今次周秀娜抱抱花田寫真之旅，三日兩夜行程係咪同班龍友對足 72小時？非也，其實 7位模特兒懂得忙裏偷閒，體驗一下盤龍峽純樸簡約的生活。我們還潛入 Chrissie房間…… 7模凌晨原來正在開 P！文：肥腸攝影：韋迅鳴謝：康泰旅行社
其他副刊影片 透明天幕床上看星 放大圖片 
■周秀娜不但帶你遊盤龍峽，仲帶你遊佢間獨立房。
度假與旅行這兩個詞，其實有少少分別。旅行通常都會狂食狂玩，搞到身心疲累先捨得走；相反，度假的目的旨在輕鬆，遠離工作壓力。因此度假村的住宿環境非常重要， Chrissie在盤龍峽的第一個介紹，就係帶我去佢間房……正！今次入住的盤龍峽生態旅遊區度假村， Chrissie第一時間帶小記睇吓佢張床，心想：「咁刺激？」無錯，係我心邪咗。其實呢度房間分酒店式房間以及獨立屋式房間，而一間獨立屋分上下兩層， Chrissie住喺上層更加有透明天幕，讓你可以躺在床上看星星，好嘆！
放大圖片 
■面對鏡頭， Jeana和 Betrys出盡 o靚模入門招數。
放大圖片 
■ Chrissie忙裏偷閒，於露台曬太陽，真嘆！
夜叫外賣手撕雞送啤酒
房間大除咗好瞓，用嚟開 P真係一流！ 7位 o靚模就喺第一晚示範「返房偷食」！度假村外其實有好多地道食店，但由於度假村規定，一旦住客離開度假村範圍，要返入嚟就要再次畀錢，每位$103.5，相信住客即使肚餓都唔會走出營地外。不過，外面叫外賣入嚟就例外，所以 7位美女就喺房間叫咗個小菜套餐做消夜，包括有當地著名的泥煨雞、山坑魚、竹嵩粉、油菜及啤酒。泥煨雞用的是走地雞， Chrissie食過後讚雞肉結實而滑嫩，還說：「泥煨雞我之前聽得多，這次終於可以親手撕裂嚟食……哈哈哈！」說完自己爆笑笑到碌喺床上， Chrissie食雞都可以用「撕裂」形容，難怪如此受宅男歡迎。至於山坑魚，咪俾個名嚇親，其實係指山溪中的魚，由於山上溪水清澈，魚的質素因此較好。竹嵩粉的製作繁複，關鍵是米漿放入平鑊蒸熟時，不能鋪得太厚或太薄，否則影響質地。冷卻後放在竹面上風乾，切碎上枱時竹嵩粉再混入醬料食。是夜 7模外賣消夜，四餸一啤加埋盛惠$172.5，除開每人只$24.6，抵食！
放大圖片 
■ 7位 o靚模酒店房食消夜，一齊品嚐地道小菜。
放大圖片 
■泥煨雞、山坑魚及竹嵩粉是盤龍峽三寶菜式。
放大圖片 
■竹嵩粉製作繁複，混入醬料吃，味道特別。
放大圖片 
■廚師烹調技術不俗，惟獨條魚太多骨，銷情一般。
6個籃球場大薰衣草原 放大圖片 
■攝影團團友 Andy為 Jeana拍攝的作品，更大讚她友善又專業。
正如之前所講，度假係要 relax，所以度假村內的「遊山玩水」活動一應俱全。先講遊山，度假村山上有多個風景區，位於小龍灣上的水壩，就係一個清幽地方，儲水庫上還有幾間獨立屋，你話如果可以喺度住一晚就好了……不過，傍晚於水壩上，可能會隱約聽到音樂聲……唔使驚！唔係怪談，其實係住喺水壩嘅看更哥哥在聽收音機啫！薰衣草王國是度假村另一大賣點，約 6個籃球場面積大小的草園上，建有荷蘭風味的風車屋，這亦是攝影團其中一個拍攝區，令 7位 o靚模的相片，好有歐洲味道。可惜今次旅程之前，當地受暴風吹襲，令八成面積的薰衣草園受損，惟有靠攝影師技術搭夠。
放大圖片 
■薰衣草園建有風車屋，很有荷蘭風味。
放大圖片 
■三十幾度高溫， Dada一樣表現專業。
放大圖片 
■ Betrys在水壩靚景前謀殺了不少菲林。
放大圖片 
■ Dada和 A.Lin在山山水水之間，竟忍不住唱起山歌！
勇士漂必濕身 放大圖片 
■勇士漂$159、逍遙漂$78
由水壩坐五分鐘車下山，就有一個橡皮艇激流。每日早上 10點半開始，水壩開閘增加溪道水流量。水上激流分勇士漂及逍遙漂。顧名思義，勇士漂較為刺激，必然濕身，玩家最好準備定泳裝，無準備的話，起點都有店舖賣泳衣，不過你着緊嗰套衫，就會俾個透明膠袋你袋起，然後一邊玩激流一邊抱實袋衫，勁尷尬！入黑之後，村內很多活動會陸續關閉，度假村主張住客遠離繁囂，房內沒有上網服務。晚飯後有咩好做？睇歌舞表演都是不俗的娛樂，餐廳旁有一大片草地，搭建了一個簡單舞台，感覺就像胡士托音樂節，不過係藏族版，由藏人表演傳統舞蹈和音樂。現場所見，攝影團不少團友都睇得相當投入。
放大圖片 
■歌舞表演於晚上 8時半開騷，免費入場。
放大圖片 
■激流旁有很多店舖售賣當地特產。
Sexy Chrissie 放大圖片 
溫馨提示：由於度假村午夜後，所有食店和小賣店均已關門，住客最好事前準備定小量糧食，以免晚上肚餓又被斷水斷糧。
Travel Memo
持有效回鄉證或卡均可。中旅社： 2853 3533「周秀娜抱抱花田寫真之旅」只此一團，不過錯過咗亦唔使揼心。因為今次試驗團反應好，康泰及模特兒公司正計劃於 11月添食，地點有待公佈。康泰平時的廣東盤龍峽 3天團則由$1,219起。康泰旅行社： 2108 88881元人民幣兌 1.15港元（文中價已折算港元）220V，兩扁腳/三扁腳插座
放大圖片 
中國 廣東下周多雲有雨， 26-35℃ 
■房間設透明天幕，晚上可躺在床上觀星！\n
留言列表
{{ article.title }}
