mia昨晚在電話慌張地說：「係，我唔見咗部電話，但唔記得入面有乜相！（係咪內有Avis床照？）只希望執到嘅人快啲畀番部電話我！」然後便匆匆掛線。
文：專案組
羅彩玲開記招 無厘頭派寫真
o靚模羅彩玲（Vivian）日前因爆出與陳偉成（Avis）「床照」，被指是導致Avis與周秀娜分手的「真兇」。昨午身穿短袖衫及牛仔褲的她於觀塘舉行記者會，澄清沒拍「床照」︰「當日大班人開末日派對再上Avis家玩，因酒量淺睡梳化畀朋友影了。」她直言被朋友出賣，否認有酒後亂性，又指因事件承受很大壓力。
問到Vivian是否承認是娜姐與Avis之間的「小三」？她說：「我唔認！我哋都冇開始過！」但當問到如Avis向她展開追求？她卻口窒窒說：「我唔識答！」雖說是澄清記招，但其經理人公司完場時卻無厘頭向傳媒派發寫真集，頗有抽水之嫌！
娜姐出書大爆料
回復單身的周秀娜索性寄情工作，變身才女於月尾推出首本共199頁的新書，除有不少在澳洲拍的性感靚相，更難得有入行5年的深情剖白！娜姐半年前開始撰寫此書，但從節錄的字裏行間，已流露了當時的孤獨，包括「我這樣的一個人離開」及「世界就好像只剩下我自己一樣」，似有弦外之音！她又寫道︰「我感覺到每個人，無論去到哪裏做甚麼，都在導演自己的這場獨角戲。」筆下的「渺茫的沙漠」、「學會獨自承受更多」等滲出的種種感慨，看似娜姐這半年來心情大受困擾。
此外，娜姐昨接受電台電話訪問，為「分手宣言」進一步解畫，坦言與Avis商討過才公開分手。雖然兩人已「玩完」，但娜姐仍力撐Avis的負面新聞可能只屬娛樂「炒作」：「做呢行，邊啲係娛樂新聞，分得好清楚嘅。」她笑言歡迎追求者：「不過我好忙o架喎，對方可能要接受一個未必陪到你的女朋友，我好難頂o架！」
娜姐特地在澳洲為寫真集取景。
經理人Roy：唔係啩？
Avis與Mia疑似床照在網上流出，Mia兼娜姐的經理人Roy接受電話訪問時表示驚訝，還強調仍未看到相，不會作太多回應：「唔係啩？係咪畀人移花接木？要問番兩個當事人，其實呢兩日我都搵唔到Avis，我知Mia係唔見手機，但未必有好激嘅相！」當Roy向Mia了解事件後，再回覆本報說：「佢話手機係有唔同嘅相，話自己未睇過張相，唔會回應太多！」他又表示從不干涉旗下藝人的私生活，故不知二人關係。對於網上獨傳床照，Roy說：「有咁多前人『經驗』，可能係整蠱啫，我信佢哋！」
洩蜜陷阱! 機不可失
情侶少不免拍下「蜜」照留念，圈中的地下情侶也不例外，卻往往因不慎遺失手機或電腦，令照片流出而曝光關係，更火速成為熱話！
2011年3月，內地女星潘霜霜與無綫藝人林峯的床照在網上流傳，事後霜霜懷疑曾在髮型屋遺下手機所致，二人的情侶關係因而曝光，林峯無奈承認曾與對方拍拖。
台灣名模林志玲與言承旭緋聞傳足多年，至2005年流出二人穿浴袍的貼身自拍照才有「證據」。事後志玲表示曾將手機拿去維修，但不幸被竊取手機照片。
歌手連詩雅與饒舌歌手曲赤的「舌戰」慾照去年5月外洩，曲赤表示懷疑因早前遺失iPad所致，連詩雅隨後開記招時亦聲淚俱下，坦承曾與曲赤拍拖。
陳偉成Mia疑爆床照
周秀娜高調宣布與男友陳偉成（Avis）分手後，Avis被揭情史一籮籮，昨日網上更流出Avis與娜姐師妹陳靜儀（Mia）的疑似床照，難怪Avis昨日復工時驚驚青青！
雖然周秀娜強調與Avis分開與第三者無關，可是Avis情史愈揭愈多，繼與o靚模羅彩玲（Vivian）流出「床照」後，曾與Avis傳緋聞的失婚模媽Mia日前遺失電話，昨日網上便瘋傳她與Avis的疑似床照，相中可見二人赤膊躺在床上，Mia更似是倚在Avis胸懷，他狀甚「疏乎」。
閉關三天的Avis自失戀後首度露面，昨午5時到位於佐敦的髮型屋開工，可是全程頭耷耷兼殘爆，受訪時更甚為驚青，並拉記者入後巷。問到為何潛水？他說：「因為冇乜心情，始終六年情，真係好唔開心！（有小三搞到分手？）其他嘢唔想講喇，總之呢件事唔關第三者事，完全因為兩個人之間感情轉變，分開就分開啦！」可是談到Mia遺失電話一事時，Avis突然口窒窒，堅稱不擔心有「蜜照」曝光：「我……我同佢只有工作上嘅接觸，私底下冇乜聯絡，總之一張相都冇（指床照），唔關我事！（一年攬幾多女？）唔想講太多！（流出同Vivian嘅相？）人哋點宣傳我冇辦法，我哋根本冇聯絡，只可以講係我唔小心！總之我依家單身，如果有拖拍會同大家講！」說罷便衝入髮型屋開工。
執手機重酬五萬
另一邊廂，Mia昨午接受電台訪問時，講述遺失電話的經過：「應該漏咗喺的士度，部電話有珍貴嘅相，包括私生活同工作相，真係好擔心，希望的士司機可以還畀我，如果有好心人執到，我會重酬五萬蚊！」對於網上流出與Avis的疑似床照，她昨晚在電話中慌張地說：「唔記得入面有乜相！（係咪有同Avis嘅床照？）只希望執到嘅人快啲畀番部電話我！」
而Mia的經理人Roy接受本報訪問時，對於流出疑似Avis與Mia的床照，他說：「唔係啩？係咪畀人移花接木？要問番當事人，呢兩日我都搵唔到Avis，我知Mia唔見手機，但未必有好激嘅相！」當Roy向Mia了解後再回覆本報：「佢話手機係有唔同嘅相，話自己未睇過張相，唔會回應太多！」又表示不知道二人的關係，對於網上瘋傳床照，他說：「可能係整蠱，我信佢哋！」
專案組
Mia知道遺失手機後驚到震，更揚言重酬交還手機者，未免此地無銀！（資料圖片）
Avis（左）潛水數天後復工，不過殘爆之餘更冇厘神氣。
周秀娜出書埋分手伏線
周秀娜日前高調宣布回復單身後，連日來她選擇寄情工作治情傷。早前她透露將於本月底推出首本新書，書中會剖白她入行5年的心路歷程，更大騷不少谷行事業線的性感照。雖然娜姐半年前已開始撰寫新書，但書中提到「我這樣的一個人離開」及「世界就好像只剩下我自己一樣」，字裏行間似有弦外之音，其後她表示感到在渺渺的沙漠中兼學會獨自承受，又說︰「我總是在想如何把今天過好，令我的明天不後悔。」不禁令人聯想到她當時的心情已相當複雜及孤獨。
娜姐在新書中「賣大包」，附上多張寫真照。
娜姐甜美的笑容背後，盡是孤單落寞。
羅彩玲搞大龍鳳 澄清冇做小三
o靚模羅彩玲（Vivian）因與陳偉成（Avis）爆出「床照」，而被指是Avis與周秀娜之間的「小三」，昨午她在觀塘舉行記者會澄清，再強調並無與Avis拍拖，更呼冤被朋友出賣︰「當日一大班人開末日派對，再上Avis屋企玩，因為酒量淺，瞓梳化畀朋友影咗。」完場時，其經理人公司相當「無厘頭」，竟向傳媒派發寫真集，抽水味濃。
Vivian特地開記者會，澄清並非娜姐與Avis之間的第三者。
留言列表
{{ article.title }}
