無綫《香港先生選舉》雖已決定今屆破例招待兩性觀眾入場，但昨日仍遭關注男士權益組織狙擊，到平等機會委員會投訴「貶低男士」、「賣弄不良訊息」。黃秋生則指只准女性入場的傳統，連「脫衣舞騷」都不如。

秋生直指倘只准女性入場睇港男，就連「脫衣舞騷」都不如。

黃秋生昨晚往演藝學院睇騷，對於無綫港男只招待女性入場的傳統，他笑言：「有啲咁有趣嘅事？好似加拿大睇脫衣舞騷，只准女性入場呀？不過人哋都准帶男性朋友入去噃！如果TVB可以從善如流、接受意見就最好，如果唔係就怪怪哋，好似有秘密咁！」

(10)翟威廉攞獎咀欣欣

而昨日香港男士關注組、平等公義協會及愛護家庭家長協會代表，在立法會議員王國興協助下到平機會投訴，被問到無綫已決定改例招待男性觀眾，王國興表示：「無綫有改善固然好，但我哋投訴嘅係已經發生、涉及違反平等嘅事實，所以會照樣投訴。」

十位候選港男昨日出席《第一屆「魅力財俊」獎》，獲獎(10)翟威廉說：「我對有團體投訴冇意見，女嘉賓都唔會摸參賽者敏感部位，冇乜所謂，節目係玩嘅形式。（介意現場男觀眾？）做騷架！你嚟睇我就開心。（有指之前幾屆啲冠軍都提升唔到男士形象？）冇評價。」

(10)翟威廉獲獎，贏得向評判江欣燕送吻機會，他照錫不誤。

十位港男操到fit迎接決賽來臨。

陳倩揚帶姊妹撐場

(3)黃田麒則說：「男人入場睇？好怪，睇電視啦！（怕被摸？）個節目外地會播，香港都唔想畀人睇到男仔摸男仔。（女仔摸就得？）都怪！握手就得！」

前港姐陳倩揚亦呼籲各界抱輕鬆眼光去睇節目，她說：「當party咁睇，之前幾年啲反應都幾好，今年我會帶姊妹撐場。」被問到張舒雅是否情變至謀復出？陳倩揚說：「應該冇喎！我唔知佢復出日期，但佢一直都咁開心、樂觀。」

秋生踩港男如脫衣舞騷

備受爭議的無綫《香港先生選舉》，未有因破例招待男觀眾而甩難，不但被黃秋生以「脫衣舞騷」來譏諷，還被關注男士權益組織投訴！

曾以「妓女上街」妙論o靚模入書展的黃秋生，昨晚到演藝學院睇騷，問到對無綫港男只招待女性入場的看法？他語帶譏諷說：「有啲咁有趣嘅事？好似人哋加拿大睇脫衣舞騷咁呀？只准女性入場？但人哋都畀帶男性朋友入去o架噃！如果TVB可以接受意見就最好，如果唔係就怪怪哋，好似有啲咩秘密咁！（睇直播？）我呢輪放緊假。（陪個仔？）陪邊個都好，好攰呀！但又想學揸艇、揸飛機，想考牌，我肥咗廿磅，要減，好似有朋友想Sponsor，可能會試。（性感拍廣告？）我性感唔起，感性啦！」

(3)黃田麒認為有男觀眾入場睇，感覺怪怪的！



陳倩揚今年會帶姊妹捧港男場。

(10)翟威廉奪獎後，向評判江欣燕獻吻。

(10)翟威廉攞獎咀江欣燕

而香港男士關注組、平等公義協會及愛護家庭家長協會代表，昨日在立法會議員王國興陪同下拉大隊到平機會投訴，要求正視節目中「貶低男士」及「賣弄不良訊息」的情況。對於無綫改例招待男觀眾，王國興說：「無綫有改善當然好，但我哋投訴嘅係已發生、涉及違反平等嘅事實，所以會照樣投訴。」

議員投訴港男選舉性別歧視無綫企硬堅持全女評判

無綫《 2010年香港先生競選》將於本月 21日舉行，不過昨日立法會議員王國興與香港男士關注組、平等公義協會等代表到平機會抗議，指節目貶低男士和性別歧視。無綫表示全女班評判和觀眾是節目的特色，會堅持原有做法。

其他娛樂名人影片

香港男士關注組、平等公義協會及愛護家庭家長協會的四位代表，昨日早上在立法會議員王國興的陪同下，往位於太古城的平等機會委員會投訴，希望對《 2010年香港先生競選》內容作出調查，及只容許女性出席及擔任評判，涉違反性別歧視條例。他們表示過往曾經多次向無綫反映，希望可以安排男觀眾到現場欣賞比賽，不過最後只獲安排在戶外欣賞直播。

放大圖片

立法會議員王國興（右二）率領香港男士關注組、平等公義協會及愛護家庭家長協會代表到平機會，投訴港男選舉涉歧視。

放大圖片

十位候選港男昨日晒冷現身，無綫指全女班評判和觀眾是港男選舉特色，將堅持原有做法。

「投票唔分男女」

王國興等人重申無意在比賽當晚於場內抗議，但至今仍被拒諸門外，所以會考慮適當的表達，例如在公開場合上，向無綫索取入場券，又或者到無綫門外作出抗議。無綫外事部副總監曾醒明對此說：「我哋喺奧海城同圓方嘅戶外直播場地，會招待所有觀眾，節目喺網上同電話投票亦唔會分男女，我哋將意見轉達畀有關部門，不過製作部認為全女班係節目特色，所以堅持原有做法。」至於十位候選香港先生昨日在尖沙嘴舉行宣傳活動，對於有團體抗議比賽有性別歧視之嫌，問 10號翟威廉會否覺得全女班評判的比賽制度不公平？他說：「呢啲係無綫嘅政策，每個人都有自己嘅立場，參加比賽就要跟足規矩。」3號黃田麒對此說：「如果有男性入場做觀眾，雖然覺得好怪，但係我唔介意安排走去啲男仔面前，但係摸身摸勢就唔好，呢啲同性別歧視冇關係，如果發生男仔摸男仔，傳到去其他就唔係咁好。」有代表指參賽者為取悅女評判而被她錫手，似侮辱男士尊嚴，黃田麒說：「喺外國握手及錫手屬平常事，咁咪話佢哋有侮辱成份？」採訪、攝影：何慧斯若讀者知道今屆入圍港男的底細，歡迎電郵至 mailto:adent@appledaily.com報料。


10號翟威廉昨日奪得魅力才俊獎，獲江欣燕批准錫面當賀禮。