巴馬火腿蘿蔔糕

潮𡃁便當

糕興迎蛇年

2013年01月23日 ~~ 第296期 Face

阿媽成日都講：一年容易又過年，真係話咁快，仲有唔夠一個月就農曆新年，除咗可以𢭃利是，又係做為食貓的時節！
好多人鍾意訂盆菜，係就係名貴，但總覺老套，年糕就新潮得多，用上 Parma ham、白松露，玩中西合璧，用上十勝紅豆、玉米，狂吹東洋風，用上蔗汁、黑糖，緊貼健康潮流，夠晒高興！

巴馬火腿蘿蔔糕

$288/個（ 1月 31前訂購價$245、以 Manhattan及渣打信用咭可獲 83折：$239）
重量： 750g
蘿蔔糕內加入炒香的大蝦米及臘腸，並特別鋪上來自意大利 Parma ham及金華火腿，兩者同樣會先炸香，然後再風乾 2小時，入口時鹹香可口，糕身微帶蘿蔔香味，愛香口者必讚。（ a）
好味指數：★★★★★
好味指數：（以 5粒星為最高）

鹹味年糕玩中西交融

香港人三心兩意，蘿蔔糕材料愈做愈廣泛，以意大利 Parma ham同白松露入饌的年糕款式，將西菜元素用在中式賀年糕點之上，夠晒潮，唔老套！

白松露蘿蔔糕

$128/個（ 1月 31日前訂購價$108）
重量： 605g
將往年的黑松露年糕改良，以白松露入饌，貪其香味清而不俗，烹調時，會先以保鮮紙包裹年糕，再放入蒸爐內去蒸，確保白松露的香味不會在過程中揮發，更會加入日本花菇及蝦米仔，提升香味。（ b）
好味指數：★★★

沖繩海鹽芋頭糕

$118/個（ 2月 9日前$87、以匯豐信用咭可獲 65折：$76.7）
重量： 850克
芋頭粒又香又糯，芋香四溢，配以惹味臘腸，分量十足，加上以水質優良見稱的沖繩石垣海鹽調味，更襯托出年糕的鮮味，令傳統糕點更滋味！（ c）
好味指數：★★★

甜味之選顏色多

宏觀今年的甜味年糕，大部分以健康清潤為主，如加入燕窩、蜜糖、桂花、紅桑子、草莓及蔗汁等材料，其中不少更會在賣相上花心思，不僅顏色 colourful，仲會加入金箔，更 sharp、更矜貴！

金箔燕窩椰汁桂花糕

$368/個（ 1月 31前訂購價$313、以 Manhattan及渣打信用咭可獲 83折：$305）
重量： 750g
椰汁桂花糕需一層一層待其凝固然後逐一鋪上，更特別於桂花糕內加入新西蘭蜜糖，入口更清甜，有滋潤作用，而最上層燕窩足有 2両重，分量十足，以食用金箔作點綴，畫龍點睛，令整個年糕更加矜貴，送禮唔失禮！（ a）
好味指數：★★★★

鴻運金箔三色糕

$98/個（ 1月 31日前預購價$72）
重量： 605g
選用高纖雜莓和紅桑子，另配高營養價值的百花蜜製成，再加上食用金箔作點綴，入口味道酸甜，非常醒胃，過年食得飽再食都得！（ d）
好味指數：★★★

桂花杞子棗皇糕

$118/個（ 2月 9日前$92，以滙豐信用咭可獲 7折：$82.6）
重量： 600g
選用清香桂花以及頂級杞子及香濃紅棗汁製成，甜而不膩，老少咸宜，健康又美顏，最重要是可以即食，懶鬼仲啱！(e)
好味指數：★★★

十勝清甜玉米糕

$99/條（ 2月 9日前$73、以滙豐信用咭可獲 65折：$64.3）
重量： 600g
嚴選北海道十勝玉米粒，玉米清甜有咬口，配上爽脆馬蹄，口感豐富，唔講仲以為係食緊一道甜品！(c)
好味指數：★★★★

十勝紅豆金栗年糕

$99/條（ 2月 9日前$73、以滙豐信用咭可獲 65折：$64.3）
重量： 600g
採用日本北海道十勝紅豆製成，由於紅豆生長於火山灰黑土中，養分充足，每粒圓潤飽滿，豆味香濃，再配上甘香栗子，哈日族必試。(c)
好味指數：★★★

金箔紫糖棗蓉糕

$108/條（ 2月 9日前$80、以滙豐信用咭可獲 7折：$76）
重量： 650g
以坐擁「健康黑金」美譽的日本沖繩黑糖製造，營養豐富，糖味濃郁香醇卻不過分，配上同樣健康的紅棗，老少皆宜。製造過程中堅持以人手磨製棗蓉，絕無添加。(g)
好味指數：★★★

卡通公仔啱送禮

如果想在新年向長輩、父母甚至朋友仔表達心意，或者可以考慮向他們送上禮盒，禮盒裝由亞嫲都好鍾意的亞嫲年糕禮盒，到新潮啱後生仔的 Hello Kitty及 Chocolate Rain都有，皆大歡喜！

蔗汁百寶糕

上年憑一款薑汁黑糖年糕大賣的大師姐，今年推出全新蔗汁口味，話明係百寶，入面當然加入了不少材料如百合、杞子、豌豆等，入口清甜，好潤喉！(f)$198/盒
好味指數：★★★★

Hello Kitty甜蜜糕點禮盒

鴻福堂今年首度和 Hello Kitty合作，推出限量版賀年禮盒，內有 2件年糕，分別為燕窩楊枝甘露糕及柚子富士蘋果糕，可以凍食，實乃新潮之選！(h)$143/盒

自選亞嫲年糕禮盒

「亞嫲年糕」內有 4款年糕，可在黑糖、杏汁、椰汁及生磨馬蹄糕中任選 2款，以及在芋頭、臘味蘿蔔、麥芽糖及蓮子百合紅豆糕中任選 2款。(j)$240（ 4件裝）/盒

Chocolate Rain別注版
年糕禮盒

鴻星今年首次聯同 Chocolate Rain推出別注版年糕禮盒，內有棗蓉、黑糖、紅糖及咖啡 4款口味，限售 3,000盒。(i)$268/盒

(a)國金軒 2393 3933
(b)點一龍 2175 3100
(c)東海堂 2739 1328
(d)城景 2783 3287/ 2783 3269
(e)翠園 2101 1333
(f)大師姐 6512 3328
(g)美心 2101 1333
(h)鴻福堂 2920 2206
(i)鴻星 2628 0080
(j)奇華 2785 6066