見到佢（蕭正楠）已經忍唔住笑！真實對白
29歲的苟芸慧入行短短三年，已經是宅男女神，在電視城內更是電力十足大受男同事歡迎。
封面
蕭正楠背正印力溝 苟芸慧嗲暈 5小生
假大眼 V煞面間尺鼻人工乳，國產妹來勢洶洶，連環迷暈一眾電視台小生。呢個人心北移趨勢近排終於有機會扭轉。
據知，正被無綫力捧的 29歲加籍台灣妹苟芸慧，一年來連拍六部劇集，但最叻係苟姑娘電力強勁，求搭順風車求撐 枱腳求照應，合作過的男對手上至台柱鄭嘉穎、陳豪；下至二線蕭正楠、梁烈唯無一倖免先後被電，唔只接棒做花旦，繼上一代姣佘佘詩曼離巢北上後，極有潛質接力登上新一任電視台姣精寶座。
三年前甫出道，五官精緻身材豐滿的苟芸慧，迅即迷倒全城宅男登基做女神。不過回港兩年就同港男奀星羅天宇拍拖，女神名花有主形象亦專一。今年二月，二人宣布為搏殺事業和平分手，廣東話大躍進又減肥成功的苟姑娘獲力捧，劇接劇對手男角轉完又轉，即時緋聞不斷，真性情浮出水面。
交換電話
據悉《怒火 2》拍攝期間，有工作人員目睹鄭嘉穎、苟芸慧交換電話、態度親密，拍完熱吻戲後更吻出真感情。
胸頂嘉穎
《怒火 2》慶功宴，鄭嘉穎背對「舊愛」胡杏兒，選擇同苟姑娘貼胸碰杯。
秘交鄭嘉穎
上月中，本刊踢爆苟姑娘拍住華姐小師妹倪晨曦、韓模蔡恩真組成搵食三小花，登上楊受成幼子楊政龍遊艇拓展富二代社交圈；五月中，苟姑娘辭演港產片《喜愛夜蒲 2》，又被報道真實原因是肆無忌憚向導演錢國偉放電，辣 㷫錢國偉正印女友陳苑蔚被迫易角。
據知情人士透露，甩拖後的苟姑娘除對外交遊廣 濶，在電視城開劇期間，一樣施展電量無限，不只拍攝《怒火街頭 2》一場熱吻搞到當家小生鄭嘉穎心動，現時正式踏入秘交階段，面對苟姑娘無限電力，其他男星亦難把持得住。
撩蕭正楠
拍攝《仁心解碼 2》，有傳苟芸慧向對手蕭正楠主動約食飯、約搭順風車，電暈拍檔。
瞞正印
死口唔認有女友的蕭正楠，多次被拍到與何傲芝二人世界，有傳二人已共赴同居。
撩送返香閨
上月中，記者在楊政龍社交網絡，發現其富二代船 P竟然有苟姑娘蹤影，苟姑娘就否認交朋友講條件。
據知情人士透露，雖然已經有同居女友何傲芝，先後在《當旺爸爸》和《仁心解碼 2》中做對手戲的蕭正楠亦抵受不住電力：「苟姑娘真係好識得引男同事注意，唔理佢 哋有冇老婆同女朋友，劇本 啲廣東話佢唔識讀，好鍾意捉實蕭正楠、曹永廉 嚟問，放飯又會主動黐實佢 哋一齊去食，阿廉表現得好有禮貌來者不拒，蕭正楠就擺明被佢電親。試過一次收工，苟姑娘用半鹹淡廣東話問佢：『你係唔係車我返屋企先？』咁樣被要求，男仔好少拒絕。蕭正南中晒招，仲同 friend話女神都主動撩佢，暈晒大浪！」
週一（ 13日)，記者致電蕭正楠求證傳聞，蕭正楠例牌否認：「吓？我冇送過佢返屋企喎。（被苟姑娘電親？）佢咪同其他女 artists一樣，我唔覺得有咩特別，我 𠵱家兩兩套劇開緊，有時間都會攞 嚟 瞓，唔會有精力送人返屋企。（係唔係怕女朋友何傲芝詐型？）我就從來冇認過我有女朋友。」
至於女主角苟姑娘，套套劇都傳緋聞，大條道理話單單都係宣傳：「吓？我同蕭正楠好耐之前識，都有傾偈有聯絡，點姣佢呀？根本我見到佢已經忍唔到笑。同鄭嘉穎 嘅緋聞，我當係宣傳。《喜愛夜蒲 2》話我姣 Wilson，我都覺得好好笑，雖然冇份拍都幫手宣傳吓啦。我唔理人 哋講乜，我淨係想做好自己 啲工作，希望觀眾可以睇到三年前 嘅我，同三年後 嘅我有咩唔同。」有咩唔同？廣東話繼續甩甩咳咳，時肥時瘦，緋聞表就愈加愈長囉！
前度讚：有人鍾意佢一啲都唔奇！
有傳跟前度羅天宇拍拖期間，苟芸慧曾一腳踏兩船秘拖一外籍男，據知兩人仍保持往來，雖然前女友被指放電，但曾跟苟芸慧拍拖兩年的羅天宇有風度力撐：「吓？我冇聽過喎！佢唔係咁 嘅女仔，一定係 啲報道亂寫佢。我覺得佢係一個好好 嘅女仔，又咁靚女，有人追佢鍾意佢一 啲都唔奇。」 
搬新竇
今年 2月，苟芸慧與港男羅天宇分手，搬離同居竇日出康城（右小圖），獨居於上環高街。
電勻電視城
除咗鄭嘉穎同蕭正楠，據知被苟姑娘電中的還有筍盤陳豪、已婚曹永廉及勤力仔梁烈唯，連肥監製錢國偉都成為目標，苟姑娘電力勁過福島核電廠。
我唔使姣人！真實對白
週一(13日)，苟姑娘出席《怒火 2》宣傳活動時，表示傳緋聞當宣傳：「我淨係會做好自己，唔使姣人，呢 啲都係宣傳 嚟 啫。」
肥監製捱鬧
五月開鏡的《喜愛夜蒲 2》，有指女主角苟芸慧因為放生電，被導演錢國偉女友天使妹陳苑蔚勒令易角。
坐埋一凳
連有仔有女又有老婆的曹永廉，慶功宴時苟姑娘亦不避嫌貼住大髀黐住坐同一張凳，性格確係比其他女演員主動。
讚唯唯多優點
週日(12日)大結局的《飛虎》，苟姑娘與梁烈唯演一對，苟姑娘亦公開表示曾喜歡上唯唯：「佢細心認真又搞笑，佢 嘅優點我可以諗到一百個，拍劇時我都有少少鍾意 咗佢。」
視帝留咖啡
年初在橫店拍攝《金枝慾孽 2》，苟姑娘投其所好向陳豪求教沖咖啡，果然得到陳豪另眼相看，給苟姑娘留下大量私伙咖啡用具。
鄉音組咪睇小
近年港姐質素年年被彈，當選後少有發圍，反而一眾美加回流、鄉音未改 嘅華姐，年年總有外形氣質一樣出眾 嘅新秀彈出，拍劇做騷受重用，感情生活亦出招快狠準。
廖碧兒
01年度華裔小姐冠軍，一出道即在《皆大歡喜》飾演公主，還與拍檔劉愷威戲假情真。迅即成為當家花旦的廖碧兒 04年與無 綫筍盤陳豪相戀，六年後分手搭上富二代林忠豪。
《忽然 1周》圖片
《忽然 1周》圖片
楊秀惠
04年參選華姐後加入無 綫， 07年主演《 Click入黃金屋》與男主角孫耀威相戀。分手後楊秀惠感情生活一樣繽紛，繼與金融才俊 Ray相戀後，現時與居住半山的 Y先生相戀。
陳法拉
《壹週刊》圖片
05年華姐亞軍，出道第二部作品《師奶兵團》以比堅尼推油狐狸精角色上位。入行七年，唔只係當家花旦，亦一矢中的釣得 Neway大太子薛世恆，有傳二人一早秘密註冊。
倪晨曦
06年國際華裔小姐前五名，在多倫多參選期間流出與表演嘉寶黃宗澤親密合照，去年回港發展，即被發現與楊受成次子楊政龍密密約會，關係非一般。
明日花旦
苟芸慧在台灣出世，多倫多長大， 09年參加中華小姐選舉來港並簽約無 綫。雖然發音不正又沒有正規演技訓練，依然獲重用，委派主持《戀戀沖繩》、《為食總司令》等高收視節目。 10年在《情人眼裡高一 D》處女登場後，劇齡僅僅一年的苟姑娘，最新代表作係半路殺出加入重頭劇《怒火街頭 2》，飾演 Law霸醫生妻子，使橫手破壞鄭嘉穎、胡杏兒戀情。
’04中華小姐冠軍
《怒火街頭 2》
留言列表
{{ article.title }}
