江若琳師妹
蒸餾水廣告播咗幾日， YouTube已經有過 5萬點擊率，而且女主角 Ciwi嘅表現仲被網民讚好，成績相當唔錯。 FBI覺得蒸餾妹嘅喊戲，好過唔少小花添喎！
FBI
維他蒸餾妹喊上位 「飲足 25支！」
近排晚晚熱播嘅「維他純蒸餾水 7百萬人的點滴」廣告，廣告內嘅「蒸餾妹」即刻俾網民起底，原來佢係江若琳師妹、 21歲嘅林司敏 Ciwi。 Ciwi入行 3年唔算好新，終於憑呢個廣告彈出。
廣告分「男友調職篇」同「求婚篇」， Ciwi同男主角 Edward喺廣告入面就好煙韌，但 Ciwi同 FBI講話拍完之後，大家連電話都冇交換，「呢個廣告 casting咗 2次， 2次都唔同對手，最後 fitting時先見到 Edward。拍咗 2日，之後就冇聯絡喇，但拍出嚟好 sweet嘅。」
廣告入面，男主角同女友講被調去北京工作時， Ciwi激動起勢灌水，睇落好易，但原來 Ciwi飲到成肚水，「因為要大特寫個招牌，拍咗好多好多個角度，廣告公司有專人幫我數過，一共飲足 25支，連服裝個姐姐都驚我飲到嘔。」
Ciwi廣告入面有啲角度似陳嘉桓+Stephy混合體，再睇真啲， Ciwi清純啲。
蒸餾妹林司敏（右） 09年拍《愛出貓》入行， 01年仲拍住楊丞琳同江若琳拍咗套《 3D童眼》。
Edward最近人氣急升，前排仲擔任 Kary〈告白〉嘅 MV男主角。上個月，本刊影到 Evelyn同一位型男行街，原來呢位型男就係 Edward， Evelyn識食喎！
男主角 Edward（馬志威）外形唔錯，有做明星條件。 FBI曾聯絡佢所屬嘅經理人公司 Portamento People，但截稿前仍未回覆。
全站熱搜
留言列表
{{ article.title }}
