從來唔係樂大媽粉絲團隊 嘅祥仔，只係同梁乃鵬主席握手打招呼，樂大媽尷尬擰歪面。
人生有幾多樽鞋油！（設計對白）
擦吓我都得啩！（設計對白）
同你吟一吟
祥仔企硬拒擦樂大媽
無 綫行政主席梁乃鵬又請食飯，今次有飯開 嘅幸運兒係《大太監》班演員，「太監五虎」黎耀祥、陳國邦、黃浩然、蕭正楠、曹永廉全部人齊，唯獨西太后米雪同和碩公主陳茵媺 嚟唔到。
憑《大太監》再攞視帝 嘅祥仔，一向都係高層珍姐曾勵珍黨員，對於「最受藝員歡迎高層」樂大媽樂易玲，祥仔雖未至於視而不見，但開餐前，佢只係招呼珍姐一個，之後梁乃鵬樂大媽一齊到，祥仔都只係齋同梁主席握手打招呼。
人擦我唔擦嘅仲有珍姐！當晚樂大媽捉住梁博士吹雞搵人埋位影相，珍姐繼續繑手企埋一邊，理直氣壯咁話：「我唔鍾意做呢 啲 嘢 㗎！」最後要邵美琪、馬海倫出手拉佢埋位，先影到齊人合照。
當年祥仔事業低潮，多得珍姐帶佢返無 綫先有今日，得人恩千年記，祥仔全晚黐實大恩人，仲叫埋其他太監一齊同珍姐合照。
「太監五虎」最紅 嗰個係黎耀祥，記者影完佢 哋五個合照，叫祥仔留步影單人相，曹永廉坐埋一邊扮喊：「得祥仔有得影，冇人影我單頭！」旁邊 嘅黃浩然拍一拍佢膊頭：「影 咗都唔會出你個樣，俾心機啦！」之後兩個忍唔住大笑！
一向識做人 嘅樂大媽，吹雞叫人埋 嚟同梁乃鵬影合照，珍姐繑埋雙手唔肯埋位，最後要邵美琪馬海倫出手，先影到呢張相。
全站熱搜
留言列表
{{ article.title }}
