谷心臟車身輕 低飛 R小子
「有麝自然香」呢句話好適合套用在車界，好多高質素的車唔需要鋪天蓋地宣傳，總是吸引到識貨之人，當中一員絕對是福士 Scirocco R，無得畀傳媒試車， Showroon連影都唔見，定單水蛇春咁長！最近有車主正式收車，第一時間親身試玩，而車主更將它爆上 315匹，加上身輕及低重心，輕易成低飛一族。記者：趙慧敏攝影：楊錦文Model： Eagle Lo車輛提供： TW Autosport Limited（ 2142 0005）
增 50匹直線加速更勁 放大圖片 
呢架雖然算不上激改版，不過負責呢架車的改裝工程專家 Tony話齋，就正因為佢本身質素已經好唔錯，只要加多少少補品，已經到另一層次。作為改車死硬派，增加馬力係指定動作，今次 Tony就幫車主座駕的馬力由原來 265匹，增加 50匹至 315匹，同一時間亦為佢增加制動效能，首先換了套 VWR前六活塞煞車鉗連 352mm碟盤，懸掛亦要作適量調節， KW V3系列絞牙避震機連彈簧組合，明顯提升吸震效果，亦有效降低重心，加上 19吋合金輪圈相助下，直線加速感覺湃澎外，在攻彎時表現更貼實凌厲。由於外形上 Scirocco R同普通版相差無幾，只可以於車身不太當眼位置搵到 R字蹤迹，雖然車主唔要外形上改得誇張，不過就於細眉細眼花心思，例如車尾一組雙出式排氣喉就換個碳纖喉套，實際作用唔多大，只係勝在夠型。
放大圖片 
放大圖片 
放大圖片 
■扁形頭燈燈組，襯絕低矮車身。
放大圖片 
■ 19吋合金黑輪圈以證 R系身份。
放大圖片 
■在車尾位置，可以搵到 R獨有標誌。
放大圖片 
■換上碳纖氣喉，視覺上更搶眼。
較 Golf R更飛得 放大圖片 
■用上 Swiss Chipbox，令馬力即時升至 315匹。
事實上就算車主唔願花心思左改右改， Scirocco R都係一架玩味行先的跑車，佢輕巧車身只有 1,364kg，不過既然同出一系，很多人喜歡將 Scirocco R與 Golf R比較，雖然兩者同樣採用 2公升 Turbo引擎，不過因為 Scirocco R較 Golf R車重輕 102kg，配合 XDS電子差速系統、六速 DSG雙離合器半自動波，揸起來感覺更爽快，而且由慢駛至加速的推背感，來得更加快及明顯。不過要聲勢浩大似乎無佢份，事關它的排氣聲似乎顯得更低調。
放大圖片 
■車廠為配合 Scirocco R，仲一併推出賽車版 Scirocco R模型。
放大圖片 
■內櫳佈局與 Scirocco差唔多，似乎無突出它的 R級身份。
放大圖片 
■雙環式儀錶板設計簡約，稍欠跑味。
放大圖片 
■橫紋賽車座椅凸出肌肉感。
放大圖片 
■用六速 DSG雙離合器半自動波，轉檔反應靈敏。
放大圖片 
■雖屬雙門設計，後排座椅還算有不俗空間。
Scirocco R原來規格
引擎： 1,984c.c.直四 Turbo馬力： 265ps/6,000rpm扭力： 35.6kg-m/2,500至 5,000rpm傳動：六速 DSG雙離合器半自動波前驅 
留言列表
{{ article.title }}
