16歲模謝芷蕙（ Cammi）舊年藉同舊愛陳冠希啜爆相上位，立即被陳冠希狠撇，大前晚佢俾人發現同高大新歡到銅鑼灣出巡拍拖， Cammi例牌唔怕冷晒長腿。有人報料話嗰晚 10點幾見 Cammi同個男仔喺銅鑼灣世貿上面影貼紙相，有途人好奇想睇真啲 Cammi個樣，揭開布簾時， Cammi竟發爛渣爆粗：「望乜 X嘢！」儀態盡失。
「保持友善眼神」 放大圖片 
Cammi行花市獲新歡送汽球，心花怒放。
估唔到 Cammi除咗鍾意搵 ABC做男友，佢仲鍾意講 XYZ，都好重口味吓，馮仁昭噚日打畀佢了解吓點解咁躁， Cammi呼寃話：「我的確係同個男仔朋友去影貼紙相，嗰日排後面嘅人一直唔停咁講我，指指點點，不過我都保持友善眼神，我可以發誓我冇講粗口鬧佢哋，我從來唔講粗口，最粗魯都係講『頂』。可能佢哋唔鍾意我咪屈我囉！」發生爆粗事件後，有新歡番的 Cammi，心情好快靚番，佢哋嗰日仲拍拖行維園花巿， Cammi示威話：「佢買咗 Kitty汽球畀我，而我就送番佢一個公仔。」 Cammi仲放相上微博，不過講到新歡身份， Cammi話：「我哋唔係拍拖，識咗幾年，佢喺美國返嚟放假，噚日就走，咪一齊行吓花巿。」 
Cammi與新歡影貼紙相期間被，居然爆粗鬧人，認真失禮。
Cammi出書做歌手
龍年伊始，在學校讀美術的模謝芷蕙（Cammi）畫了一幅「行運一條龍」，希望帶來好運。
Cammi今年推出新書，分享去年面對負面新聞的心路歷程：「除咗上年嘅事，我想寫吓男女拍拖點樣會開心，但以前拍拖嘅事就唔會寫喇！」除出書外，她今年亦會有新歌派台，實行強攻樂壇吸金。
全站熱搜
留言列表
{{ article.title }}
