件件衫都係睇完價錢再睇衫款，楊丞琳埋到櫃 枱俾錢親自逐件 check清楚，其間露出得意笑容。
同你吟一吟
楊丞琳香港掃半價衫
自台灣 嘅「可愛教主」楊丞琳，嚟緊十二月殺入紅館開個人演唱會，兩場門票一小時內賣晒，公司計劃開第三場，如果成事 嘅話，將會平台灣天后張惠妹三場紀錄。
隨時有機會同天后睇齊，楊丞琳上星期二（十月十六日）喺香港做完演唱會記者會，夜晚一拖七個工作人員，一齊殺落做緊明星半價優惠 嘅 I.T執平貨，唔蝕底！
去到銅鑼灣希慎道三層高旗艦店，楊丞琳目標為本，先揀牌子再望價錢牌，衫款留到最尾先慢慢睇真 啲，快斬個半鐘已經滿載而歸，一共掃 咗七大個紙袋走人，之後再去附近咖啡室食埋飯先返酒店。
半價魔力，當日亦吸引到 Cookies年代已經係好姊妹 嘅 Stephy同 Angela嚟放血，最後一人買到兩袋，笑晒行落樓，使錢，女人特別開心！
一拖七去 shopping，最後買 咗七大袋走，香港開騷反應好，使多少冇相干！
之前一日，同樣係 Cookies成員 嘅 Miki，同朋友揀半價衫，都有收穫。
Stephy同 Angela孖住去血拼，一人兩袋，落到樓下 Stephy笑得好開心。
行半價時裝店之前，兩姊妹先去時代廣場巡咗圈， Stephy全程戴住黑超，不過星味唔夠濃，沿途都冇人認到佢。
全站熱搜
留言列表
{{ article.title }}
