溫碧霞與金融才俊夫婿何祖光結婚 10年來，她因忙於事業及享受二人世界，將生兒育女之事一拖再拖，結果霎眼已屆 44歲之齡仍無所出。個半月前溫碧霞決定到江蘇領養一名被遺棄於火車站的男嬰，為他治好皮膚病及咳嗽，又替他申請成為美國公民，扭轉了孩子命運。面對着精靈可愛的 1歲養子，溫碧霞不禁母性大發，揚言會待他如親生仔，萬般疼錫。

其他娛樂名人影片

溫碧霞和丈夫何祖光於 2000年在布吉島結婚，今年 10月 1日國慶日正是兩人結婚 10周年紀念。不過礙於過去 10年她未能放低演藝事業，又樂於享受二人世界，一直未有實踐造人大計，但隨着年歲漸長，近月夫婦經過商議後，決定領養一名內地兒童，組織一家三口展開新生活。

放大圖片

溫碧霞近期接江蘇養子何國倫來港生活，下月滿１歲的ＢＢ體重達 20磅，長相精靈又愛笑。

放大圖片

外表弱不禁風的溫碧霞發揮媽咪的力量，抱起 20磅重的養子逗得他笑不停。

「睇相已經好鍾意」

溫碧霞在個半月前親往江蘇帶着養子來港，為他取名何國倫，英文名 Xaver源自阿拉伯文，寓意聰明。前日她抱着下月滿 1歲養子到中環買學行車，首次曝光的小 Xaver體重達 20磅，肥嘟嘟、笑容多又活躍。現場見溫碧霞很錫 BB，全程都跟他玩，引他注意，令 BB笑不停，她見狀也笑不攏嘴，母子情滿瀉。談到收養經過，溫碧霞前日接受本報記者專訪時揚言是緣份使然，她說：「兩年前我老公嘅一位朋友用美國公民嘅身份收養小朋友，我見佢哋好開心就諗住申請，因為我老公又係美國公民，於是就辦手續。今年 5月我收到有關嘅資料同相，我睇相見到呢個 BB已經好鍾意，覺得同佢好有緣，而且我老公又鍾意小朋友，我哋揀咗之後， 7月 1號就去內地接佢，再帶 BB同埋老公去夏威夷攞美國 passport。」

放大圖片

溫碧霞和丈夫何祖光領養的囝囝 Xaver，經過個多月相處 BB樣貌漸漸跟老竇有幾分相似。資料圖片

放大圖片

溫碧霞和丈夫何祖光領養的囝囝 Xaver。

「 BB初時成身紅疹」

小 Xaver其實是個孤兒，溫碧霞說：「 BB喺江蘇俾人遺棄喺火車站，俾人執咗之後送去孤兒院，嗰時佢體弱又病；我接 BB時佢成身出紅疹，咳得好犀利，我送佢去深圳睇私家醫生，家好番晒啦，短短 1個月重咗幾磅，仲有個肚腩仔。」榮升母親後的溫碧霞近日更刨書惡補育兒經，她笑說：「初時 BB成日咳，我見佢唔舒服我個心都好唔舒服、好痛。我當正佢係親生一樣，會好錫佢，我會帶畀佢幸福，佢亦帶畀我同老公無限喜悅。個個都讚佢好乖，唔會成日扭計，好易湊。我最近買咗好多書，學點樣照顧小朋友，自己都學到好多，餵奶、換尿片都冇問題，連佢第時上乜嘢學校都 plan好，我希望佢喺香港讀書， 12、 13歲時會送佢去美國。我唔使第日佢有乜嘢成就，健康成長就夠，不過之前冇人教 BB，佢講嘢發音唔係太識，學習慢啲。」

放大圖片

雖然沒有血緣關係，但溫碧霞誓言會視養子如己出。

放大圖片

媽咪溫碧霞拍拍手，坐着學行車的 Xaver即出盡力走向媽咪，十分精靈。

「我會時刻陪住佢」 放大圖片

天真爛漫小 Xaver坐在學行車，表情多多逗人喜愛。

溫碧霞又直認因年紀大才放棄生育：「我以往有懷孕恐懼症，見到好多朋友結婚同生仔之後離婚，好可悲，以前我又想過二人世界，加上一路又做嘢，遲遲唔生，到想生時自己嘅年紀同身體已經控制唔到。」她又說：「我老公嘅兩個妹都係生女，屋企冇男丁，所以我先揀男仔，呢個係上天安排，以後我會無時無刻陪住佢，希望由接 BB開始到佢嘅成長階段，都一路陪住佢。」採訪：魯萍　攝影：陳慧安場地提供：荷花集團

人物誌：火辣海潮成跌膊 Icon 放大圖片

何祖光與溫碧霞在泰國布吉島舉行浪漫婚禮，宴請圈內外好友出席。資料圖片

現年 44歲的溫碧霞入行至今 28年，經典作包括處女作《靚妹仔》、與劉德華合演的《停不了的愛》，以及於無綫劇集《火玫瑰》中飾演「跌膊海潮」，被封性感 icon的她在 96年和台灣國民黨將軍何應欽之孫、現職瑞士私人銀行寶盛香港區董事兼亞洲產品部香港區主管何祖光相戀，並於 2000年 10月 1日國慶日在泰國布吉島結婚。婚後溫碧霞漸漸淡出娛樂圈，過着闊太生活，出入高級場所外，偶爾也接拍自己喜歡的廣告和電影來調劑生活，她還不時到內到作慈善探訪，生活充實。


溫碧霞把養子照顧得肥肥白白，小 Xaver揭開衫仔露出小肚腩，她馬上為他整理衣服以免着凉。

溫碧霞一眼定緣領養孤雛

溫碧霞（Irene）婚後一直享受二人世界，到想要小孩時才發覺自己的身體健康應付不來，在機緣巧合下她在內地收養了一名孤兒來港，初次感受當媽媽的滋味，她說能夠與兒子遇上，是莫大的恩賜。

每次看到寶貝兒子笑，溫碧霞都甜到漏。

溫碧霞結婚十年仍沒有所出，直到兩年前在一位美國朋友介紹下，到了內地一間醫院看見一群被遺棄的小孩，她決定要收養，她說：「啲小朋友好得意，因為要美國公民至可以收養，我老公係美國公民所以就可以申請，我哋等咗兩年先收到囝囝嘅相片同資料，一睇到佢張相就決定要收養佢。」

上天恩賜

Irene的囝囝取名何國倫，是跟丈夫何祖光家族族譜改的，英文名Xavier。喜獲麟兒的Irene雀躍地說：「佢好乖，好有個性，係一個happy boy。佢今個月23日就一歲生日喇。我係喺上個月接佢返屋企，係我生日嘅月份，可以遇到佢係上天畀我一個好大嘅恩賜。」

問到為何不自己生小孩而選擇收養？Irene說：「結婚之後一直想過二人世界，因為好開心，冇諗過要生BB住，到真係想要小朋友時，就覺得可能自己健康應付唔嚟，之後見到內地嗰啲被遺棄嘅小朋友，好想幫佢哋，咁自己一向好鍾意小朋友，加上自己健康狀況唔適合生BB，我第一眼見到囝囝張相就已經好鍾意佢，好想接佢返屋企，我覺得好多嘢都係整定。」

溫碧霞十分有耐性，每天都教囝囝行路。

快滿一歲的國倫非常乖巧，懂得親親媽咪。

溫碧霞與丈夫何祖光結婚十年仍恩愛如昔。（資料圖片）

心痛滋味

當Irene知道要迎接囝囝來港的個多月前已做足準備，買了大堆書本兼請教身邊朋友如何照顧BB。接囝囝回家那天更讓她深切體會到媽媽擔心兒子那種心痛的滋味，她說：「嗰日佢病緊，身上仲生咗啲紅色嘅粒粒，我即刻帶佢去睇醫生，嗰刻真係好心痛，我係第一次感受到呢種心痛嘅感覺，第一次感受到做媽媽嘅滋味，我知道嗰種愛係無分親生定收養，我都一樣係咁愛佢。佢依家已經成為我生命中好重要嘅人，我成日都會好掛住佢，佢帶畀我好多快樂。」

採訪：名人組

場地：荷花親子中心