「我希望個個細蚊仔都讀得開心又讀得叻嘅。」縱橫教育界逾四十年、現為「保良局蔡繼有學校」總校長的劉筱玲博士字字鏗鏘地說。

於是，她以趣味圖書代替課本，着重培育學生的思考力與創意，並強調「品格第一」，認為小孩子的良好態度與習慣比任何條件還重要。事實證明，其辦學理念的確可行，難怪一眾家長對其領導的學校趨之若鶩。

再觀其一對事業有成、家庭圓滿的子女，劉筱玲校長的親子方法也是無懈可擊，「對仔女自細同我都好好傾，只要父母同小朋友傾到偈，就一定冇問題，所以我嘅學校都成日搞家長晚會，同啲家長分享吓親子心得o架。」

「保良局蔡繼有學校」總校長劉筱玲博士，育有一對子女，長女Winnie今年初也加入教育界，於九龍塘開辦幼稚園，她則擔任顧問，從旁協助。

噩夢連場

「保良局蔡繼有學校」總校長劉筱玲博士育有一對子女，現已長大成人、各有家庭，長女Winnie育有一對六歲的孖女及一個快將三歲的女兒；幼子Richard也有兩名分別六歲及十一歲的女兒。每個星期六，身兼合唱團領隊的劉校長，也帶着孫女們唱歌享天倫，三代同堂，溫馨無比。

說到兒子住在隔籬座，每晚也一起共進晚餐，劉校長笑得眼瞇瞇；提及女兒每日一個來電談天說地，她更滿足快慰，不忘補充說：「我永遠都唔會開屋企個信箱，通常都係傭人攞啲信去個仔度，咩嘢水費、電費、煤氣費，全部我個仔幫我睇、幫我理、幫我交，我真係好忙，唔得閒理呢啲嘢喇。」

每個孩子都一定各有優點，只要保持良好的態度和習慣，加上正確的教學方法，便能「讀得開心又讀得叻」，這是劉校長的信念。

丈夫十年前離世，劉筱玲校長慶幸有一對關懷備至、體貼入微的子女常伴左右，她說：「佢哋小學時喺我任教嘅學校讀書，其實都好大壓力o架，放咗學又要坐喺教員室度做功課，等我改完簿先返得屋企；有時又要跟埋我去買餸，雖然佢哋孭住個書包已經好重，但都會爭住幫我攞餸，真係好乖。」

回憶起子女的難忘往事，劉筱玲校長記起的只有長女跌落崖撞頭、幼子打鞦韆斷腳的驚險歷程，「嗰陣我成日發噩夢，一個人帶住對仔女走難，唔係火燭就係有癲佬追斬，次次都唔見咗我老公，有一晚半夜發完夢嬲得滯，咪拍醒我老公鬧佢：『永遠都見唔到你嘅，你去咗邊吖？』呢類噩夢直到一對仔女好大個，我都仲發緊，真係好慘！」

蔡繼有學校在劉校長的領導下，不僅注重學生的創意思維，還以輕鬆的教學方法訓練出小朋友的獨立思考能力。