林志玲入行以來緋聞有數得計，來來去去都係言承旭同邱士楷，家陣兩男明顯勝負已分，一朵鮮花，唉！
國台扮
林志玲公開催婚
唔認整容，一再強調眼口耳鼻胸都係真 嘅林志玲，下個月， 38歲，四字頭逐步逼近，志玲姐姐要改口叫志玲姨姨，面對女性年齡敏感交界線，志玲姨姨忽然公開招親：「結婚不要晚於 40歲！」
得番兩年零一個月時間，搵老公，唔係搵便利店，冇可能梗有一間 喺左近，唔通真係言承旭？
雖然張張都係背脊相，但就清楚認到係志玲姨姨 嘅美腿，至於疑似瘦番些少 嘅邱士楷，當日佢早一步到豪宅睇樓，企 响大堂打完電話，隔冇耐志玲姨姨就出現。
邱士楷以 1,860萬人仔買入 嘅豪宅「復地•御西郊」，網站寫上 2014年 6月收樓，趕得切志玲姨姨出嫁大限，而當日林志玲經理人原本代否認去睇樓，但知道「背脊」相為證馬上改口供，話朋友有好介紹，所以去睇樓八吓喎！
早排志玲姨姨飛去上海同北京，拍攝一年一度慈善月曆相片，罕有地露出久違多時 嘅事業線，同早兩年 嘅月曆主題，只賣靚人靚景，好唔同。
冇人敢埋身
林志玲，台灣第一名模，有樣有錢有面有身材，不過佢話冇男人敢埋佢身。
「演藝圈的人都不太敢接近我，可是我接觸到的都是演藝圈的人。」言下之意，即係就連識男人 嘅機會都冇啦！
所以志玲姨姨決定，明年開始減產，唔想好似今年咁，一年拍四部戲，每日平均只有 5個鐘睡眠時間。
「我會氣自己，戲和戲之間不夠緩衝時間做準備。譬如拍《 101次求婚》要拉大提琴，我每晚練還是不夠熟，我希望人家一看我手指就覺得我真的會。」哎呀！聽到都嬲死。
都係講番溝仔問題，志玲姨姨話自己行街見到情侶拖手，個心好羨慕，會問自己幾時先可以同男朋友 响街頭拖手擁吻，春心蕩漾原來同年紀無關，咁究竟言承旭會唔會係擁吻對象？志玲姨姨說：「我也很困擾啊，言先生也很困擾吧。」
舊年年尾，志玲姨姨上國內節目《快樂大本營》，見到言承旭講曾經辜負過一段感情，志玲姨姨當堂睇到眼濕濕，有傳當年呢對金童玉女有過一段地下情，但男方企硬唔公開，最後分手收場。
上海築愛巢
咁「馬桶太子爺」邱士楷？
「講了什麼都可能讓別人受傷害！」又扮分手， 啱 啱先有人影到邱公子 响上海「復地•御西郊」買豪宅，你有份陪佢睇樓再陪埋簽約喎，愛巢都買埋，究竟你係公開招親，抑或係公開向邱公子催婚先？
8年前，志玲姨姨講過，要 35歲前出嫁，因為想生小朋友，家陣寬限多 5年，容乜易 5年又 5年？咁又唔會喎，事關邱公子買入 嘅豪宅， 2014年 6月完工收樓，據知佢買入 嘅單位，係全屋苑最好景觀，以 4房雙套 3,100呎單位為例，埋單就要 1,860萬人仔，兩年後收樓裝修籌備婚禮，志玲姨姨可以校 啱時間做邱太囉！
昆凌揸車罪大惡極
上個禮拜三晚凌晨，昆凌揸住傳聞由周杰倫送贈 嘅 Audi TT跑車， 响四線行車 嘅和平東路靠最左線行駛期間，忽然連 cut三條行車線夾硬右轉，仲要唔打燈，當時 响最右慢線行駛 嘅兩架綿羊仔，因為收掣不及，一齊撞向昆凌架 TT跑車。
意外中，綿羊仔女司機僅受輕傷，另一位男傷者則頭部受傷，留院檢查後已經可以返屋企。
冇搞出人命，昆凌亦冇醉駕，好彩過中六合彩，但意外後經理人話佢情緒一度崩潰，昆凌見到記者不斷講「對不起、對不起」，擰晒頭話以後唔敢一個人揸車。
講真句，昆凌個牌都唔知點樣考番 嚟？唔止一次俾人發現將架車停 响巴士站，之後走 咗去 shopping，仲有， Audi TT話晒有 200匹馬力，昆凌車速永遠唔過 40km/h，邊個話慢駛唔會有交通意外？加埋唔打燈唔睇路牌亂咁行，為 咗街上途人同其他司機着想，周杰倫俾多少少錢請個司機載女朋友罷啦！
意外後，昆凌雙眼通紅，到醫院探望兩名傷者，答應會賠醫藥費及一切賠償，係囉，叫周杰倫俾晒咪得囉！
昆凌架 TT，車尾只係輕微撞花，架綿羊仔就冇陰功，甩皮甩骨。
女友撞傷人，周董派出好友及助手到現場了解事件，近排信 咗耶穌，但會講等記者死 咗先會派帖結婚 嘅周董，話會幫昆凌祈禱喎！
有相為證，昆凌經常貪方便，將架車停 响巴士站，搞到巴士司機唔可以埋站上落客，乜家陣台灣時租車位好貴咩？
留言列表
{{ article.title }}
