「陳定邦」的名字，有「定國安邦」之意。

香港著名金剛上師陳果齊，於三十年前為獨生子改名陳定邦，不望他飛黃騰達，只求他做個正直好人，秉承「尊師重道敬父母，守望相助愛公益」的宗旨。結果，陳定邦二十八歲便自設工作室，為人占卜算命批八字勘察風水，更擔任玄學術數講師，開班授徒，各大小傳媒都見他的蹤迹。

少年得志，卻非受盡父蔭。

陳果齊昔日的嚴苛，造就了今日兒子的成就。

香港著名金剛上師陳果齊，在四十歲時才誕下兒子陳定邦，他直言已預知了兒子的人生歷程，故必要時才會作出提點。

陳果齊對兒子要求嚴苛，為免兒子被寵壞，十三歲時便將他送到外國留學。

出國學獨立

作為著名金剛上師的獨生子，陳定邦自出娘胎便備受萬千寵愛，陳果齊為免兒子被寵溺，寧願日思暮想，也要把十三歲的兒子送到美國留學，讓他學會自立，直至他在澳洲大學畢業才返港。陳果齊正襟危坐地說：「我唔係叻，唔係有錢好巴閉，但全世界數以十萬計嘅人都知佢係我個仔，自然乜都會幫佢、錫佢，所以送佢去外國讀書，磨練一吓。西方哲學有句說話：『Easy come easy go』，畀佢太容易得到一樣嘢，佢係唔會珍惜嘛。」然後側側頭望向身旁文質彬彬的兒子。

陳太作風低調，訪問當日即使在場，也婉拒記者的提問，僅專心做陳上師的賢內助。

在嚴父的教導下，陳定邦自幼必須學習畫畫及功夫，能文又能武。

陳定邦聳聳肩緊接着說：「因為我係師傅（陳果齊）個仔，細個留喺香港肯定縱到壞。我去咗外國，爸爸都只係寄好少錢畀我，啲錢夠交租o架咋，我咪喺嗰邊打工搵錢囉，廚房、洗廁所我都做過；爸爸媽咪都知o架，佢哋話好事嚟嘅。因為喺佛堂會見到好多唔同階層嘅人，我如果未經歷過呢一個地步，未必可以同佢哋傾到偈，亦唔會明白佢哋嘅諗法。」

爺爺是抗日名將第十九路軍師長陳任之將軍，父親是金剛上師陳果齊，陳定邦自幼飽受磨練，「有一段時間，爸爸係唔係都鬧咗先，有時有啲嘢擺到明可以幫，佢都特登唔幫，等我撞吓板、衰吓先。其實呢個係佢教我嘅方式，咁先至令我學到更多嘢！」