探熱針
心靈之旅 薛芷倫一個人在途上
自我提升
薛芷倫（ Fanny）在兩個月內去了七個地方，包括倫敦、米蘭、慕尼黑、柏林、三藩市、 Las Vegas和 Napa Valley，除了在倫敦和三藩市探望在當地唸書的兒子，她都一個人， Fanny笑言：「如果同男友去旅行，就要去巴黎、馬爾代夫啦！我去到唔同國家都有啲朋友，會約佢哋出嚟食飯見面，其他時間就會自己去旅遊；只有一個人獨自去旅行，先可以增值自己，見識多咗，心靈自然會擴闊啲。」
今次的行程非常豐富，除在倫敦和米蘭去了 fashion week看騷，她還逛了不少博物館，「英國嘅 Natural History Museum、大英博物館都好值得去，而 Victoria& Albert Museum我都好鍾意，因為喺呢度可以睇到 fashion history。」近期博物館正舉行 Ballgowns Exhibition， Fanny看完坦言有點失望，「我覺得自己嘅 ballgown collection仲好睇，我啲裙都有留番，仲會自己整理，希望有日可以做展覽。」
去了這麼多地方，令 Fanny最有感覺的不是時裝聖地米蘭，或聲色犬馬的 Las Vegas，「德國令我印象最深，因為德國人係好有性格嘅民族，歐洲經濟衰退，惟獨德國最強，因為性格決定命運，德國人都好堅毅、好有誠信，所以佢哋唔會欠債。」
她在柏林 Brandenburger Gate與扮嘢德國士兵合照。
薛芷倫讚德國人很自律，地鐵站內沒有入閘機也沒職員巡查。
慕尼黑
九至十月是德國啤酒節，怕肥不愛喝啤酒的 Fanny，齋影相和享受節日氣氛。
她至愛的德國甜品 Kaiserschmarrn。
倫敦
她在 V＆A Museum外留影。
博物館展品包括經典的 Dior裙和鞋。
渴望自由
站在柏林圍牆前， Fanny更感激動和震撼，沿着圍牆行了半日時間，「呢堵牆可以話係最接近又最遙遠嘅距離。一個國家，曾經俾一堵牆分隔開兩個世界，將好多家庭、朋友分開咗，但人渴望自由、夢想，唔係一堵牆可以阻隔到。」
今次歐美之行， Fanny除買了四大喼靚衫，心靈上的收穫亦很豐富，「無論喺歐洲定美國，佢哋都覺得中國人最強、最有錢，佢哋好羨慕，好睇得起中國人，有好多人想嚟香港做嘢；所以我要話俾香港人聽，我哋要對中國有信心，對政府有信心，對自己有信心！」
Fanny說她不愛賭，在賭城只是看表演、享美食；但她最欣賞在三藩市 Atelier Crenn餐廳的分子料理（圓圖）。
演唱會八時開騷，但 Madonna十點才上台，「現場有 DJ打碟，又有酒賣，觀眾一路跳舞一路飲，情緒都好高漲。」
Las Vegas
喜歡 clubbing的她，最欣賞 Vegas的 Wynn XS Club，「係我去過最靚嘅 club。」
米蘭
在 Dolce＆ Gabbana騷， Fanny與 Elizabeth Hurley和她的未婚夫合照。
薛芷倫說今季興 baroque style，將誇張的寶石鑲在衣服，「我仲買咗好多 costume jewellery，同真首飾一齊戴。」
留言列表
{{ article.title }}
