身為姊妹之一嘅鍾嘉欣當日都好低調成日企埋一邊。當晚原來佢要走兩場，唔怪得之個樣有啲慌失失，心不在焉咁啦！

年年一到聖誕新年，例牌俾連環紅色炸彈轟炸。FBI好忙㗎，唔係個個結婚都一定可以親身到賀，不過主人家有明星朋友，咁又唔同講法，有得飲有得食仲有明星睇，包保唔悶吖嘛！
上星期日（15日），范振鋒同李思欣大婚，兄弟姊妹多數都係新郎電台同事同新娘嘅三四線小花老友，FBI突然發現當家花旦鍾嘉欣都係姊妹之一，當堂精神晒，當晚嘉欣仲忙過主人家，在場唔少男賓客都要「mark」實佢話要影合照。聽講鍾嘉欣同一晚仲有一場美容院annual dinner出席，咁辛苦趕兩場都係因為思欣咋，呢啲咪好姊妹囉！

 

 
排隊影
成班姊妹賓客，鍾嘉欣榮登最受歡迎布景板第一位，長期有清一色男性人龍排隊影相。


趕兩場又要做姊妹又要做布景板，嘉欣唔得閒望鏡，男賓客都照影，總之埋到女神身就得。

 
男女主角范振鋒同李思欣11月已經喺關島註冊，當晚筵開53席招呼親友，夠晒排場。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄