「最難，就係我喺所有人心目中係負分，要加倍努力令自己由負分變番零分。上《叱咤》個台攞『生力軍』銅獎嗰日，我心諗，今次我點都幫自己攞番一兩分喇啩！」
我們每個人都看着欣宜長大，見過她大口大口鮑魚食落口、笑過她學足
Britney Spears跳〈 Oops!……I Did It Again〉……熟悉她每個故事每段歷史。
4年前，那個一對母女相依為命的故事畫上句號， 4年後，這個 24歲女孩子，兌現諾言爭一口氣的故事，才是開始。

故事待續　鄭欣宜2012年01月25日


 

話說早幾天才採訪過吳卓羲，說起若干年前與鄭欣宜的經典一吻，大家不勝唏噓。
那是 2005年暑假， 18歲的鄭欣宜，在迪士尼開幕慶典上扮公主、擔任兒歌頒獎典禮嘉賓向吳卓羲獻吻，因為她不是大家心目中的公主人選、因為一切擺在眼前都是因母之名，鄭欣宜從此成了人民公敵、醜惡化身，那一年，是她人生最黑暗的日子。
2012年，去年正式出碟出道的欣宜，橫掃四大頒獎禮新人獎項，兩張專輯《有故事的人》和《故事的配角》有口皆碑，年頭的〈半分關心〉是三台冠軍歌，年尾的〈配角〉網絡統計是年度 20首最熱門收聽流行歌之一，這一回，還有誰敢說，欣宜唱歌拿獎，都是她媽媽沈殿霞的功勞？




 

我的驕傲


 

 
元旦夜的《叱咤頒獎禮》，第一個獎項就是「生力軍」銅獎，欣宜從母親老友鄭裕玲手中接過獎項。


 

4年前，母親沈殿霞病逝，欣宜在宣布母親死訊的記者會上哭着說：「我會爭氣。」我問欣宜，當站在台上接過「新人獎」時，想到自己終於兌現承諾，心情如何？每次一說起媽媽就會哭的欣宜，再一次，兩眼通紅。


 

 
05年修身成功回港，先後在兒歌頒獎典禮和迪士尼開幕典禮扮公主成為全港笑話：「我以為冇事，原來俾人抨擊針對嘅影響可以係一世。」《壹週刊》圖片


 

其實一直以來，我唔敢諗自己可以攞獎。
舊年以前，我周圍同人講自己對當年嘅針對抨擊係冇陰影，原來好有……我唔敢諗大家真係鍾意我，一首歌成功，最多係因為老闆揀啱首歌，唔會係因為我唱歌。我成日記住，以前細個去 TVB上台唱歌，台下一個鍾意我嘅人都冇、唱完個個都鬧我，真心鍾意我唱歌，係冇可能嘅事嚟㗎。點知《叱咤》嗰晚，第一個獎就係「新人獎」，第一個上台嘅就係銅獎，就係我。
我喺呢行起步，第一步正式嚟講係修身堂嘅修身廣告。因為佢哋係一間修身公司，宣傳相永遠都扮得靚一靚、企同坐都要儀態萬千，小公主一樣。我最怕人哋因此覺得，我以為自己好靚，我想自己好靚……到 08年正式出道，呢個陰影仲喺度，刻意打扮中性、舉止豪放，唔敢喺人哋面前嗲，驚再俾人針對。最近我先至發覺，我想瘦想靚係因為俾人鬧得多、我男仔頭刻意大癲大肺又係因為俾人鬧得多，我呢一世呢條路俾人左右得太多，不如搵番自己，會嚟得仲簡單。
爹哋（鄭少秋）好叻仔，學識玩 WhatsApp，每場頒獎禮後幾晚都有恭喜我。本來我冇壓力，俾人講得多壓力大到無倫，我同爹哋講，真係好怕攞唔到獎會令人失望。爹哋同我講：「無論賽果如何，爸爸以你為榮。」我坐喺的士入面，見到個 message即刻爆喊，爸爸以你為榮喎！
我咁大個女，從來冇聽過爸爸話以我為榮。無論媽咪呢一刻喺邊，我都知佢會見到，佢同爹哋一樣都係咁諗。


 

孤兒派對


 


最近我先至發覺，我想瘦想靚係因為俾人鬧得多……


 

外婆和母親同一年離開，欣宜曾經說過，打從那以後，聖誕和新年對她來說就是煎熬。她試過一個人躲起來哭着度歲，試過做搞手約一班「孤兒仔」朋友開 P癲番晚，結果，人客盡興前腳離開，她已經忍不住蜷縮在大門後痛哭。


 


入行踏入第 4年，欣宜說明白甚麼叫忙到身不由己：「再忙再辛苦，佢唔會 喺我面前呻，仲陪埋我癲，呢個阿媽真係好正。」《蘋果日報》圖片


 

年年陳太（陳淑芬）同學友哥哥過年都要出去巡迴演唱會，今年最開心係第一年佢會留喺香港過，我終於唔使再召集啲孤兒仔一齊開孤兒仔 party過年啦……以前同媽咪一齊過年，佢最興同我訂做母女裝，一年一套、一模一樣，由出世開始冇停過，好娘㗎，肉酸到唔敢出街見人。媽咪煮嘢食最叻，不過工作忙，年年到過年至包保食得到。
以前喺溫哥華同婆婆一齊住，個個嚟我哋屋企拜年，我就負責帶住啲小朋友玩玩食食，婆婆整熏雞整到一屋煙，媽咪就整寧波賀年菜，有金有銀好好意頭……
細個我成日投訴媽咪忙，埋怨我唔似同學每日有愛心飯盒，埋怨我冇爹哋媽咪一齊接放學。


 

細個我成日安慰自己，媽咪係要賺錢畀個好生活我。直到自己入行，我開始理解佢點解咁忙，多謝媽咪身教畀我睇到，呢個世界，係付出幾多得到幾多嘅，因為我都愈嚟愈似媽咪，明白做呢行係要精益求精，敬業樂業。
以前好多人覺得我去到邊都要黐住媽咪，冇人知，媽咪由年頭忙到年尾，難得有得黐住佢，我點會放過機會？不過佢就算有幾忙、幾攰都好，都會陪我癲、陪我玩、陪我同我班同學仔去唱 K去食嘢。我記得有一年喺溫哥華，夜晚 12點幾同班同學仔至醒起想搵多幾隻腳玩波子棋，媽咪明明換咗睡衣要上床瞓，二話不說換咗衫出嚟同我哋玩。佢做呢行有幾攰我家先至明，第時我做咗媽咪，有冇佢咁嘅耐性我都唔敢擔保。所以我阿媽真係好正，係一個頂級媽媽，永遠都想畀多啲時間我。個天個安排好 perfect，我同阿媽相處時間雖然唔多，但係每一分每一秒都有質素、都充滿最美好回憶。


 


個人首次音樂會，父親鄭少秋與兩個同父異母的妹妹到場支持：「好多人對爹哋同兩個妹有誤解，爹 啲好錫我，我冇妒忌兩個妹。」


 


 

我愛老外


 

從 19歲搭上英文教師 Mark Ryan開始，不事生產食軟飯情變分手的新聞就沒停過。你有你傳，欣宜和 Mark 5年以來情比金堅，讓不少人跌碎眼鏡。


 


少女時代剛剛減肥成功的欣宜行為反叛：「我 15歲已經唔想讀書唔想返學，我想唱歌，我覺得做唔到自己想做嘅 嘢，人生冇意義。」


 

我嘅情路唔係一直都咁幸福㗎！創傷，都有試過好多次，不過唔係咩都
攞出嚟講㗎嘛。以前，你都知我又肥又似男仔頭，冇人當我係女仔、冇男仔會幫我拉開門，最多係我暗戀人……嗰種透明嘅感覺，十足十好似
容祖兒首〈牆紙〉一樣。初初遇到 Mark，我一度好愚蠢地以為，你鍾意我啲咩呢？我又唔索、又唔瘦？
我哋喺一間大學一間宿舍住咗 2年，我每日喺草坪上同朋友傾偈，佢就每日圍住草坪練跑步， 2年以來早午晚三餐喺同一個飯堂食飯，竟然冇相遇過。真係要多謝 Mark Zuckerberg（ facebook始創人），佢（男朋友）返嚟香港，喺 facebook search喺香港嘅同學，就係咁開始。


 


19歲母親病重，欣宜回港在社交網絡重遇大學同學 Mark Ryan：「我唔相信愛情、唔相信呢個世界真係有 soulmate，直到遇到 Mark。」


 

我 19歲嗰年識 Mark，喺佢之前我已經唔相信愛情。以前我係相信有 soulmate呢樣嘢，同之前一個男仔一齊，令我對呢樣嘢破滅晒。幸好地，喺過去呢 5年裏面，遇到 Mark。
以前，我成日都單向對對方好，掛住人想打畀人，人哋就覺得我好煩。阿 Mark話，你想打畀我就打畀我，想 message我就 message我，玩呢啲遊戲好無謂。
一齊幾個月，佢已經同我講「 I Love U」，我同佢講，我好想回覆佢「 I Love You too」，但我唔敢講。
佢話：「想講就要講。每一個人都需要聽呢句說話，每個人都需要去愛一個人，連我 60幾歲嘅爸爸媽媽每日都會話畀對方聽。我心諗，點解呢個家庭咁完美嘅？點解呢個男仔咁識諗，咁完美嘅？
真係好多謝個天畀我遇到佢，又好多謝佢唔識睇中文，唔知道廣東話鬧起人上嚟可以有幾到肉、幾刻薄。嗰啲嘢我經歷過，我絕對唔想我愛嘅人去經歷多一次。


 

唱唱唱唱唱……


 

都說出道那年成功跑出沒甚麼了不起，要在娛樂圈立足、讓自己的職業
壽命更長才是真正的難關。
欣宜說，做新人不難，以後的路也沒擔心過：「大家都不斷提醒我，攞完『新人獎』後第二年最難，其實我最清楚明白，冇嘢難得過我出道前嗰幾年。
你明唔明我真係好想好想唱歌，但冇人知我想唱、冇人肯聽我唱，冇途徑冇機會唱，唔知點樣行出嚟個感覺係點？以前每日返屋企，都覺得自己嘅人生好無謂，做唔到自己想做嘅嘢。家有得唱啦，有咩咁辛苦啫？」
以前我真不懂，這個二百磅的小朋友硬是要上台扭扭跳跳唱 Britney Spears甚麼心態，現在我懂了。


 


15歲將近 200磅的欣宜，在公益金活動裏載歌載舞大唱 Britney Spears名曲〈 Oops!……I Did It Again〉。《蘋果日報》圖片


 


 

撰文：朱小博
攝影：范仲良
化妝： Marsha@A&V Make up
髮型： Milk@Xenter
形象： Bryan@ the Flaming
服裝： Club Monaco

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄