跳舞女子組合HotCha由拍檔成為好友，三人未試過因嗌交傷感情，反而最愛將問題攤開解決，從而加深大家互相了解，令姊妹情更進一步。 女子組合HotCha三女Crystal、Winkie及Regen在唱片公司撮合下，由拍檔成為好姊妹，早在加入樂壇前，三人在跳舞界已知道對方存在，Winkie笑說：「喺跳舞方面Regen係前輩！」由於Regen天生一張娃娃臉，Crystal笑說：「第一次見佢，覺得佢係小朋友，仲諗大家差好遠，但估唔到大家咁夾。」 雖然有指女仔比較小器，事無大小都愛爭一餐，但她們就能做到和睦共處，不愛爭東西，她們笑說：「我哋唔爭嘢，每次演出啲衫，公司都分配好晒，唔使爭，排舞企位又有老師編排好，點解要爭。（爭仔？）冇得爭，因為大家身邊都冇仔，一粒微塵都冇。」 個性比較文靜的Crystal，不似得Winkie及Regen比較活潑，雖然大家性格完全不同，但三人合作以來甚少鬧交，Winkie笑說：「其實大家都幾硬頸，我又鍾意駁嘴，但最怕啲人乜都唔出聲，我哋有乜問題都會攤出來講，最多鬧完一場大交，之後就唔會有嘢，仲加深咗大家嘅了解。」 踏入樂壇已第四個年頭，HotCha希望愈做愈好，總結過去的成績，她們也感到十分滿意，但知道尚有改善空間，更希望可以一改少女跳舞形象，嘗試轉走較成熟的跳舞歌路。
大個女的HotCha希望轉走較成熟路線。
Winkie直言愛駁嘴，唔講唔舒服。
Winkie自認硬頸
HotCha的Winkie（左起）、Crystal及Regen由工作拍檔變好姊妹。
全站熱搜
留言列表
{{ article.title }}
