探熱針
一刀切 黎明放生樂基兒
陣腳大亂
離婚事件曝光，新歡陪住吃喝玩樂的 Galie形象下滑，連失廣告唔見錢，早已部署飛黎明搵人另起爐灶的如意算盤打唔響，亂了樂基兒的陣腳。
「分開初期因為冇乜人知道， Galie已經喺外面部署搵番以前幫過佢嘅模特兒公司幫手，佢想好似其他大星咁，同間經理人公司掛鈎，但實際係自己話晒事。本來已經傾得七七八八，有公司願意一齊合作，不過佢離婚單嘢突然爆咗，加上有 model明示暗示話有 Galie，佢哋會離開，所以對方即刻縮，諗住睇定啲先再打算。」知情者說。
多謝！（設計對白）
她又上載已故組合 Beatles成員 John Lennon名句，似乎對「人生」另有「領悟」。
Galie將她跟朋友赤腳跑街及敷面的生活照片上載 instagram。
不計前嫌
公還公私還私，黎明公司本來不介意繼續幫手搵 job，不過 Galie心裡有數，只知只要一日在 Amusic，其他公司有可能避免開罪黎明放棄搵她，所以寧願搏一鋪，先撇清關係，再搵人幫手。
「 Galie離婚通晒天之後，因為未鋪好路，所以特登發短訊俾外面啲記者話 Joe（陳善之）仲係佢經理人，搵個水泡攬住先；但之後再諗，又覺得唔走唔得，最近佢正式提出解約， Leon幾乎無考慮，即時無條件放 Galie走，之前仲幫佢接咗兩個活動，都算係咁啦。」知情者說。
據了解， Galie已連失三個廣告客，包括菲力偉及由阿 Sa全面取代的 Neutrogena外，國際品牌 Folli Follie的全球代言人身份，明年一月約滿後亦將飛她出局。
該品牌負責人向本刊承認，雙方明年一月約滿，總公司暫時未有代言人新方案，而 Galie為品牌所拍的宣傳相，則會用到明年情人節為止。
仍是黎太身份時， Galie出親活動，經理人陳善之都會陪出席。
黎明離婚後寄情工作，現正為內地歌唱比賽任評判，順道為公司揀選新人。
早前 Galie搬走，仍用黎明保母車，據知今次回港，她會改用自己車出入。
李嘉欣跟黎明至今乃保持合作關係，早前拍廣告，陳善之亦有前往探班。
明年一月約滿 Folli Follie，樂基兒的全球代言人身份不再。
現在出街的 Neutrogena廣告，只有阿 Sa版本。
劃清界線
藝人離婚、分手，為免留下手尾，在公在私都會一刀切斬纜，有些甚至公開表態無偈傾，再見也不是朋友。
黃宗澤胡杏兒
拍拖七年，今年七月宣布分手，雖然男方向外聲稱依然關心女方，不過難忍前度不斷偷食而提出分手的胡杏兒，卻以行動劃清界線，一擲數百萬購入豪宅，搬離二人「同居」大廈，一刀兩斷。
陳豪廖碧兒
二人分手多年，雖然陳豪已公開有另一半陳茵媺，但依然不時傳出廖碧兒有意翻撻，為徹底搞清關係，廖碧兒刻意自爆已將對方電話號碼 delete，再見不是朋友。
留言列表
{{ article.title }}
