探熱針
踩過界𢱑戲拍 羅力威撈起做世界仔
出身亞視弱台，被人公開嗌二打六的羅力威，去年簽約英皇，有機會同師姐容祖兒孖住唱情歌，在各大頒獎禮連掃九個樂壇新人獎。
據知，識做人的羅力威不但 氹掂經理人 Mani霍汶希，更跨部門同英皇電影部聯誼搞關係，日前他現身高層生日派對，陪住一班過氣阿姐玩到凌晨，好識撈！
惠英紅本來早走，但遇到邱禮濤，即時被「的」返入場，食完蛋糕先鬆人。
一見記者，羅力威即 say hi打招呼，唔再 cool爆。
陪中女唔怕悶
上週五（一月十八日）晚，英皇電影部高層 Angelina在灣仔 V． Wa Bar搞生日派對，旗下藝人惠英紅、溫碧霞、孫佳君，以及早前分手又傳箍煲成功的李麗珍及潘源良等陸續到場。壽星 Angelina在電影圈資歷久，相識圈中人個個年紀有番咁上下，唔關事兼且得二十三歲羅力威，戥人高興陪玩，格外顯眼。
高層生日派對變敍舊會，其間惠英紅未切蛋糕就想「偷走」，可惜功虧一簣，在大廈門口被邱禮濤捉番入場。
對住一班中女，羅力威只好跟公司同事坐埋一邊。
凌晨一點，賓客陸續走人，玩到接近兩點離開的羅力威已經飲到面紅紅。
溫碧霞「海潮」上身，著住長到拖地的跌膊裙出席生日派對，唔知仲以為佢係壽星女。
李麗珍同潘源良又離又合，上週五拍拖出席生日派對。
孫佳君玩到最尾，凌晨三點攞埋消夜外賣走人。
送手機氹同事
據了解，成為英皇人後，羅力威跟在亞視時判若兩人，由唔喜歡埋堆，變得愈來愈識撈，更深得經理人 Mani喜愛。
「 Mani好錫佢，覺得佢有才華，作曲作詞都得，所以俾祖兒同佢合唱。羅力威又好識做，成日會送 啲小禮物 氹同事開心，有新型號手提電話推出，佢會自動波買嚟送俾同事，咁落本，大家當然對佢有讚無彈啦。」知情者說。
歌唱事業已開始成形，自以為跟言承旭一樣好樣的羅力威，已野心勃勃部署進軍大銀幕撈多瓣。
「 Angelina生日，佢其實唔需要去，嗰班人同佢根本唔熟，不過 Angelina喺電影部有 say，羅力威要 mark實對方都好正常。嚟緊公司開幾部戲，佢同冼色麗都應該有份。」知情者說。
叱咤有份攞獎，仲被公司安排跟天后師姐容祖兒埋身影合照，羅力威當晚個樣真係有啲得意。
為開拓內地市場， Mani中港兩邊飛，難得在港，羅力威即識做買定生日蛋糕返公司同她慶祝。
跟雨僑拍拖年多，被女友老闆蕭定一指謂二打六，英皇即撐行替他講好話。
崔建邦擺烏龍，在無綫勁歌頒獎禮，誤讀銅獎羅力威變為金獎得主，雖然𤓓爆，他不單唔嬲，仲話有獎已經好意外，十分識做。
自薦失敗
留言列表
{{ article.title }}
