本月七日，鍾嘉欣到跑馬地馬場出席「世界心臟日」活動，在後台休息期間， Herman從頭到尾無離開過女神。
探熱針
妄想症 已婚老闆嗒糖 鍾嘉欣喊驚
鍾嘉欣去年底簽約加盟星煥國際後，一直得到老闆何哲圖（ Herman）貼身照顧，老闆錫晒，鍾嘉欣卻哽唔落！
已婚的 Herman（老婆是無綫高層余詠珊），自○八年開始出現自行性幻想，對鍾嘉欣十分迷戀，經常借故親近。早前拍新歌《預防針》 MV， Herman全程黐到實，之後更使走所有員工，單獨與鍾嘉欣撐枱腳；就算去電視城錄《勁歌》，毋須老闆跟場， Herman依然厲鬼上身跟實，更試過在電視城化妝間郁手，偷偷搞她的頭髮，嚇得鍾嘉欣向身邊人狂呻：「真係俾佢嚇死！」
寸步不離
即將推出新碟的鍾嘉欣，去年底簽約星煥旗下，老闆何哲圖講明會力捧她做公司一姐。坐言起行，早前星煥慶祝成立三周年，宣布謝安琪加盟、鍾嘉欣出碟，擺晒靚位讓女神鍾嘉欣出台。
「之前佢哋喺星娛樂已經合作過， Herman一直都想拉嘉欣過檔，但佢同 Neway仲有約，拖到舊年先搞掂， Herman仲即刻做嘢，將同係無綫姐仔嘅陳法拉掟走！」知情者說。
從不掩飾自己有幾 like鍾嘉欣的 Herman，礙於是人夫身份，唯有藉唱片宣傳，堂而皇之親近女神。九、十月是新唱片宣傳期，每次鍾嘉欣出席宣傳活動，他亦例必出現，黐到實。
「公司其他 artist好似許廷鏗、江若琳拍 MV， Herman都無到場，但嘉欣就唔同，拍完 MV又話要傾啲嘢，嘉欣一話 OK，佢就即刻使走晒啲同事，自己同嘉欣食飯，之後仲送埋返屋企。」星煥一名員工說。
老闆變貼身阿四，就算濕碎如到電視城錄影《勁歌》，化妝時間開始， Herman已經蒲頭寸步不離，更試過在鍾嘉欣身後郁手。
「佢喺後面搞嘉欣啲頭髮，以為摸吓人哋 feel唔到，但嘉欣梗係感覺到啦，只係咁大個人，對方又係老闆，所以只係大力 fing吓個頭扮冇事。事後嘉欣亦忍唔住同身邊人投訴：『我 feel到佢搞我啲頭髮，真係俾佢嚇死。』」
星煥三周年，鍾嘉欣被安排上台開香檳。
送鑽石耳環
早於○八年，鍾嘉欣由電視圈踩入樂壇簽約星娛樂，當時擔任公司 CEO的何哲圖，已對她另眼相看。○九年，鍾嘉欣到重慶出席雪碧榜， Herman跟到實，即使公司有其他員工照顧嘉欣，但身為高層的 Herman竟以幫手攞行李為由，借啲意入埋房！
「佢入到房，嘉欣已即刻話唔該晒，示意請佢走，點知 Herman賴死唔走，仲問嘉欣餓唔餓，叫埋 room service，食埋嘢先肯走。佢係老闆，嘉欣再唔情願都無佢辦法！」
唔理對方受唔受， Herman對鍾嘉欣一條心，甚至出動貴重禮物，博取對方歡心。
「有次佢無端端送咗對鑽石耳環俾嘉欣，嘉欣話咁貴重唔肯收，但 Herman好堅持，仲同嘉欣講，話搵咗高人幫對耳環作過法，戴住會大紅大紫！」
何哲圖擺明車馬，此事更傳遍行內，但即使他的無綫高層老婆余詠珊亦收到風，卻隻眼開隻眼閉，難為鍾嘉欣，惡頂！
藉唱片宣傳，何哲圖大條道理貼身死跟鍾嘉欣，每次更一條龍服務，自己送埋嘉欣返屋企。
好大喜功的余詠珊搞一人一票選港姐爛尾，瘀爆！又有指她濫權，力捧老公 Herman唱片公司旗下藝人，是非不斷。
鍾嘉欣替新歌《預防針》拍 MV， Herman不停在她身邊氹氹轉。
唔易追
真命天子
07年和伍允龍合作電影《十分愛》撻着，男方常在網上公開二人親密合照，雖然鍾嘉欣一直唔認戀情，但早前又被踢爆伍允龍現身其將軍澳寓所，過夜兼玩煮飯仔。
脹版雷頌德
去年 6月，鍾嘉欣被發現與一名貌似 Mark Lui的姓張男子，鬼祟拍拖到赤柱撐枱腳，但一發現記者，鍾嘉欣即黑面表示：「而家唔食喇！」之後火速駕車離開。
花心大少
留言列表
{{ article.title }}
