佢係小辣椒！真實對白
週日（ 20日），戴住 09年舊款 LV塗鴉頸巾的萬綺雯在寓所外接受訪問，笑笑口否認與田蕊妮不和：「佢係小辣椒，我覺得同佢呢種口直心快嘅人做朋友反而開心。」
封面
TVB亞視幫互篤 田蕊妮眼紅萬綺雯
想撈得掂娛樂圈，天分、後台、資歷都係附屬品，最緊要有運！
昔日亞視花旦，萬綺雯最遲一個埋無 綫堆，偏偏過檔頭炮劇集就擔正話題劇《老表，你好 嘢！》女主角，個個話佢防腐兼好戲；咁 啱又撞正無 綫鬧花旦荒，有傳樂小姐親自出天價利誘簽做親生女，酬勞直迫胡杏兒！
遲來先上岸，據悉，蚊蚊得寵，成班亞視幫得個恨字，惟獨蚊蚊口中嘅「小辣椒」田蕊妮眼紅到出面，不過蚊蚊勝在一向人緣好，有亞視黨更實行跟田蕊妮劃清界線，難怪連田蕊妮自己都認：「我以前細個，真係得罪好多人。」
純殼蚊蚊海邊掟石
外憂內患夾攻，冇人冇橋更冇口碑，一台獨大局面備受威脅，無 綫都焗住要改革。新劇《老表，你好 嘢！》大膽起用幕前人王祖藍做編劇，台前幕後加入大量新面孔，果然有新意有話題，上週首播即錄得 33點收視，連帶男女主角、配角甚至大茄都變話題。
杜太唔關注蚊蚊、煒哥
田蕊妮微博關注 325人，最多電影人、商台人，前亞視藝員只得李綺雯、梁美芬同楊恭如等，冇陳煒同萬綺雯份。
細個得罪好多人！真實對白
93年在亞視出道，田蕊妮 04年與杜汶澤大婚，姊妹團亦只得吳君如及商台 DJ，冇乜亞視人到賀。路透社圖片
萬綺雯、陳煒同屬亞姐出身，過檔無 綫後兩人時有飯敍，跟田蕊妮卻甚少見，煒哥說：「𡃁妹（李綺雯）、（陳）展鵬、（江）美儀都有見！」數落都係冇田蕊妮份。《蘋果日報》圖片
陳煒、萬綺雯「互粉」，又大量關注亞視人，卻和江美儀同樣冇關注田蕊妮。
一步登天
除 咗王祖藍自編自演，《老表》最大賣點莫過於有萬綺雯做女一！ 89年當選亞姐亞軍，萬綺雯忠心耿耿做足 22年亞視當家花旦，休息兩年後，去年才與無 綫簽下部頭約，仲要即簽即用，連做《老表》、《好心作怪》兩劇第一女主角。即時將要狂賣肉至做得女配角嘅陳煒、同喺 TVB撈足七年都企唔穩一線嘅田蕊妮比下去。唔只劇運亨通，萬綺雯連觀眾緣同高層緣亦贏其他前亞視花旦九條街，連樂易玲都親口向記者承認想簽蚊蚊做親生女：「我好鍾意佢，以前亞視 啲女藝員我淨係留意佢一個！如果佢肯簽，咩 嘢都有得傾！」
英國旗挑中港矛盾
18日（週五），萬綺雯招呼兩個內地朋友，去到西貢行海灘，不過招呼強國人卻身穿英國米字旗冷衫，因住又俾人話挑起中港矛盾喎。
純情掟石仔
42歲萬綺雯，唔只保得住童顏，連心境都似少女，在沙灘上與友人拋石仔，由副殼到內心都全面防腐！
茶座歎點心
玩完掟石仔，萬綺雯再同兩位內地朋友喺附近食點心，萬綺雯話：「佢兩個係內地做舞台劇嘅朋友，我冇時間出去招待佢哋，所以咪叫佢入嚟行吓海灘囉！」
大啖食 cup cake送走內地友人，回家稍作休息，萬綺雯再約埋經理人往尖沙咀食 cup cake，托腮一副歎樣超滋陰，仲好「少女」。
42歲都食到嘴舔舔、見到甜品好滿足，難得蚊蚊食極唔會走樣。
兩種待遇
萬綺雯與老公陳十三結婚 13年恩愛如昔， 13年都未做媽媽，蚊蚊話唔關老公食煙事：「佢𠵱家食少咗啦。」
據知萬綺雯過檔兩劇每集酬勞 2萬，樂小姐以天價每集 5萬利誘蚊蚊與無 綫簽經理人合約，直迫無 綫胡杏兒的每集 6萬當家花旦價。萬綺雯一向與世無爭人緣好，在無 綫獲得非一般待遇，其他亞視幫少有微言，惟獨當年曾跟萬綺雯合作拍《萬家燈火》扮兩姊妹兼「殭屍」系列、 06年已過檔的田蕊妮不滿到出面。據幕後爆料：「亞視幫人緣最麻麻就係田蕊妮，當年 喺亞視時已經得罪人多，之後又跟住老公杜汶澤群 啲電影明星，根本冇理之前亞視舊同事，𠵱家咁多亞視藝員過檔，人 哋待遇仲好過佢好多，佢成日向身邊人呻唔公平。」而萬蚊蚊微博狂關注亞視人如陳煒、張文慈，甚至曾傳不和的楊恭如，獨欠田蕊妮，田蕊妮當然亦無關注蚊蚊。
田蕊妮：「你又知我冇 5萬一集？」
亞視 4人幫
亞視人妒忌蚊蚊，只因佢一到場即有靚位攝，反而江美儀同陳煒，唔係要重口味就係賣肉，而田蕊妮都喺 TVB要撈足 4年先有主角做，唔眼紅有鬼！
7個月拋離
一樣係亞視過檔無 綫，萬綺雯一 嚟就做女一，角色仲溫柔嫻淑討人歡喜，王祖藍最醒，知道女主角賣點，特登加插一場美少女戰士制服誘惑， 42歲入無綫 7個月，即引死宅男。
效力 7年
35歲田蕊妮跌落二線
06年簽約無 綫，大塊田 10年至 喺《讀心神探》做到女主角，不過收視麻麻，打後又跌返落二線，正拍攝的重頭劇《巨輪》中排李司棋、鍾嘉欣後變女三。
效力 4年
41歲江美儀賣重口味
明明後生過萬綺雯一歲，江美儀過檔後大多係人 哋阿媽、同老姑婆角色，台慶劇《名媛望族》，明明年紀有番咁上下，都要玩黑絲誘惑，被網友彈重口味。
效力 1年
39歲陳煒露肉配角
同期簽約，曾是亞視一姐的陳煒劇運比萬蚊蚊差幾皮，《金枝慾孽二》出埋浴都係串星，《法網狙擊》又咀又除再同郭政鴻上演浴室情慾戲，都係配角咋，陰功！
住海景屋遊世界
萬綺雯 89年參選亞洲小姐時芳齡 18，唔覺唔覺今年已經 42歲，不過點睇都係得 30歲左近，身材 fit到漏，皮膚滑嘟嘟。駐顏有術，其實同蚊蚊生活習慣息息相關。萬綺雯曾經透露，早年在亞視當紅期捱出病，當下決定要放棄名利留番條命，從此以後電影電視年年都係一部起兩部止，保持低產量；家住鄰近烏溪沙全棟村屋，享受全海景及大花園，年中大部分時間種花養貓為樂；極其享受二人世界，一年幾次與老公陳十三外遊享樂。咁優游自在，又點會老呀？
花草為伴
一年大半時間休養生息，萬綺雯最愛留在家中種花，與世無爭。
及時行樂
陳十三經營自家工作室，同老婆一樣自由，一年去幾次度假，保持熱戀心情，人都靚啲。
留言列表
{{ article.title }}
