FACE weekly

蒙太奇女子　蔡卓妍 Sa

2012年08月15日 ~~ 第273期 Face

除去雙生兒 Twins名字，阿 Sa蔡卓妍單飛出碟第 7隻。最新大碟《 Montage》，音樂及形象都換上新班底， Eric Kwok監製充當人生教練、新晉造型師馬天佑擔當 art director（同為 Kary吳雨霏新碟《 My January》形象總監），一拍即合，封面街拍及古董車相仲靚到以為英國影，耳目一新！
街景更貼緊群眾來得更真實、自然。就像法語 Montage（蒙太奇）是剪接重組敍述的意思，將不同時間、空間的阿 Sa聚合，搵番真正自己！

今次《 Montage》新碟那首歌最令你毛管　？




有 3隻歌錄嘅時候都喊咗出嚟，〈明明〉講愛情，〈鬆弛熊〉係近年看到傳媒報道有感而發的黑熊故事，牠們要被虐待多年迫出膽汁，我以熊仔第一身控訴人類的自私，〈狗恩歌〉講狗狗，家裏有 5隻玩具貴婦， 3隻小朋友中秋節出世分別叫月餅、冰皮、碌柚，爸爸叫荔枝、媽媽叫朱古力，狗仔陪住主人過渡 ups and downs的無私奉獻！

到十年後拍續集《我老公唔生性》，去唱 K也是最愛唱伊健那首飲歌？




唔經唔覺已經 10年喇，原班人馬再度合作，竟然好似冇變過咁！一埋位即刻撻得着，好似真係過咗 10年夫妻生活咁。戲中講很多相處問題導致婚姻危機，最真實嘅社會問題係 𠵱家啲少女細細個已經好成熟， 20歲已經講要去 speed dating，男生又少，競爭更大！，我唱 K最愛唱懷舊歌，我更會扮聲唱伊健首〈甘心替代你〉，勁好笑！

過去唱片封套多在影樓影，今次玩 outdoor街拍貌似外國，但實情是在中環那處？


哈哈哈……係咪呃到人似外國影呢，其實只係中上環街頭。經常喺 studio影 pose靚相好悶，所以我主動想出吓街影。着住 6吋高 Mugler鞋（小圖左）行街，真係差啲仆倒。因為冇封街，仲俾圍觀路人影到添！影嘅時候一路行一邊傾偈最自然，由早上皇后大道中影到最後夜晚喺上環必列者士街的車上。







如果有假期最想去邊？




嘩，真係好似冇放過長假，梗係想去歐洲啦！埃及、希臘、羅馬、百慕達三角洲、智利復活島……一定要多古蹟有歷史睇嘅地方。嚟緊會出 trip去英國，希望可以抽到時間去到大英博物館，好想睇木乃伊！
以前淨係識得做嘢， schedule排得密麻麻，從來沒有私人時間，更沒有假期，回想起中間 5、 6年更係冇咗記憶，忙到一片空白。 𠵱家人大咗心反而覺得要平衡唔可以齋做，所以晚上沒有工作就約朋友食飯、唱 K、盡情玩！

撰文：侯詠祺
攝影：謝耀恆

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄