大少（左一）同陳敏之（中），仲有 YoYo邊食邊講笑，其間大少忽然企起身揸實陳敏之衫領，陳敏之當堂碌大對眼，唔知點反應。
FBI
法拉又睇唔實 Neway大少揸陳敏之衫
由吳鎮宇同陳法拉 孭飛 嘅《衝上雲霄 2》 啱 啱開鏡，上星期五晚， FBI喺中環撞見法拉同「 Sam哥」，仲有 Chilam等人拍外景。
法拉拍劇拍到天昏地暗，老公薛世恒惟有自己搵節目。第二晚 FBI去九龍城食宵夜，咁蹺就 喺獅子石道一間日本餐廳撞見 Neway大少薛世恒，同一班 TVB藝員包括陳敏之、王浩信同陳自瑤等人包場食飯， FBI仲見到薛大少同曾傳因拍《東西宮略》同法拉不和嘅陳敏之玩得好埋，除 咗成晚黐埋坐有講有笑，飲大兩杯 嘅大少仲忽然一手揸住敏之衫領，又不斷咬耳仔，俾法拉知實扭耳仔。
之後 FBI打畀王浩信了解，佢話因為多年前佢係 Neway Star旗下藝人，所以佢同大少熟 咗，「因為 YoYo（老婆陳自瑤）就 嚟生日，所以大少咪請我 哋食飯慶祝。」至於法拉點解唔見人，王浩信就話法拉因為忙唱片工作，所以 嚟唔到。最後 FBI見大少同敏之各自返屋企冇下文，法拉可以放心嘅！不過忙還忙，都要抽吓時間陪老公囉！
激動揸拳
當晚飲 咗唔少酒 嘅大少忽然舉起拳頭，陳敏之即刻望實對方「 O」嘴。
耳邊私語
大少同敏之全晚都傾得好埋，之後大少仲索性坐埋敏之隔籬同佢咬耳仔，而坐敏之側邊 嘅 YoYo就識做冇出聲，扮搭 枱。
煙癮發作
飯局中途，大少（右）同王浩信（左）仲有黃長興（右二）等行出餐廳外扯煙。
當晚出席飯局 嘅仲有前港男袁偉豪。大少鍾意同 TVB藝員黐埋玩， 喺袁偉豪（左） 嘅 instagram內亦發現佢上載 咗張同大少（左二），仲有黃長興（右二）一齊游水相，上載日期就係上星期六，即係飯局當日。（網上圖片）
上週五（ 10日）法拉為《衝上雲霄 2》到中環拍外景。其間「 Sam哥」吳鎮宇更導演上身，教法拉做戲。
留言列表
{{ article.title }}
