𡃁模抽水
A＆F揼本，宣傳攻勢迫爆中環。第一天（ 8月 3日）的造勢活動上， Jeana、 Phoebe和其師妹 Cassie等都要抽吓裸男水，除摸肌及攬腰等動作外， Phoebe仲俾人錫到 high晒。
威而鋼
美影自慰比尺寸 揭 A&F裸男秘史
美國服裝品牌 Abercrombie& Fitch（ A&F），上週六（ 11日）於中環畢打街的旗艦店正式開業，近百名紅褲肌肉男赤裸上身谷盡宣傳，一班港女瘋狂兼嗒糖。
雖然港女狼死，但型男任摸任攬冇 say no，上週六（ 11日）開幕當日更吸引近 2千人排隊。 A&F型男件件嗒得杯落，絕對係揀手貨，但今年 6月，卻有美國傳媒報道一名美國男模鮑爾斯（ Benjamine Bowers）控告 A&F的官司，想做模竟被要求做出猥瑣行為。
令唔少港女喪排的 A＆F限量攝影集《 Quarterly》，真係有價有市，現炒至 2,000大元。
A&F宣傳攻勢造成一陣騷動，開張當日更動用 100名紅褲型男催谷，為了第一時間潮聖及攞限量巨型寫真《 Quarterly》，不少潮人不惜半夜三更在門外通宵排隊。
通宵為寫真
上週六（ 11日）， A&F香港旗艦店於中環正式開幕，引頸以待的少男少女一早在門外守候。由於當日頭 50名入場人士可獲得 A&F限量版影集，有人不惜瞓街以得到心頭好。鋪頭於當日 11時正式開門，少女一路大叫兼奔跑入鋪。場內雖不准攝影，但 fans懶理照樣偷影型男。難得各型男都好識做，於店內隨着音樂一邊逢人「 say hi」、一邊扭動肌肉身體，唔買衫齋睇肌男都飽。
6月 15日，美國新聞網站 TMZ報道 A＆F員工，模特兒鮑爾斯控告 A＆F及模特兒經理人希爾伯恩（小圖）要求他手淫。
控告 A＆F的男模鮑爾斯不時上傳半裸照到 facebook騷肌。
索償百萬美元
香港風光開張，但原來早於今年 6月，美國新聞網 TMZ及多間外國傳媒報道，任職美國 A&F店鋪職員的鮑爾斯，在 A&F廣告選角總監介紹下，認識了模特兒經理人希爾伯恩，並安排鮑爾斯拍攝相集，豈料該經理人要求鮑爾斯手淫，其後經理人更除褲跟男模比下體長短。鮑爾斯感羞辱，於是入稟法院控告 A&F和希爾伯恩，索償約 780萬港元，事件至今仍未完結。
開幕封港鐵
共佔 4層的 A＆F總店，開張當日（ 11日），由於人太多，出動警方控制人流，更要將港鐵 D2出口改為不准進入，港女敢摸裸男，但一做訪問即四散。
美國仔遭人羞辱，但今次 200名模特兒中只有 6名本地模，揀模要求高，原來 A&F連聘請職員都嚴格過人，雖然普通收銀員只係時薪$40，但亦要經要經過面試和小組討論，性格外向兼熱情先有機會揀中。至於有幸成為 A&F裸男的代表，剝衫價更過萬，其中最強人氣港模 Arnold說：「預咗俾人摸，呢啲喺外國好平常啫！」俾女圍幾時都風騷啦！
菲律賓 Almond 14歲
「我同朋友嚟咗兩日，香港好少見到咁多外國型男，見到好興奮，連阿媽都好羨慕我。」
新西蘭 Octavia 17歲
「我喺澳洲讀書，因為暑假返嚟香港，咁啱見到 A＆F開張、又咁多靚仔，當然要嚟睇啦！我已經嚟咗兩日。」
港模剝衫價過萬
海外裸男新鮮空運到港，住 W hotel日日狂操肌。港模更煞食，畢業於喇沙中學，現於英國讀書的 Arnold接受訪問時表示：「其實喺香港揀咗 200幾人，最後只揀 6個。（啲港女好瘋狂喎！）佢哋 ok啦，只係熱情。其實俾女摸好正常啫，外國人好多都係咁啦！我哋係一個 package咁計，好過做廣告 model，都有 5位數字㗎！」賺得多，付出多啲都好正常啫！
8塊朱古力
做得 A＆F裸男個個身形有番咁上下，其中香港代表 Arnold身高都有約 6呎，加埋 8嚿腹肌兼任摸任攬，難怪成為人氣 No.1模特兒。
港仔 Alex：街頭發掘
另一港仔 Alex雖然冇 Arnold咁受歡迎，但都是過五關斬六將先入到 A＆F裸男行例， Alex表示：「我係行行吓街俾 A＆F發掘嘅，之後就做咗 model啦！」
落力招呼
裸男在鋪面和顧客「 give me five」是指定動作，而 Arnold當然唔會揸流攤，不停揮手迎賓。
微博晒仔
甘國亮於上週六都去撐場，還在店內跟金髮裸男合照，還放上微博晒命。
$2,140做 A&F型男
要做 A&F的裸模當然唔易，樣靚身材正之外，仲要接受特訓和吃特別餐，但要着到和他們一樣就絕對唔難。在 A&F店內可買到和型男一模一樣的服飾，只需$2,140，你都可以變身做 hot guys。
點先做到 Hot Guys？
•成功推薦男模的中間人可獲 50美金（約 375港元）
• A&F派出「星探」在潮點如 ifc搵猛男
•每日兩次鍛煉，開工前做一小時全身負重訓練，晚餐後做 2小時修身訓練。
•注意飲食，食高蛋白質食物，要低碳水化合物和零脂肪。
•收銀員時薪$40，兼職，當然唔使剝。
• 10名應徵者一組，要自我介紹及回答 4條問題（ 1.「用 3個字形容 A&F」 2.「你怎樣界定『差異（ Diversity）？』 3.「朋友點形容你？」 4.「你最強同最成功係乜？」），過程大約 45分鐘。曾有靚仔全身着 A&F，問非所答照 pass，亦有答得認真但打扮老土落選，可見都係「睇樣」。
•每星期最多工時 18小時，有正職都可加入。 
留言列表
{{ article.title }}
