阿佘飾演大明星，其經理人（郭少芸飾）想阿佘變得親民啲，於是搵咗陳豪呢個粉絲幫手，二人為避記者追訪，經常深宵揸車拍拖，所以劇中二人成日拍車戲。
《 4 in Love》唔玩 cult 陳豪氹師奶：呢次啱睇好多
阿佘家喺大陸拍劇掘金，週六（21日）出席《4 in Love》宣傳，不過佢只會出席一次，之後都因為要拍劇及其他賀年活動。未能現身。唔係簽無綫，連宣傳都慳番。
「收視有埋最好」
監製戚其義一早講過《4 in Love》師奶啱睇。希望今次收視會好睇啲，唔好得22點就好喇！
阿佘會由臭寸大明星變到親民，佢話今次係拍戚其義嘅劇以來，最輕鬆一次，兩個月左右就拍晒。
《4 in Love》冇人食人亦冇隱喻，論場面震撼，當然冇《天與地》咁勁啦。最爆場面都係陳豪喺旺角露底，同埋阿佘背面全裸，不過只係替身上陣，阿佘點會咁蝕呢！
監製失蹤
《天與地》令台前幕後變晒cult友，嚟緊年中播嘅《心戰》又喺玩嘢之作，下週一（30日）嘅《4 in Love》愛情小品，大家當調劑吓囉！
德斌變伍晃榮
長短腳戀
葉翠翠同矮佢少少嘅韋家雄長短腳愛情故事，拍攝其間亦傳出韋家雄力溝葉翠翠，不過宣傳當日翠翠就話唔覺得，仲話：「有啲人一望落去就知冇可能！」嘩！好hurt啫！
長髮金剛
戚其義女友簡慕華、金剛喺劇中二人最愛一夜情，二人一夜風流後仍然掛住對方。她說：「劇中有好多激吻戲，最記得同金剛咀，佢啲鬚好鬼㓤人。」劇中金剛仲唔再光頭，變濃髮男！
中大講talk神劇編審寸無綫小生唔掂
神劇編審周旭明上週喺中大搞座談會坐爆場，學生發問時間有成個鐘咁長，周生都算畀面。
迫捧小生
「班高層成日迫我哋用佢哋力捧嘅小生，但班小生又唔係好掂。」
自比長毛
「我嵋家做嘅嘢就好似長毛咁，叫兩聲咁，實際作用唔大，但都要出聲。」
要救香港
「要當香港係就嚟死嘅人，但都係要救番佢，唔可以當佢瞓咗！
阿佘谈《4 in Love》新劇角色
全站熱搜
留言列表
{{ article.title }}
