1D五子個個青靚白淨，加上笑容鬼咁親切，好有鄰家男孩 feel。你睇吓佢哋有青春身形又好，真係着件 tee都靚過人。
西面
One Direction 陽光巴打淘
近年港女個個掛住追捧韓國男團，其實男團始祖英國都大把貨，而且隊隊都靚仔有型唔輸蝕。
好似去年尾出道的英倫 5人男子組合 One Direction（ 1D）， 90後超嫩口，加埋個樣好似 A&F男模咁陽光，最叻係唱情歌冧女，難怪處女大碟《 Up All Night》由上年 11月推出至今，全球大賣超過 1,200萬張，連倫敦奧運閉幕禮，都搵佢哋同班殿堂英國歌神 George Michael同 Take That一齊表演，寧買當頭起啦！
由 5個嫩口英國仔組成的 One Direction，入行經過係前年 5個成員各自參加 X-Factor（英國版《超級巨聲》），原本 5個仔都入唔到初賽，但最後大會見佢哋靚仔又 cutie，於是提議 5人組成一個組合再參加，之後大受觀眾歡迎，仲入埋總決賽。雖然最後攞唔到冠軍，但就被英國大唱片公司哥倫比亞簽約旗下，揚言捧佢哋做明日之星。
過億點擊
單曲〈 One Thing〉 MV年頭上載 YouTube，至今點擊率超過 1億 1千萬次，同 Lady Gaga有得揮。
攻美成功
香港時間 13號凌晨舉行的奧運會閉幕， One Direction跟 Spice Girls及 Take That等英國經典組合同台演出，夠晒威水。（網上圖片）
雖然 One Direction係一貫英倫 boy band所走的情歌路線，但 5個人勁有觀眾緣，有機會成唱片公司金蛋。為捧佢哋，仲搵埋曾幫 Beyonce監製唱片的猛人 Toby Glad打造， One Direction處男唱片《 Up All Night》，上年 11月推出，唔只即成英國大碟榜 No.1，今年頭進攻美國，一樣打入 Billboard大碟榜冠軍，連美國妹都畀佢哋俘虜。週日啱啱落幕嘅倫敦奧運閉幕禮， One Direction亦有份同 Take That等大師兄一齊上台表演，據知大會認為 One Direction外形乾淨，而且喺海外極受歡迎，希望佢哋能令其他國家更多留意英國。
隊友作反
英國男團受訓方法，唔似韓國咁嚴厲，要日日練歌及練舞十幾粒鐘，而且自由好多，正因為太多自由，班隊員變咗冇王管，好似最野仔 feel隊員 Niall Horan早前在西班牙度假時，就被影到同班水着辣妹開池畔派對，只得 18歲已經好似班球星咁風流。而另外 2位隊友 Louis Tomlinson同 Harry Styles仲誇張，最近傳出佢兩個因日對夜對做埋密友搞斷背。 One Direction難得咁快上到位，好心就珍惜前途生生性性啦！
隊中成員 Zayn Malik，媽媽係英國人，爸爸係巴基斯坦人，唔只係隊中最靚仔，而且一直冇負面新聞纏身，亦係最乖仔。
處女大碟《 Up All Night》全球大賣 1,200萬張，個勢咁好， 1D現正趕錄第 2張大碟，打算於 9月推出，但碟名未定。
X-Factor起家
網上圖片
前年參加 X-Factor時， 5個巴打嘅衣着好求其，但勝在樣夠 cutie又儍更更，有觀眾緣，攞唔到冠軍都有大唱片公司哥倫比亞睇中。
基味濃
網上圖片
Louis（左）曾承認同隊員 Harry（右）感情最好，由於 2人嘅行為極為親密，連影相都黐到實，唔俾人傳斷背至奇。
狂辣女
網上圖片
上月 Niall飛去西班牙歎世界時，就俾人影到佢攬住個水着辣妹喺泳池旁咬耳仔，之後仲滿場飛四圍辣女，似足初出道嘅 Edison。
仔仔一堂
英國同美國唔同年代都有唔同 boy band彈起，呢 2年除咗 One Direction外，仲有英國 5人男子組合 The Wanted及美國 4人男團 Big Time Rush，齊齊爭地盤。
The Wanted玩粗獷
Big Time Rush賣健康
留言列表
{{ article.title }}
