繑晒手
結束台灣拍拖之旅，上週五（十八日）飛返港的機程上，跌晒胸的欣宜同許廷鏗如情侶般，繑住手，煙韌入睡。
娛頭
鬥重口味 浸情侶溫泉 機艙同眠 欣宜拗直許廷鏗
性取向，冇絕對！與讀設計的同性密友 Kenny，在公園調情嘴嘴的許廷鏗，竟被百七磅的翻脹欣宜，由攣拗直！
上星期，二人秘密飛往台灣，入住情侶溫泉套房，享受五日四夜慾浴之旅後，回程時二人在機艙繼續纏綿繑手，欣宜更挨住男友膊頭大覺瞓，情侶關係呼之欲出。
曾經成功減走百磅肥肉的欣宜，再創奇迹！
女追男一年
由於同屬星煥唱片公司，過去兩年，欣宜和許廷鏗經常孖咇工作。縱使雙方均各有另一半，但在朋友圈子中，早已流出欣宜對許廷鏗動了春心。
去年初，跟老外男友 Mark Ryan感情危危乎，欣宜更加由暗戀變明戀，主動出擊，力追許廷鏗。要將攣變直談何容易，但欣宜下定決心要將有顆攣攣心的許廷鏗追到手，前後足足花了一年時間。
欣宜聰明，自知噸位超晒磅，樣貌亦不出眾，於是「避重就輕」，玩內在美。
出齊主動、溫柔、嗲功等招數，卒之令許廷鏗動搖，一嘗被拗直滋味，幾個月前開始，接受重口味翻脹欣宜。
「身邊 啲朋友都知佢暗戀 Alfred（許廷鏗）好耐！ Joyce（欣宜）雖然唔係索女，但性格開朗又主動，對住啲男仔特別嗲，好識 冧仔。佢望住 Alfred個樣好似生螆貓咁，講嘢都特別陰聲細氣，好溫柔。不過咁，大家都覺得 Alfred只係抱住試吓嘅心態，踩住界嚟玩，應該唔長久。」知情者說。
暗戀許廷鏗一段日子的欣宜，周不時一副 冧樣望住對方。
春情勃發
一瞓醒，許廷鏗即刻戴番口罩遮面，而欣宜不時含春樣望住許廷鏗，想電死佢為止。
溫馨搽 cream
繼續 sweet的欣宜，拿出 hand cream擠在男友手掌，還準備為他塗抹，但唔想咁張揚的許廷鏗即縮手，示意自己 嚟。
睡到濃時，二人索性頭貼頭黐到實。
情人眼裡出西施，近日許廷鏗在微博讚欣宜如花嬌美，二人又不時在微博打情罵俏。
拗直之旅
開門大叫
當日目擊者稱，欣宜與許廷鏗踏入情侶套房後，見房間有獨立溫泉，忘了自己係藝人，兩個興奮大叫：「我間房有溫泉 㗎！好正呀！」嘈到拆天。
挨住食料理
入住當晚，他倆到酒店的懷石料理撐 枱腳，嗲爆的欣宜，不時挨落許廷鏗身旁開餐， sweet到爆。
學《那些年》
要浪漫的欣宜，學電影《那些年》陳妍希與柯震東，到景點十分同男友行火車軌同放天燈。回港後欣宜放上微博說到此一遊。
住情侶套房
上週日（一月十三日），兩人在《勁歌》頒獎禮碰頭，翌日便照原定計劃，雙雙飛到台北。為免戀情曝光，他們刻意搵多兩個團友同行，除許廷鏗的易服癖男助手阿小，還有一男性友人做掩護。
到台灣的機程上，許廷鏗刻意跟阿小同坐，與欣宜保持距離。但一到下榻的台北八煙溫泉酒店，欣宜與許廷鏗即完全鬆懈，二人打開房門，見到所訂的情侶溫泉套房內設有的私人溫泉，即興奮得大叫大嚷。
拗直之旅正式展開，負責掩護的助手阿小及男友人馬上識趣消失，留下欣宜同男友許廷鏗過二人世界。當晚二人選擇在酒店的懷石料理餐廳撐 枱腳，欣宜更挨住男友心口開大餐。
早前男方生日，欣宜與他撐 枱腳慶祝。有愛情滋潤，欣宜胃口更好，再翻脹。
但一秒都唔想分開的他們，未幾又黐埋一齊，識做的兩個團友唯有墮後，唔做電燈膽。
在台灣機場等上機，許廷鏗同欣宜回復高度戒備，戴上口罩之餘，起初男的刻意同欣宜前後腳，與易服助手阿小並行。
等機期間，四人在餐廳醫肚同時攞副啤牌出 嚟玩鋤 D，消磨時間。
情侶酒店
欣宜與許廷鏗五日四夜拗直之旅，入住的台北八煙溫泉會館，日式建築格局，共分為三個區。二人所入住的情侶景觀溫泉套房，吸引之處是內置獨立湯池，對山谷半露天，加埋木地板及房內色調，超浪漫。平日入住，每晚台幣 5,040元（約港幣千多元），假日收費台幣 7,200元。
酒店外觀相當別緻。
情侶房格調浪漫，落地玻璃門後就是對住山景的獨立湯池。
摸髀開餐
「佢兩個 sweet到爆，細聲講大聲笑，欣宜隻手偶然仲會摸住許廷鏗大髀，一睇就知係一 pair。佢哋唔知有香港住客同場『見證』，第二日中午，佢 哋去咗酒店另一間餐廳食晏，有港客同佢哋笑一笑打招呼，欣宜同許廷鏗當場呆一呆，之後極速埋單，仲轉埋酒店。」目擊者稱。
台灣拍拖遭港客發現，但五日四夜拗直之旅繼續。
愛浪漫的欣宜，更當正自己是《那些年》沈佳宜，拖住男友去台北名勝十分，學足電影情節，同許廷鏗行路軌放天燈。
由機場返屋企一段車程，許廷鏗撇低同行兩個朋友，用自己車送女友返屋企，不過發現有記者，送到門口的許廷鏗冇落車，而被迫獨自返歸的欣宜回頭對住男友甜笑講拜拜。
拍完拖返香港，兩個人繼續遮面出機場，許廷鏗負責推行李，欣宜就繼續享受女友特權，乜都唔做。
未拗直前，許廷鏗跟攣到出面的張敬軒有個約會食過飯，更令張的另一半關智斌嬲爆。
吸美男有一手，據前度 Mark透露，欣宜細心、熱情同識得照顧人，加埋主動，真係隨時有意外驚喜。
繑手挨住瞓
上週五（十八日）黃昏，戴住冷帽口罩，準備返香港的欣宜與許廷鏗，遮晒樣現身台北機場辦登機手續，時而戒備十足玩前後腳，但情到濃時，又忍唔住黐番埋一齊，許廷鏗亦好有風度，為女友推行李。
登機後，見附近乘客開始入睡，欣宜同許廷鏗便除低口罩，欣宜更如八爪魚般，挨住男友膊頭，手繑手一同瞓。 瞓醒覺，欣宜第一時間幫男友搽 hand cream，說話時更不停放電扮嬌俏，春情勃發。
斷正唔落車
成為纖體代言人後，欣宜一度瘦過，更著住泳衣晒有前有後身材，但近日已經翻脹，一發不可收拾。
返到香港，二人恢復戒備玩前後腳，四圍查察，留意是否有狗仔隊或可疑車輛；同行的阿小及男友人各自散，欣宜隨許廷鏗登上來接載他們的七人車，再直返欣宜西半山寓所。到埗後，本來跟欣宜一齊落車上樓的許廷鏗，發現有狗仔隊即縮番上車走人。
旅途中，欣宜忍唔住手放過幾張台灣風景相到微博，但被她拗直的許廷鏗，其間不單消失微博，行蹤保密，回港後，亦隻字不提曾到台灣旅行。
之後記者致電許廷鏗，他承認與欣宜一同外遊，但否認拍拖。「係一齊去旅行，公司都知，但唔係拍拖，亦冇同房，我 哋只係師姊師弟關係！」說罷稱有工作在身，匆匆掛線。雖然被欣宜離奇征服，但身邊朋友都一致認為許廷鏗不會對欣宜一條心，二人暗撻期間，他仍繼續蒲基吧。
貪靚仔
吻唱 K
05年，肥姐為欣宜入行試水溫，愛靚仔的她在母親安排下，於《兒歌金曲頒獎禮》扮白雪公主配王子吳卓羲。點知肥公主一吻王子，唱 K本能反應露出痛苦表情，結果全城插爆白雪欣宜，更稱此為「死亡之吻」。
戀童星
剛滿十八歲，仍在溫哥華讀書的欣宜，雖然肥，一樣溝到「靚仔童星」林寶麟，但拍拖唔願返屋企，結果遭肥姐棒打鴛鴦。
溝韓模
去年中跟老外男友 Mark Ryan正式甩拖，已翻脹的欣宜仍有本事速搭上六呎高型仔韓模崔豪晉，二人被發現在中環溫馨撐 枱腳。
攣變直
圈中攣男女，男由攣變直機會微乎其微，反觀藝人女同志則有不少成功例子，女人多變，包括性取向，可以隨時轉 軚。
劉浩龍、容祖兒
跟同性密友何韻詩「相愛」六年，容祖兒因對方花心，搭上台妹鄧九雲，心淡下去年秘密接受劉浩龍拗直，由好友變情侶。
吳浩康、莊思敏
初入行時，莊思敏亦是斷背族，跟酒吧老闆娘 Joey拍拖三年，之後被奀星吳浩康搞掂，就算跟對方五年情玩完，莊思敏都冇返轉頭，繼續異性戀。
鄭中基、蔡卓妍
留言列表
{{ article.title }}
