城城雙手攞住香檳再戙高腳影相，不過用錯力踩 冧台，尷尬到佢即刻擰歪面。
同你吟一吟
郭富城明寸 G.E.M.
幾乎隔年就開演唱會 嘅郭富城，星期一（一月二十一日） 响黃埔開記者會，宣布三月又嚟料，仲因為反應好，由原本六場加到八場。開騷試過玩水又試過反轉舞台，城城預告今次會將紅館變成一個汪洋，仲會有全新 嘅紅魔王造型帶俾觀眾。
睇城城開騷，有歌有舞又多花臣，簡直一張票睇到笑，更何況今次最貴飛都只係六百八十蚊，平過唔識同前輩打招呼 嘅 G.E.M.，佢 嘅 VIP飛，賣到一千二百八十，貴到冇人信。
城城話，今時今日通脹乜都加，唔想掠歌迷水，所以門票唔敢加價喎，仲開晒名話條數計落平過 G.E.M.最貴飛六百個大洋呀。唔加價加場，城城愈講愈興奮，攞香檳吹喇叭擺甫士影相踩 冧台，整跌歌迷送俾佢 嘅 Q版公仔。 嗱 嗱 嗱！落地開花，富貴榮華，傳聞 G.E.M.批千元 VIP飛四分鐘內賣晒，城城冇理由會輸 啫！ 
G.E.M.個唱門票星期一進行優先訂票，佢 响社交網站宣布，$1,280 VIP飛四分鐘內賣晒，另外$580同$280門票都冇埋，佢公司要臨時加推$380門票安撫歌迷。吓，哦！
城城預告開騷有新造型，唔知同佢左手紋身有冇關，但佢專登用反斗車王膠布貼住，見記者影相，仲收埋隻手唔俾人影。
張耀榮送上兩封利是俾城城，話希望佢雙倍努力做好個騷。
全站熱搜
留言列表
{{ article.title }}
