羅彩玲小三 Vivian 否認與 Avis 有性關係娜姐酸舊愛：咁快搵到真愛－娛樂八掛大放送★

小三Vivian否認與Avis有性關係
娜姐酸舊愛：咁快搵到真愛 231,260

■與娜姐男友Avis爆床照的o靚模Vivian，每年夏天均不吝嗇倒瀉C奶拍寫真。　攝影：林德雄

周秀娜和髮型師男友陳偉成（Avis）六年情玩完，Avis與C奶𡃁模羅彩玲（Vivian）的床照流出，Vivian昨日否認是小三，她指照片是兩人醉爆時被友人偷拍，兩人沒發生性關係。怒斬情絲的娜姐對舊愛爆床照漠不關心，她酸溜溜說：「我戥佢開心咁快搵到真愛。」

周秀娜日前向男友陳偉成攤牌，主動結束六年情，有指分手是Avis搭上𡃁模Vivian，兩人的床照流出，Avis偷食斷正，而娜姐與方力申合作內地劇，有傳獲小方力追，惹來他的女友鄧麗欣向友人哭訴。失戀娜姐寄情工作療情傷，Avis則繼續玩失蹤。

「好傷心嘅階段過咗」

娜姐昨日收拾心情到灣仔錄影有線周美鳳節目，娜姐有看到Vivian和Avis床照的報道，她說：「有睇過，冇乜感覺，𠵱家對我嚟講，我哋已分開，對前男友嘅感情生活我冇興趣知。Avis同佢嘅感情生活，唔想由我嘅立場幫佢回應，我好傷心嘅階段過咗。」以時間來計，Vivian的出現當時娜姐與Avis未分手，她說：「時間對我嚟講從來唔係一個point。」娜姐是否預料Avis花弗？她說：「一段過咗去嘅感情，過咗去嘅人唔會有乜嘢，如果係真，我戥佢開心咁快搵到真愛。」娜姐自爆跟Avis沒聯絡幾個月。

■周秀娜昨不願回應舊愛Avis的新戀情，只酸溜溜祝福他。　

■Vivian聲稱與Avis當日醉爆，才在梳化睡着被偷拍。

Vivian洩床照令經理人向展邦震怒，他昨晚即約同Vivian在尖沙嘴訓話，拍枱力斥她的行為影響公司形象，她即眼紅紅，向展邦表示要處分她，令她非常擔心。

【今日我至紅】o靚模Vivian噚日因床照事件被經理人訓話，佢即刻眼紅紅抹淚。 Vivian：嗰晚飲到醉晒

Vivian說：「要冧番佢，件事好突然，自己都呆咗。我哋唔係拍拖，嗰張唔係床照，因為末日派對同班朋友去蘭桂坊飲嘢，之後上咗Avis屋企，佢嗰日唔開心，可能同女友鬧交，佢話娜姐忙，成日唔喺香港，佢哋相處唔開心，嗰晚佢飲到醉晒，我又飲咗好多，之後我哋喺梳化瞓着，朋友就影咗相放上facebook，tag咗我個名。」可有跟Avis發生性關係？Vivian說：「梗係冇。」Avis可有展開追求？Vivian說：「唔知，冇啩，佢對朋友好好，我哋未試過單獨約會。」Vivian指情侶眼鏡和帽只是巧合，對於娜姐指不認識她，Vivian自嘲：「我啱啱出道冇耐，一定冇佢咁忙。」
採訪：盧妹
攝影：黃偉雄、吳耀輝

娜姐驚愕冇奪方心

周秀娜與男友陳偉成（Avis）六年情告終，她直言是「真正的解決」，強調無第三者的她，昨日卻忽然傳出搭上劇集拍檔方力申（小方），與鄧麗欣（Stephy）鬧出四角戀！惟娜姐與小方已急急作出澄清，小方仲特登講了兩次「放心」，向女友大派定心丸，力證情不變！

回復單身的娜姐大嘆今年可能無花收。

周秀娜前晚為《第三十五屆十大中文金曲頒獎禮》擔任頒獎嘉賓時，高調承認回復單身，令全場嘩然。她昨晚接受本報電話訪問時透露因為分手傳言令她飽受困擾，遂決定交代清楚：「今次係真正嘅解決！其實都唔係突然，啲問題係日積月累。」她表示公告「分訊」後無再聯絡Avis，問到對Avis是否還有感覺，她說：「大家有共識，就算之後喺唔喺番埋一齊，都唔係呢個時候去諗。」

澄清沒有第三者

娜姐前晚在後台受訪時雙眼泛紅表示大前晚與Avis透過SMS正式分手，她否認與Avis花心有關，只說：「但係人大咗，去到一個階段，拍拖除咗要開心，都要有相同目標，可能自己步伐行快咗。」她無正面回答由誰提出分手，但強調無第三者，而暴瘦乃練功夫所致。

小方打孖上叫Stephy「放心」。

Avis與娜姐分手後一直沒有露面。
小方請Stephy放心

無第三者論言猶在耳，昨日卻有報道指娜姐與小方拍內地劇《唐朝浪漫英雄》時撻着，搞到Stephy以淚洗面！娜姐表示愕然，澄清與小方是「好兄弟」：「如果談情，我同小方都只會喺唐朝先談！」至於另一緋聞主角小方表示Stephy昨早將報道Send給他看，他亦澄清：「喺微博搵張合照就話我搭上佢，根本係亂作！同埋我好清楚Stephy無喊過，佢仲話張相影得佢好衰！」臨收線前，他再講了兩次「放心」，向女友派定心丸。身在橫店的Stephy同樣對男友百分百信任。

相反「四角戀」主角之一的Avis繼續潛水，其經理人表示他不會作任何回應，似乎想閉關靜思。

文：專案組

娜姐冷嘲：幫佢唔到！

性感女神周秀娜與陳偉成（Avis）的六年情告終後，即爆出緋聞多多的Avis是劈腿男，難怪昨日娜姐提到舊愛的緋聞時非常冷淡，笑指「幫佢唔到」！而Avis自「分訊」後一直玩「潛水」，據悉他自知搞到「周身屎」，擔心會再有第二波與女伴親密照曝光，令形象一鋪清袋，非常驚青！

日前周秀娜在《第三十五屆十大中文金曲頒獎禮》台上高調承認單身，與Avis六年情玩完，令不少人震驚！分手傳言滿天飛，有指娜姐搭上劇集拍檔方力申，娜姐已作出否認，並強調與Avis因沒有時間見面及目標不同而導致分手。而向來緋聞多多的Avis則傳因「劈腿」搭上o靚模羅彩玲（Vivian）而與娜姐分手，並爆出兩人「床照」。其實自與娜姐「分訊」曝光後，Avis一直「潛水」，據悉搞到「周身屎」的Avis在閉關期間非常驚青，擔心會有與女伴親密照流出，令形象再走下坡，故連日來按兵不動，連微博及Facebook也不敢露面。

相反回復單身的娜姐前晚與助手睇羅志祥演唱會尾場散心，約八時多，一身黑色打扮的她步入會場，大方企定任記者拍照，並展露笑容，惟她坐在熱戀中的歌手鄧穎芝及「巨聲幫」林師傑旁，感覺形單影隻，頗有贈興Feel。

分手後斷聯絡

昨午娜姐接受本報訪問，對於Avis的緋聞，她冷笑說︰「我都幫佢唔到，係啦！都會祝福佢。」提到Avis連日來可有私下聯絡她箍煲？她冷淡地說︰「冇！佢冇搵過我，同佢分手後冇聯絡。（考慮復合？）佢再搵我先算！」問到是否因發現Avis劈腿而分手？娜姐否認︰「冇話發唔發現，因為分開係兩個人之間嘅事，係兩個人之間嘅問題，又或者可能係分開之後，佢好快地有新嘅女朋友，所以佢嘅感情事就唔幫佢答喇！你要問番佢。」她似是要跟Avis劃清界線，懶理對方的感情狀況，她冷淡地說︰「呢個係時間嘅問題，我知我自己嘅時間，時間嘅意思係我知我哋嘅感情出現問題，所以去到依家大家眼見到嘅結果，我交代得好清楚，就係我哋分開咗，所以之前同之後發生嘅嘢對我嚟講就唔需要去知，大家可以問番佢。」及後娜姐匆匆轉到灣仔工作，至傍晚時分才離開，她甫見現場守候的記者顯得相當友善，笑笑口兼雙手合十讓在場記者拍照，其後只說︰「趕住去做嘢！」便登上車離開，直駛至九龍灣練功夫，實行把情傷發洩在拳腳身上。

另外，娜姐接受有線訪問時，再次強調分手與第三者無關，但對於Avis的緋聞她顯得相當決絕，直言對Avis的感情狀況不感興趣，問到會否擔心「潛水」多時的Avis？她說︰「大家各有各生活，呢一刻冇聯絡，佢係點樣，我真係唔清楚！」

第一手消息請下載on.cc東方互動iPhone/iPad/Android/Windows Phone Apps

專案組