粵劇天后仙姐（白雪仙）上周五在君悅筵開五十圍，紀念名伶任劍輝百歲冥壽，文化戲曲界名人齊集，場面盛大近年罕見。在場人士見到政務司司長林鄭亦有出席，而且編在主家席，更坐於仙姐旁邊，兩人成晚交頭接耳，傾得好開心。

林鄭同仙姐是否早已相熟？有何淵源？本刊出於好奇，向接近仙姐朋友打聽，原來林鄭一直喜愛粵劇，雖然冇學過，但好鍾意睇，更自小仰慕仙姐，兩人早有交往。所以今次仙姐設宴紀念任姐冥壽，特別邀請林鄭參加，仲安排坐在自己旁邊，林鄭有機會以「小粉絲」身份同仙姐近距離傾偈，當然開心到暈。

官場之中，民政事務局副局長許曉暉亦係粵曲迷，而且正式跟師傅學過，唱得幾嘴，所以她出席社交宴會，如被邀上台表演，都會高歌幾首首本名曲，每次都技驚四座，贏得全場掌聲。

林鄭應仙姐邀請出席上周五紀念任劍輝百歲冥壽晚宴，被編在主家席，坐在仙姐旁邊。原來林鄭一直喜愛粵曲，更是仙姐的粉絲。

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄