《初戀築跡 101》
上映日期： 10月 11日
《初》片由 Miss A嘅秀智飾演少女版瑞英，同李濟勛飾演嘅少年版勝民，讀大學時曾有一段純真同曖昧嘅戀情。睇佢哋咁大個人仲勾毛指尾，就知佢哋幾清純啦！
韓面
感動 410萬人 韓版《那些年》純愛萬歲
上年《那些年，我們一起追的女孩》唔只 hit爆台灣本土，連香港亦勁收 6千 1百萬成香港史上最高票房華語片，今年有「韓版那些年」之稱的《初戀築跡 101》（韓譯：《建築學概論》）將於 10月襲港，同大家重拾初戀情懷。
《初》片同《那些年》一樣，男女主角由學生時代開始，玩盡邂逅、暗戀、重遇同回憶嘅純愛，一定引起大家共鳴。
加上由新紮偶像 Miss A主將秀智同韓劇天后韓佳人主演，卡士勁到漏油。《初》片今年 3月韓國上畫，至今買飛捧場觀眾已衝破 410萬人次，成韓國史上最受歡迎愛情片，所以話，橋真係唔怕舊㗎！
其實《初戀築跡 101》故事好簡單，講述女主角韓佳人飾演嘅瑞英，一天突然委托於大學曾暗戀佢，曾一齊讀建築學嘅同學勝民（嚴泰雄飾）幫自己重建祖屋， 2人重遇後，一齊返回大學時的 101號班房懷緬過去，跟住一齊回憶起 15年前嘅戀愛事。原來 20歲嘅勝民（李濟勛飾）與少女瑞英（秀智飾），讀大學時本應互相愛慕，但衰在勝民就好似《那些年》柯騰咁，一直唔敢對沈佳宜表白，最後令戀情無疾而終因而感到後悔，同睇原裝《那些年》一樣令人肉緊。
秀智第 1次拍電影已攞《百想藝術大賞》嘅新人獎，上台頒獎時仲好淡定，不愧為明日之星。
秀智曾憑純情外貌贏得「公民初戀女星」嘅稱號，係韓男女朋友首選，之前拍韓劇《星夢高飛》、《 Big》一樣討好。
打低 Rihanna
李濟勛難得同女神秀智有咀戲，但佢話唔 enjoy，因驚被秀智 fans鬧。其實場咀戲都係點到即止，李濟勛係咪諗多咗呀？
玩初戀橋似足《那些年》，連受歡迎程度都好似《那些年》一樣咁勁。《初》片於今年 3月在韓國上畫，雖然撞正 Rihanna主演的《超級戰艦：異形海戰》對撼，但《初》片一樣擊敗對手成票房 No. 1，至今入場人次更衝破 410萬次，成韓國史上最受歡迎愛情片。而飾演少女版瑞英的秀智，更憑此片攞埋《百想藝術大賞》的「最佳女新人獎」，威到震。
錫嘴瞓唔着
倒模《那些年》
《初》片唔只內容似《那些年》，戲中男女主角交往嘅場景都倒模一樣，唔怪得叫做「韓版那些年」。
行路軌
《那些年》中，柯騰同沈佳宜一齊去平溪行路軌傾心事；而《初》片裏面秀智飾演嘅瑞英，同勝民拍拖時，咁啱又去行路軌，連雙手伸開攞平衡嘅動作都一樣。
失戀喊
柯騰同沈佳宜因炒大鑊，搞到柯騰大喊一場；而勝民亦因同瑞英有誤會而分手，亦喊到收唔到掣，連喊樣都似到足。
坐車站
《那些年》中，柯騰同沈佳宜坐車站等車嘅場面，喺《初》片中亦出現，唔同嘅係瑞英就成個頭挨落勝民膊頭休息，場面 sweet好多。
中女韓佳人超紅
《初》片除令秀智攞新人獎跑出外，戲中飾演女主角瑞英中女版嘅韓佳人，其實一早已紅爆韓國。 30歲嘅韓佳人，曾擊敗宋慧喬，被選為「韓國最靚女藝人」，今年拍住視帝金秀炫主演嘅韓劇《擁抱太陽的月亮》，最高收視曾高達 47%，今年超紅。
《擁抱太陽的月亮》中， 30歲嘅韓佳人大足金秀炫 6年，但拍埋一齊都好合襯。
秀智飾演少女版瑞英，中年版就由韓佳人主演，雖然 2人同樣都好清秀，但韓佳人對眼大好多，唔多似。
留言列表
{{ article.title }}
