娛樂八掛大放送★

o靚妹李綺雯由亞視轉投無綫後，人氣未見急升，反而與南華球員陳肇麒（陳七）陷入三角戀頓時成為熱話，其間更被指態度囂張。重提舊事， o靚妹不欲多談，只是當時一切來得太突然，令她無所適從，現在只想專心工作，準備拍劇出書，感情事惟有隨緣。

o靚妹李綺雯最近打算出書，寫的是愛情小說，難免會令人聯想到是否寫她與陳七的一段舊情，莫非她想憑書寄意？

放大圖片

早前 o靚妹和陳肇麒的一段三角戀曾鬧得滿城風雨。　資料圖片

放大圖片

李綺雯和文恩澄同是基督徒，又是愛狗之人，走在一起自然有講不盡的話題。

去街累朋友 放大圖片

李綺雯又彈琴又寫書，莫非想抹掉 o靚妹之名做才女？

o靚妹坦言：「其實大家都有各自嘅生活，唔想影響到人，我同佢都冇再聯絡，本書我好早之前就開始寫，絕對唔係寫我同佢嘅故事，唔希望大家聯想啲乜嘢，如果要係咁，我一早就出咗呢本書。」對於之前被踢爆戀情後， o靚妹被指態度囂張，她解釋：「其實我係一個比較慢熱嘅人，之前一直都冇乜人搵我做訪問，嗰件事之後，突然間好多人問我回應，我實在唔識得處理，同埋唔想講太多人哋嘅嘢，先會令人誤會。」現在冇拖拍的 o靚妹，對於愛情依然有憧憬，直認有追求者，她說：「會睇定啲先囉，最好唔係呢行，同行拍拖真係好麻煩，我最怕影響到朋友，試過同朋友出街，俾人係咁影，真係冇嘢都影成咁，搞到我都唔好意思。」

信教不寂寞

o靚妹雖然冇拖拍，但有一班好友經常相聚，不愁寂寞， o靚妹說：「我成日都同文恩澄、 Kellyjackie一班人聚會，大家都係基督徒，有共同話題，一見面就講唔停，好開心。」採訪：胡比　攝影：葉君海髮型： Sue of K11 Hair Coner場地提供： Dogside Cafe


o靚妹李綺雯自言對愛情仍有憧憬，不過她的首要擇偶條件是，不要圈中人。