同你吟一吟
陳敏之生日 興奮露底
剛剛 响一月十七日（上週四）三十四歲生日 嘅陳敏之，撞正有份主演劇集《法網狙擊》進入結局週，要宣傳，又要玩，周身唔得閒。
攬森美，陳敏之尚算含蓄，攬阮兆祥，簡直係飛擒大咬，結果當場露肉又露底。
上週三（十六日），壽星女 call齊老友去黃長興間法國餐廳包場迎接生日，來賓有好姊妹伍詠薇、陳法拉、王浩信陳自瑤夫婦、蕭正楠同緋聞女友何傲芝等，當然唔少得男友 William。
等到十二點切埋蛋糕，凌晨一點散場， William以男主人身份出門口送客，仲同伍姑娘錫面 goodbye。
到 咗星期六（十九日），陳敏之約埋《法網》演員出街食飯睇大結局，生日興奮心情依然高漲，幾乎逢人攬，攬完劇中拍檔森美，再飛撲向阮兆祥送抱，開心到露晒底褲都唔知。
雖然《法網》埋單平均收視得三十一點，又俾人投訴結局唔合情理兼太過暴力，外界焦點亦只落 响被強姦 嘅高海寧，同埋陳煒郭政鴻 嘅情慾戲身上，陳敏之拍劇晒長腿呢招已經唔 work，所以話，冇最好，只有更好。 
陳敏之生日，好姊妹伍姑娘單拖賀壽。
陳敏之男友 William以男主人身份幫手招呼人客，仲同伍姑娘吻別。
女都生埋 嘅陳自瑤，仲會當街當巷嘟起個嘴嗲老公王浩信錫錫，唔……容乜易又生多件。
《法網》結局週，焦點落 响陳煒同郭政鴻 嘅情慾戲身上，兩個仲互送高帽，讚對方身材正。
全站熱搜
留言列表
{{ article.title }}
