社交圈

忙中有錯

2013年01月24日 ~~ 第1194期 香港《壹周刊》

Bulgari的中環旗艦店上週四重開，請來 Lisa S.前男友、金像影帝 Adrien Brody及影后 Hilary Swank來港亮燈，晚上在八號碼頭設晚宴及搞派對。雖然位位女賓都盛裝出席靚到爆，但總有出錯位：李嘉欣離罩、汪詩詩透底、邱德根孫女仲喺 ball gown外披返工褸去 fine dining，真係錯錯錯。

李嘉欣連環失手


上週四，大美人李嘉欣出席 Bulgari中環旗艦店十周年活動，穿上 Escada粉紅色低胸裙配五百萬鑽飾的她，竟然出現離罩情況（右圖），她自嘲話：「事業線就谷唔到，谷皺紋就有。」晚宴時，她拖埋老公許晉亨到來，今次她索性谷行事業線兼露背，但佢顧住𥄫實有冇走光，顧此失彼，搞到笑容都僵埋。





汪詩詩一時失策




「宇宙最強」的甄子丹拖住老婆出席亮燈儀式，身穿 Givenchy紫色貼身長裙的汪詩詩，除外套影相時卻因條裙的質地問題，令底橫原形畢露，胸前位置更反晒光，但佢話冇有怕，「我唔擔心，每次我都打好底先出去。」 

Hilary Swank慘遭搶劫




與 Adrien Brody同為嘉賓，首次到港的兩屆影后 Hilary Swank，自言是珠寶超級粉絲，賣口乖說身上值億元的首飾如藝術品，「我十分有運氣，常行紅地氈，有時可以很簡約，有時可以很有型。」影后當晚離港轉飛法國，在巴黎北部市郊 Saint-Denis乘搭的士遇上大塞車，突遭三名賊人打破車窗，強搶手袋逃去，認真唔好彩。 

曹穎惠披皮上陣




長駐北京的港龍後人曹穎惠，去年底跟俄羅斯金礦老公到歐洲滑雪，未知是否習慣寒冷，見香港有成十幾度，未需要著 fur保暖，反而穿上 casual到爆的皮褸配金色 ball gown去晚宴。 

邱家姊妹趕收工




忙於做家族酒店生意的邱達昌千金，大家姐邱詠筠（右）及三妹邱詠麒，一個有 set頭卻著住件返工絨褸，阿妹一頭散髮，還求其穿上 OL至愛的 cardigan去舞會，有理由相信，兩姊妹是放工趕赴會。 

趙式明甜到漏




華光船務主席趙世光大女趙式明，同拍拖兩年幾 嘅邱德根孫仔邱華瑋向來低調，但當晚二人 sweet sweet拖住手出席活動，著住條熒光綠、超大裙襬 嘅明明顯悉心打扮，仲心情大好想企定定影張靚相，但邱華瑋就拖住女友急急腳入場，趙式明惟有回眸一笑，向記者揮手拜拜。 

甘比仔低調滿月


上月為大劉誕下龍仔 Joseph Junior（右圖）的甘比，囝囝上週三滿月，以為佢哋會為兒子擺滿月慶祝，點知當日下午兩點，只見收身未成功的甘比，帶住大女秀樺到銅鑼灣 Wise Kids playroom玩咗粒幾鐘，之後便拉隊返歸，唔通等擺百日宴？但知情者透露：「甘比冇打算幫個仔搞任何嘢喎。」生 咗仔都咁低調，抵俾大劉錫嘅！


甘比拖住秀樺由保鏢護送去 playroom（下圖），離開時司機即上前幫小主拎袋。





撰文、攝影：名人組

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    tvb4life 發表在 痞客邦 留言(0) 人氣()

    E-mail轉寄