同你吟一吟
肥＋著錯衫 陳妍希罪加一等
上個禮拜海南島星光熠熠，百位中外明星及運動員，齊集觀瀾湖打高爾夫球，爭奪 100萬美元獎金。
有份 嚟撐場 嘅台灣女神陳妍希，即使早排自爆食法國麵包加亞麻籽油減肥，但肥開有條路，女神依然脹，尤其係佢著住條金色吊帶裙出席活動，圓面巨膊拜拜手三管齊下。
女神變肥希，已經無法接受，本來可以利用著衫打扮遮掩一下，可惜陳妍希品味完全零蛋，金色吊帶裙已經夠爆，之後再 嚟多條七彩漸變長裙，罪加一等。
至於平日著衫算係穩打穩紮 嘅楊紫瓊，唔知先排係咪扮昂山素姬扮得多，無厘頭插朵花 响耳仔邊，不過最敗筆都係條裙，闊身剪裁挺身布料，搞到腰粗腳幼，似有 咗五個月囉！
七彩肥仙
明知膊闊肉厚，都要露膊，配合七彩漸變長裙，打側個身吸氣影相，其實唔係幫到好多咋。
㩒肚遮醜
幾瘦都好，只要著錯衫，一樣會出事，耳邊插花 嘅楊紫瓊，影相時專登用手 㩒住條裙，依然似大肚婆。
吹脹球王
見到肥到人唔似人 嘅巴西球星朗拿度，八珍引以為鑑！
冇腰骨
奧斯卡最佳男主角艾德烈邦迪，原來同馮小剛好老友，行紅地毯，馮小剛忽然冇腰骨，成個人挨住對方。
高人一等
唔打籃球，改打高爾夫球 嘅姚明，無論做咩運動，身材都係一枝獨秀，尤其係對住曾志偉。
全站熱搜
留言列表
{{ article.title }}
