娛樂八掛大放送★

我之所以能夠自詡戀愛實戰專家，除咗因為每日喺辦公室聽埋好多唔同類型客人嘅「情愛史」之外，再加上我每星期都去蒲幾晚，外遊時亦會蒲當地嘅靚場，自己一邊喺場內飲嘢玩樂，一邊睇盡不同嘅眾生相：艷光四射嘅小野貓、醜態百出嘅中女、追求刺激嘅蕩女……真係睇女無數o架。

當然，落到啲夜場，媾與被媾先至係男男女女嘅終極目的啦（雖然喺我眼中，女並唔係要嚟媾嘅）！不過良禽都要識得擇木而棲，男人就更應學下睇相先至好落場「搵食」。雖然媾女係好個人嘅事，亦都好主觀，但係喺面相學，一個女仔易唔易上釣絕對係有樣睇！今回我就會從玄學角度，同大家講「睇相媾女」的竅門。

看眼出擊
一對靈魂之窗，係身材以外，另一個重點交流的地方，所以兩人嘅eye contact好重要，咁各位男士要睇清楚女仔嘅眼形先至好出手。
遇到一般眼圓而大嘅女人，我話你知呢種女人通常思想天真，對個人感情生活有熱切嘅追求，弊就弊在亦易將感情與性愛混淆，同埋亦易俾人o氹，只要你肯花多啲時間及對佢講多啲甜言蜜語，便好容易會得手。雖然夜晚啲蒲點「黑麻麻」，又或者有啲人仲戴住「死光鏡」，但總有機會睇下你想認識嘅女仔係咪眼睛常帶淚水，即係「水汪汪」嘅款，因為呢類女性屬於經常會有三角關係嘅桃花眼，就算有冇男朋友都會有偷食心態，容易和「同道中人」一拍即合，所以為免同人share女友，就咪嘞！

So Time
心急的Apple問：
本人1984年新曆3月2X日出生，感情路非常之失敗，常俾男仔騙，每次都要付出金錢損失，依家同男友拍拖4年，但這2年不太開心，想分開，但又分開唔到，現在想問：
1. 我會同依家男友分手嗎？
2. 幾時會有真的感情出現？
3. 有結婚同小朋友機會嗎？（會在幾歲出現？）
4. 我一生的運氣如何？
5. 身體同工作運好嗎？

蘇師傅答：你嘅命格屬「金」，生於春天，比較上「金」、「水」有利，「木」、「火」為忌。你有運行嘅，18歲行到48歲，不過喺呢段時間亦係行「剋夫運」，喺感情上會麻麻哋，48歲至58歲時運氣停一停，58歲之後仲有20年運。喺事業上，就十分適合個人做生意。想喺感情路上安穩啲，宜配「不正常姻緣」，即係結過婚、離過婚，大你10年或年紀細過你嘅男性，甚至異地姻緣都OK。你話成日俾男仔騙，呢啲可能係你自己笨嘅原因，呢個計唔到，同埋你行「剋夫運」，都唔好諗會識到啲叻男人，靠自己啦！你喺30歲前無論識邊個，都自覺同人唔夾，對方又唔係理想對象，性格唔夾，而你同依家男友分手機會都大o架，特別喺2011年，呢年容易感情變化。問幾時會有「真感情」喎，你段段都真o架啦，其實你結婚運最重係25至27歲，下次嘅結婚運喺2016至2017年。你冇俾到出生時辰，所以睇唔到你嘅仔女運。身體方面，肺、骨、喉、氣管要特別注意。