左起： Victoria， Geri， Emma， Mel C， Mel B
唱〈 Spice Up Your Life〉時架車真係有 6、 70咪咁快，短裙幾乎吹到翻起！
講奧辦
辣妹重組 奧運最紅碧咸嫂
倫敦奧運喺香港星期一早上（ 8月 13日）閉幕，好一個音樂之都，簡簡單單， 40到 90年代經典歌手樂隊齊齊晒你冷，已經冇得輸！
成晚高潮就係 5人女子組合 Spice Girls參演，碧咸雖然參加唔到大英隊踢波，好在有碧咸嫂搶番鏡！
DJ Donald：「 Spice Girls愈老愈索」
講音樂，又要問吓 DJ意見，阿奴話由第一日公布閉幕名單， 903成班同事都等睇 Spice Girls上台。「雖然撞正開早班冇睇直播，但手機睇精華，全場始終係 Spice Girls最威！佢 5個坐英國的士出場，再企上車頂唱〈 Wannabe〉，睇到人超 hyper！」佢仲讚 5個辣妹 3、 40歲都仲都 keep到咁靚：「維多利亞咁有米就實型啦，估唔到當年肥妹妹 Emma仍然咁 cute。」記者仲見到架的士開得幾快， Emma超短裙幾乎露底，搶碧咸嫂鏡添！
5女歌衫由 Giles Deacon設計，此品牌設計師曾經做過 Tom Ford助手，跟 BV、 Gucci合作，其中碧咸嫂條裙長長尾襬有貴氣， 5人中最索。
阿奴推介
快上 iTunes買奧運精選碟！
原來開幕同閉幕嘅曲目都有出精選碟，阿奴話睇完精華已經即時買咗，成 38首歌，好抵聽！（各$73）
Queen無敵
Brian May（左）電子結他型到出汁，不過負責為已故主音 Freddie代唱嘅 Jessie J就真係勁大山婆，個嘴好似可以食人。
阿 Donald話：「聽到〈 Bohemian Rhapsody〉前奏已興奮，點知之後駁咗去播 Beatles，失望，終於去到尾推咗個百幾米高嘅 screen出嚟播 Freddie Mercury、 Jessie J代唱〈 We Will Rock You〉時全場一齊拍手，心情即時 high番，老套講真係音樂無分國界。」
Pet Shop Boys最型
阿奴話最愛佢哋戴黑色眼罩出場，好想自己老咗都仲可以型成咁。
講到 Pet Shop Boys阿奴最激動。「細個最愛電子音樂，唔只音樂正，仲好 like佢哋包裝到自己有型有款，又會想起細個入場睇佢哋音樂電影，希望中國流行曲將來都可以發展到咁有歷史。」
《 FACE》嚴選 7宗「最」
閉幕禮歌手威晒， 𠵱家即刻回顧吓成個奧運入面 7大最佳人同事。
最香港人
女車神李慧詩
李慧詩身上呢套英國品牌 Kent＆ Curwen設計嘅隊服，被《時代周刊》選為全球最差，似空中服務員多過運動員！美聯社圖片
香港人，係鍾意撐番香港運動員，今年最感動位一定係「牛頭角女車神」李慧詩拎女子場地單車凱林賽銅牌，唔使經任何人批准啩？初賽失手要靠復活戰翻生，最後竟然拎到獎牌，四萬咁口咬銅牌嘅李慧詩，又的確比拎銀牌、仍悶悶不樂嘅中國隊郭爽更 cute更可愛！
最佳男主角
尼古恩+波爾
德國體操隊嘅波爾（ Philipp Boy）同德越混血兒尼古恩（ Marcel Nguyen），大隻得來又靚仔，一向抽插男人放巨胸 model相上 fb的女士，好似報仇咁報，齊齊 share肌肉男，加埋 A&F班紅色 boxer半裸大隻佬， fb近半個月都被裸男洗版，啤酒肚男士齊齊寫葡萄留言，超好笑！
波爾
美聯社圖片
尼古恩
網頁圖片
最佳女主角
科莫娃
最爛改圖
劉翔
欄王腳傷後單腳跳完全程、親吻欄架，中英歐美傳媒網友人人心中有個劇本，有人話慘、有人話假，中央電視台公開佢手術後的相片明明右腳受傷、卻包紮左腳，網民抽唔切水插劉翔扮傷，點知原來係央視出錯相。
最佳植入廣告
Monster耳機
平時睇 NBA、足球賽，球星賽總愛笠大耳機聽歌，其實佢哋都係收錢笠耳機賣廣告，香港極具人氣嘅 Monster beats，仲被奧委會立例禁止運動員配戴出場，但中國泳手孫楊竟然場場唔同色，愈禁愈戴！
最差旁述
李思雅
網頁圖片
前香港網球代表李思雅轉戰娛樂圈，喺高登神劇《天與地》中演 Cloris一角，深得網民力捧。但體育觀眾插佢做旁述時，欠缺知識、講廢話、重複同事見解，不斷講：「嘩！好嘢、好勁！」，唔想再聽佢把聲咁話！
最洗腦廣告
應肚即飛
網頁圖片
兩年前世界盃有安仔「尖尖尖」牙刷歌洗腦，今年無綫就有慢動作氣功「應肚即飛」，高登仔覺得慢動作極假，加上個題目同高登潮語「中出即飛」相似（不戴避孕套進行性行為，之後馬上跟女生分手），即成恥笑對象。 
留言列表
{{ article.title }}
