肉醬豬扒飯$18（前）、白汁雞扒飯$18（後）
雞扒豬扒厚身大件，自製白汁經反覆隔渣而成，香滑濃郁。肉醬的牛肉、茄汁、香葉落到足，只是略嫌偏甜。
庶民飯堂
$18足料扒飯
2012年10月25日 ~~ 第1181期 香港《壹周刊》
港島區竟然有新店賣$18豬扒飯？位於筲箕灣，根據同區物價指數， 340g長城牌火腿豬肉超市優惠價是$20.9，可見$18尚且買不到一罐午餐肉。賣平價飯的糖之斗老闆娘姚太說：「係賺唔到錢，唯有靠晚市串燒生意拉上補下。」
新店開張一星期多，以超平價震撼街坊。十一款午市飯類，單點$18，加$7轉套餐，有埋小食及汽水，平過麥記。主打有牛肉、豬扒、雞扒，另可選腸仔、餐肉或腿蛋飯。款式大路，但係質素有驚喜。姚太曾做過日式便當店，堅持用新鮮材料自製咖喱汁、白汁和肉醬，並非用現成貨。飯餐可配小食如雜菜沙律、有機豆餅或厚切薯條，其中豆餅用豆渣混合肉碎炸成，既飽肚亦健康。姚生在同區開設豆品外賣店，不惜花費十幾萬添置石磨機，每日供應即磨鮮豆漿。飯餐已夠平，加$4仲可以選配原價$10支的 600g樽裝豆漿，真材實料，抵讚！
有機豆餅$8、薯仔沙律$8
豆餅用豆渣及肉碎即炸，入口不油膩，吃出豆香味。
日式牛肉飯$18
用美國肥牛，澆上日式醬汁肉味鮮甜。加$7可轉套餐，供應時段為 11am-6pm。
咖喱豬扒飯套餐$29（配豆漿）
咖喱汁加入薯仔、蘿蔔及洋葱烹調，配即炸香噴噴薯條，附近學生哥排長龍來吃。可配原味或黑豆樽裝豆漿。
糖之斗
地址：筲箕灣愛民街 6-28號新利大廈地下 1A鋪
電話： 2513 1938
營業時間： 11am-12mn
撰文：鄭鳳
攝影：胡春輝
全站熱搜
留言列表
{{ article.title }}
