練到失聲！（真實對白）
欣宜在劇中要教飾演鬼魂的朱栢謙@朱凌凌如何穿牆，欣宜要踢腿跳舞又要拉筋兼唱歌，少 啲力水都唔掂。
小報告
票房升一倍 舞台劇明星潮
近年不少歌星、影視藝人進軍舞台劇，如欣宜、張敬軒、糖妹、羅仲謙等紛紛踩入劇團 crossover，話劇界終於有新衝激。
請歌星、藝人助陣無非為了谷票房，有劇團導演稱此舉可為票房帶來多一倍進帳，即使歌星、藝人排練需時又蝦碌失準都要照受；而欣宜、張敬軒等亦認為如今出唱片已冇錢賺，轉戰劇界反而是新出路，各有受惠，雙贏囉！
《一屋寶貝》已是第 5度公演，上次欣宜的角色是羅敏莊飾演。
鄭欣宜一向唱得，剛於週日（ 12日）完成劇團「演戲家族」的音樂劇《一屋寶貝》演出，首演舞台劇就做女主角，在劇中又跳又唱連演 6場，曾因排練過度而失聲，欣宜說：「我連返到屋企都要練歌，導演話我唱得唔好 嘅部分更晚晚練，結果失 咗聲，要食類固醇藥 嚟開聲，咁熱天氣都要戒飲凍 嘢，好在開騷前好得番咋。」
第一次演舞台劇，欣宜感到好大壓力：「我本身零記性，而套劇已經係第 5次公演，所以其他演員對套劇已經好熟，佢 哋成日要陪我排好多次。我發覺同拍電視劇好大分別，電視可以用剪接做到好有 mood，舞台劇就要靠自己，偏偏我又坐唔定又八卦，所以今次 嘅訓練對我好有幫助！以前 100個有 99個憎到我爆炸，家總算有 80個支持我，至可以達成演舞台劇呢個願望！」 
開頭欣宜唱唔到和音。（真實對白）
欣宜自小願望就是演 musical，《一》音樂總監高世章就話找欣宜參演，是因為她拍電視劇及唱主題曲好入屋，對票房大有幫助：「開頭佢有 啲和音唱唔到，佢好唔開心，點知第日返 嚟全部唱到晒，原來佢 喺屋企苦練 咗成晚，家乜 key都唱到。」
唱反調 同志導演：唔敢用大公司藝人
有人要靠明星助陣，但有人亦見過鬼怕黑，好似舞台劇導演、編劇兼演員關逸基（原名關逸揚）與不少藝人合作舞台劇，最廣為人知的是同志劇《我的基本生活》，羅仲謙、姜文杰和鄒文正都演過男主角。
他說用明星亦好麻煩：「曾同個男歌手合作，簽約前就乜都得，到宣傳時就乜都唔得，套劇有我攬住佢 嘅劇情，但唱片公司唔畀我用呢張相 嚟宣傳，連劇照都唔畀發，以後我都唔敢再用大唱片公司 嘅 artist囉！」上週五起他與做過歌手的李卓庭合演《二人戀愛》公演 3天，月尾上映的微電影《無忘．花》找來老牌演員吳耀漢，果然唔預大公司。
羅仲謙去年在《我的基本生活》演同性戀者引起極大回響，票房急升，被關逸基大讚。
今年《我》改由金牌大風旗下的歌星鄒文正擔正，關導演話佢眼大又靚仔，吸引唔少女 fans入場。《蘋果日報》圖片
簽約前就乜都得。（真實對白）
關逸基指請歌影藝人演劇是想吸納年輕觀眾而且非常有效，而舞台劇要用身體語言表達情緒，因此訓練演員是必需。
多一倍賣 6成
輪住做
歌影視藝人入侵舞台劇絕非得個講字，係咁意數數今年都有十幾個，愈演愈烈！
糖妹、張紋嘉《勁金歌曲》 6月 4場
連詩雅、董敏莉《波音情人》 7月 5場
尹子維、邵音音《飢餓藝術家》 7月 8場
夏韶聲、葉振棠《麗花皇宮》 7月 10場
羽翹《潮性辦公室》 7月 12場
張敬軒《我和秋天有個約會》 7~8月 25場
糖妹、張紋嘉《勁金歌曲》
連詩雅、董敏莉《波音情人》
陳啟泰、黃宇詩《仙樂飄飄處處聞》 7~8月 6場
鄭欣宜、鄭佩佩《一屋寶貝》 8月 6場
李卓庭《二人戀愛》 8月 3場
鄧健泓《神扒之間》 8月 8場
袁偉豪《失身 1234》 8~9月 6場
金燕玲《半生緣》 9月 5場
何韻詩《賈宝玉》 9月重演 13場
李卓庭《二人戀愛》
鄧健泓《神扒之間》
多產焦媛：邵音音講對白要執生
本港劇壇最多產的演員非焦媛莫屬，單單由今年 7月至 11月，焦媛就參演超過 5齣舞台劇。以為身為資深舞台劇演員的她會抗拒歌影藝人踏台板，但原來正正相反。
焦媛上週四（ 9日）演完《愛可以多狗》後接受訪問時話：「好多年前我已搵呢類藝人，對票房有幫助，觀眾未睇過佢 哋做舞台劇，會想有咁近距離接觸；水準上有導演 keep住唔怕變差！我 哋有個幾兩個月排練，畀佢 哋適應；雖然佢 哋有時做得好，但好難日日 keep到水準，好似邵音音喺《飢餓藝術家》場場都講唔同對白，我 哋都要即場改少少執生就番佢囉，但只要唔影響劇本就冇問題，佢 哋亦要留意重要 嘅台詞係唔可以錯，否則影響劇情，其餘磨合得好就冇問題！」
焦媛多產得有點嚇人，早前一連宣傳 4齣新劇她都有份演出，其中一齣同邵音音演對手戲；而現正上演的《愛可以多狗》（右下圖）她亦請了細蘇及 Otto等藝人踩界演出。
新紮火火：希望賣平啲
《愛可以多狗》導演兼演員火火（李家榮）演藝學院畢業後做電影演員，拍攝《新紮師妹》時認識森美，被森美邀請為《森美小儀歌劇團》任導演。他認為演員不應有階級及界限之分：「 喺外國演員就係演員，係香港至咁特別，所以只要覺得適合 嘅演員我就會用。可能因為票價貴，中產至睇得起，就好似高文化 啲，其實我希望做到票價再平 啲，令舞台劇更大眾化，歌影藝人收平 啲酬勞就好喇。」
火火正計劃找電影導演來執導舞台劇，希望增加舞台的電影感，吸納一班新觀眾。
火火獲森美賞識被邀請執導《加樽抽》，他更演埋一份扮模，自此火火開始導演舞台劇。
W創作社黃智龍：酬勞少過拍電影
W創作社創辦人黃智龍初辦劇團時並無起用歌手明星，自 03年起與林一峰合作《純情記》、 05年找來何韻詩演《梁祝下世傳奇》，他認為已吸納一批年青觀眾，但對歌手來說卻冇乜 着數，黃智龍解釋：「歌手演舞台劇要花 6個星期排練，其間做唔到其他工作，損失好大，而基於場地座位有限、場次少，佢 哋 嘅酬勞亦少過拍電影或演唱會，所以明星一定唔係為錢做舞台劇。」
黃智龍 99年成立 W創作社，初時以改編翻譯劇為主，直至 03年林一峰提出合作《純情記》，才發覺明星效應對劇團有正面影響。《蘋果日報》圖片
詹瑞文是舞台劇出身，但近年亦殺入電影圈和拍廣告成為跨媒體藝人，徒弟蝦頭（左）及泰臣（右）亦拍電影，增加知名度對舞台劇票房亦有一定幫助。《蘋果日報》圖片
為《秋天》除剩底褲 張敬軒：好「現代」！
好多 fans帶埋間尺嚟！（真實對白）
現正於演藝學院上演的《我和秋天有個約會》，除《春天》班底外，張敬軒更擔正男主角，一演就 25場香港話劇團更打正旗號用軒仔做宣傳，飾演歌手的軒仔有場只穿黑色 boxer的換衫戲，更勞動到保安員 𥄫實觀眾唔畀影相，保安超嚴密，軒仔都算為藝術犧性。
軒仔週日（ 5日）完場後接受訪問表示犧牲唔只咁少：「要閉關接近 3個月，連唱片都冇做宣傳，暑假好多商場騷亦推晒，好彩呢套劇 嘅主題曲收錄 咗 喺唱片入面，叫做宣傳 咗。除淨底褲 嗰場戲好『現代』 㗎，所有 嘢俾人睇晒咁，有 啲 fans帶埋間尺 嚟唔知度咩囉；真係好多 嘢犧性！」
軒仔又話接演舞台劇是有重大理想：「呢幾年不斷做演唱會、出碟，好似個人乾乾哋，難得導演搵我，係個好機會學吓其他 嘢！我覺得香港對舞台劇演員待遇唔好，佢 哋應該比我 哋歌手有更高 嘅肯定，我希望改變到大家 嘅睇法！我 啲 fans都未識睇 㗎，好多電話響又影相，要保安員去 delete啲相。」 
張敬軒演過《秋天》後又暗鬧無 綫同唱片公司關係差：「有 啲電視台去唔到，我需要做多 啲 嘢令自己影響力大 啲，亦希望吸引到內地注意，出年起要到內地發展（舞台劇）。」
《秋天》是《春天》的延續，昔日主要演員劉雅麗、羅冠蘭、蘇玉華、馮蔚衡等繼續演出，有一定吸引力。
導演操 fit軒仔
劇迷好評
《秋》劇吸引到好多軒仔歌迷入場，以前都未睇過舞台劇。
Calvin 21歲
個角色好 啱軒仔，演得好好，為睇呢套劇我睇番《春天》，但佢始終舞台經驗少，我畀 6.5分啦。 
Winnie 20歲
我係軒仔 fans，專登由廣州落 嚟睇 㗎！軒仔 喺劇入面要成日鬧人又要扮嬲，估唔到佢都演到，專登 嚟睇都值得！我畀佢 8分。
內地舞台劇有錢途
內地舞台劇亦有興起趨勢，據知最近由於贊助商縮皮，令演唱會等大型項目大幅減少，反而規模較小的話劇吸引到贊助商支持，北京及各地的話劇產量大增。
連劉德華都注意到北京話劇的可觀性，今年 4月引進了演出逾百場的《四世同堂》來港演出，為「劉德華慈善基金」籌款。華仔也說：「去看話劇就像看電影，現在是好適合的時機，去推動話劇！」連華仔都撐就知好 嘢啦！
劉德華話：「我對話劇好有熱誠，好細個就接觸話劇，多數寫劇本，所以由細到大都鍾意舞台劇。」《蘋果日報》圖片
《四世同堂》曾於 20個中國城市演出，入場人次超過 10萬，為北京話劇打了支強心針。《蘋果日報》圖片
留言列表
{{ article.title }}
